Навіны на тэму: суды
22.07.2011 Мінгарсуд не задаволіў касацыйныя скаргі яшчэ шасці фігурантаў справы 19 снежня
Мінскі гарадскі суд пакінуў без задавальнення касацыйныя скаргі яшчэ шасці фігурантаў крымінальнай справы аб масавых беспарадках 19 снежня — Уладзіміра Лобана, Андрэя Федаркевіча, Дзмітрыя Дароніна, Сяргея Казакова, Яўгена Сакрэта і Віталя Мацукевіча. Такое рашэнне прыняла 22 ліпеня калегія Мінгарсуда пад старшынствам Уладзіміра Сцяпуркі.
22.07.2011 Прысуды Някляеву, Дзьмітрыеву ды іншым удзельнікам Плошчы пакінулі бязь зьменаў
22 ліпеня Менскі гарадзкі суд пакінуў у сіле прысуды Ўладзімеру Някляеву, Андрэю Дзьмітрыеву, Аляксандру Фядуце, Натасьсі Палажанцы, Віталю Рымашэўскаму, Сяргею Вазьняку, Уладзімеру Лобану, Алегу Федаркевічу, Яўгену Сакрэту, Сяргею Казакову, Дзьмітрыю Дароніну, Віталю Мацукевічу.
22.07.2011 Суд над удзельнікамі стыхійнага пратэсту ў Брузгах працягнецца 1 жніўня
Працэс у судзе Ленінскага раёну распачаўся ў Гародні 20 ліпеня. З 36 удзельнікаў пратэсту на памежным пераходзе Брузгі 12 чэрвеня, якія раней ужо былі засуджаныя да буйных грашовых штрафаў, Гарадзенская рэгіянальная мытня і мясцовая міліцыя хочуць агулам спагнаць дадаткова яшчэ 10 мільёнаў рублёў.
22.07.2011 У Брэсце абласны суд задаволіў скаргу “маўчуна”
Дзмітрый Шурхай быў пакараны 7-мю суткамі адміністрацыйнага арышту.
21.07.2011 Барысаў: арышты на пяць сутак
21 ліпеня ў Барысаве судзілі затрыманых учора сябра АГП Мікалая Віторскага і фотакарэспандэнта сайта ex-press.by Аляксандра Зянкова. Суддзя Лідзія Малчанава пакарала іх адміністратыўнымі арыштамі на пяць сутак. Ноч да суду затрыманыя правялі ў ізалятары часовага ўтрымання. Як распавяла ex-press.by Вікторыя Зянкова, жонка пакаранага фотакарэспандэнта, суддзя змагла зрабіць працэс “закрытым”.
21.07.2011 У Наваполацку справу затрыманых сына і маці адправілі на дапрацоўку
Юрыя Рудкоўскага і ягоную маці Людмілу Рудкоўскіх міліцыянты затрымалі пасьля акцыі маўклівага пратэсту ў Наваполацку. Сёньня над імі меўся адбыцца суд, але справу адправілі на дапрацоўку.
21.07.2011 Сёння ідуць суды ў Менску (абнаўляецца)
21 ліпеня ў райсудах Менску будуць разглядацца адміністратыўныя справы затрыманых у “маўклівую сераду” 20 ліпеня.
21.07.2011 Суды над жыхарамі Заслаўля перанесены
У судзе Менскага раёна і г. Заслаўля сёння распачаўся разгляд адміністратыўных справаў чатырох чалавек, затрыманых увечары 21 ліпеня ў Заслаўлі - Івана Івончыка, Андрэя Клюкіна, Юрыя Паўлава і Сяргея Сілкова. Іх вінавацяць у парушэнні артыкула 23.34 КаАП (удзел у несанкцыянаваным мерапрыемстве). Працэсы перанесены на 28 ліпеня і 4 жніўня, “правапарушальнікі” павінны будуць з’явіцца ў суд па позве.
21.07.2011 У Магілёве суд не задаволіў скаргі “маўчуноў”
Сёння, 21 ліпеня, Магілёўскі абласны суд не задаволіў скаргі праваабаронцы Барыса Бухеля, журналістаў Алеся Асіпцова, Аліны Скрыбуновай, Ганна Ільіной і грамадскага актывіста Валянціна Лабачова.
19.07.2011 Чым займаецца пракуратура?
Грамадзяне ў апошнія месяцы патокам накіроўваюць у пракурорскія органы скаргі з патрабаваннямі прыцягнуць да адказнасці міліцыянтаў, якія незаконна затрымліваюць людзей па так званых маўклівых серадах. Аднак замест таго, каб праводзіць праверку па фактах міліцэйскага самаўпраўства, пракуратура праводзіць прафілактычныя гутаркі з яго ахвярамі.
18.07.2011 Грамадзянка Расіі абскарджвае ў Менгарсудзе пастанову пра штраф за нецэнзурную лаянку
Марына Дукмасава, якая з'яўляецца грамадзянкай Расійскай Федэрацыі, 7 ліпеня ў выніку разгляду адміністратыўнай справы судом Партызанскага раёна Менска была аштрафаваная на 10 базавых велічыняў за «дробнае хуліганства». 6 ліпеня жанчына разам з непаўналетнім сынам, які таксама з'яўляецца расійскім грамадзянінам, была затрыманая і дастаўленая ў Маскоўскае РУУС. Супрацоўнікі міліцыі абвінавацілі яе ў нецэнзурнай лаянцы ў грамадскім месцы.
15.07.2011 Наваполацк: Алегу Крайко – штраф у дзве базавыя велічыні
15 ліпеня ў Наваполацкім гарадскім судзе адбыліся разгляды яшчэ некалькіх адміністратыўных справаў “маўклівых рэвалюцыянераў”, затрыманых падчас акцыі 13 ліпеня. Аднаго з іх, Алега Крайко, суддзя Іванова пакарала штрафам у дзве базавыя велічыні, паколькі Алег пагадзіўся з абвінавачаннем.
15.07.2011 Прыгавор Саннікаву і чатыром удзельнікам падзей 19 снежня пакінуты без зменаў
Судовая калегія Мінскага гарадскога суда пакінула без зменаў прыгавор экс-кандыдату ў прэзідэнты Андрэю Саннікаву, а таксама ўдзельнікам мітынгу апазіцыі 19 снежня 2010 года Алегу Гнедчыку, Уладзіміру Яроменку, Ільі Васілевічу і Фёдару Мірзаянаву.
15.07.2011 Івану Шылу – арышт на 8 сутак
Такое пакаранне 15 ліпеня ў Салігорскім судзе агучыў суддзя Бураўцоў. Разгляд адміністратыўнай справы моладзевага актывіста, затрыманага ў “маўклівую сераду” 13 ліпеня, пачаўся ўчора, але быў перанесены, паколькі Іван запатрабаваў прысутнасці адваката. Сёння адвакат прысутнічаць не змог, аднак суддзя не задаволіў хадайніцтва пра перанос працэсу. Таксама не было задаволена хадайніцтва пра выклік сведкаў з боку абароны.
15.07.2011 Мінскі гарсуд разглядае скаргу на прыгавор Андрэю Саннікаву і чатыром удзельнікам мітынгу 19 снежня 2010 года
У Мінскім гарадскім судзе сёння пачаўся разгляд касацыйнай скаргі на прыгавор экс-кандыдату ў прэзідэнты Андрэю Саннікаву, а таксама ўдзельнікам мітынгу апазіцыі 19 снежня 2010 года Алегу Гнедчыку, Уладзіміру Яроменку, Ільі Васілевічу і Фёдару Мірзаянаву.
