Навіны на тэму: суды
15.09.2011 Слонімскі раённы суд адмовіў грамадскаму актывісту ў скарзе на мясцовы райвыканкам
Слонімскі раённы суд пад старшынством суддзі Хамінец Таццяны адмовіў у скарзе на мясцовы райвыканкам дэмакратычнаму актывісту Івану Бедку, паведамляе "Гарадзенская вясна".
15.09.2011 Суд над абвінавачанымі ў тэракце ў мінскім метро праходзіць як паказальны
Працэс над Дзмітрыем Канавалавым і Уладзіславам Кавалёвым пачаўся ў мінскім Доме правасуддзя аб 11-й. Працэс адкрыты.
15.09.2011 Па скарзе праваабаронцы супрацоўнікі міліцыі прыцягнутыя да адказнасці
Пра гэта Анатолю Паплаўнаму паведаміў намеснік начальніка Упраўлення ўнутраных справаў Гомельскага аблвыканкама, палкоўнік міліцыі Валерый Лявонаў. З яго адказу на скаргу праваабаронцы выцякае, што праведзена службовая праверка наконт ілжывых сведчанняў супрацоўнікаў міліцыі ў судзе.
14.09.2011 Гомельскія дэмакратычныя актывісты паскардзіліся ў Камітэт ААН
Гомельскія дэмакратычныя актывісты Васіль Палякоў і Анатоль Паплаўны паскардзіліся ў Камітэт ААН па правах чалавека на мясцовыя ўлады. 26 ліпеня мінулага года гамяльчукі былі прыцягнутыя да адміністратыўнай адказнасці за тое, што павіншавалі жыхароў абласнога цэнтра са святам незалежнасці Беларусі, паведамляе “Гомельская вясна”.
14.09.2011 Змітра Шурхая завочна асудзілі на 10 сутак
Актывіст з Берасця атрымаў пастанову суда па пошце.
13.09.2011 Гомель: Праваабаронца настойвае на крымінальным пераследзе суддзі
13 верасня праваабаронца Анатоль Паплаўны быў выкліканы ў пракуратуру Цэнтральнага раёна Гомеля з нагоды заявы аб узбуджэнні крымінальнай справы ў дачыненні да суддзі. Старэйшы следчы пракуратуры Сяргей Кузьмянкоў узяў пісьмовыя тлумачэнні адносна вынясення ў дачыненні да яго суддзёй Аленай Цалковай загадзя неправасуднай пастановы, - паведамляе “Гомельская вясна”.
13.09.2011 За пікет у падтрымку Дашкевіча — чарговы завочны прысуд
10 сутак арышту горацкая суддзя Чаплыгіна вынесла брэсцкаму актывісту Змітру Шурхаю.
13.09.2011 Іван Бедка судзіцца са Слонімскім райвыканкамам
13 верасьня слонімскі раённы суд разгледзіць скаргу дэмакратычнага актывіста Івана Бедкі да мясцовага райвыканкама. Мясцовая раённая адміністрацыя, на думку Бедкі, неабгрунтавана двойчы забараняла яму праводзіць пікеты: у абарону палітзьняволеных і супраць зьбядненьня насельніцтва.
09.09.2011 Агітацыя за Народны сход каштавала больш за мільён рублёў штрафу
Дэмакратычны актывіст з Ваўкавыску (Гарадзенская вобласьць) Віталь Гуляк пакараны штрафам у адзін мільён пяцьдзясят тысяч рублёў — гэта трыццаць базавых адзінак.
09.09.2011 Някляеў не пайшоў у суд
На ганку суду Ленінскага раёну Менску былы кандыдат на прэзыдэнта Ўладзімер Някляеў заявіў, што ня пойдзе ў суд. Ён сказаў, што робіць гэта на знак пратэсту, што ягоныя сябры ды іншыя былыя кандыдаты на прэзыдэнта знаходзяцца за кратамі.
08.09.2011 Някляева зноў будуць судзіць
9 верасьня былога кандыдата на прэзыдэнта Ўладзімера Някляева выклікаюць у суд Ленінскага раёну Менску. "У судовай позьве сказана, што я павінен зьявіцца ў суд для "ўсталяваньня дадатковых абмежаваньняў", — кажа палітык.
08.09.2011 Мінгарсуд адмовіў у скарзе маці палітвязня
Мінскі гарадскі суд пакінуў без змены прысуд Алене Ліхавід, маці палітвязня Мікіты Ліхавіда. Жанчына была асуджаная на 10 сутак адміністрацыйнага арышту за удзел у несанкцыянаванай акцыі 20 ліпеня — гэтак званай акцыі «маўклівага пратэсту». Асудзіла маці палітвязня суддзя Вайтэховіч з Цэнтральнага суда Мінска.
08.09.2011 Міліцыя зноў вінаваціць праваабаронцу ў лаянцы
Маёр Уладзіслаў Шукель склаў на яго новы адміністрацыйны пратакол паводле артыкула 17.1 — «дробнае хуліганства». А выявілася гэтая «хуліганская драбяза» ў тым, што праваабаронца 3 ліпеня пасьля маўклівай акцыі «Рэвалюцыя праз сацыяльную сетку» нібыта «выказваўся нецэнзурнай лаянкай, на заўвагі супрацоўнікаў міліцыі не рэагаваў, чым парушыў грамадзкі парадак і спакой грамадзян». Гэтая фармулёўка збольшага сьпісаная з Кодэксу аб адміністрацыйных правапарушэньнях.
07.09.2011 Іван Шыла атрымаў 20 сутак
Суд горада Горкі пакараў салігорскага актывіста Маладога Фронту дваццацьцю суткамі арышту за пікет каля калоніі, дзе адбывае пакараньне лідэр арганізацыі Зьміцер Дашкевіч.
07.09.2011 Ваўкавыск: у суд за тое, што заклікаў на народны сход
Ваўкавыскі актывіст Віталь Гуляк атрымаў сёньня позву ў раённы суд. У пятніцу адбудзецца разгляд яго адміністрацыйнай справы, як напісана ў пратаколе: за «пікетаваньне з мэтай закліку на народны сход 8 кастрычніка 2011 году».
