Навіны на тэму: суды
01.04.2021 Пракурор запрасіў 3 гады калоніі для брэсцкіх блогераў Сяргея Пятрухіна і Аляксандра Кабанава
У судзе Кастрычніцкага раёна Магілёва дзяржабвінаваўца запытаў 3 гады пазбаўлення волі ў калоніі агульнага рэжыму для блогераў з Берасця Сяргея Пятрухіна і Аляксандра Кабанава. Пра гэта "Медиазоне" паведаміла адвакат Пятрухіна Ірына Точкар.
01.04.2021 Пудзіла са смецця палічылі падобным да прэзідэнта і пакаралі ягоных "аўтараў" абмежаваннем волі
Суд Маскоўскага раёна Берасця 1 красавіка вынес прысуд па крымінальнай справе за вывешванне у абласным цэнтры пудзіла (ч. 2 арт. 339 КК - хуліганства, здзйсненае групай асоб).
01.04.2021 Сясцёр Міронцавых пакаралі пазбаўленнем волі на два і два з паловай гады
У судзе Савецкага раёна Мінска 31 сакавіка працягнуўся разгляд крымінальнай справы ў дачыненні да Вікторыі і Анастасіі Міронцавых, якіх абвінавачвалі ў актыўным удзеле ў групавых дзеяннях, што груба парушаюць грамадскі парадак, і гвалце або пагрозе прымянення гвалту ў дачыненні да супрацоўнікаў МУС. А сёння быў агучаны прысуд па справе.
31.03.2021 Палітыку Уладзіміру Няпомняшчых за абразу памочніцы пракурора прысуд будзе вынесены 7 красавіка
У судзе Савецкага раёна Гомеля працягваецца разгляд крымінальнай справы ў дачыненні да грамадскага дзеяча і палітыка Уладзіміра Няпомняшчых.
31.03.2021 Мінчанку асудзілі за абразлівы каментарый на амапаўца
У судзе Маскоўскага раёна Мінска 30 сакавіка вынесены прысуд па крымінальнай справе, узбуджанай за абразу прадстаўніка ўлады па артыкуле 369 Крымінальнага кодэксу.
31.03.2021 Маладзечна: па справе аб перакрыцці дарогі пракурор прасіў "хатнюю хімію", прысуды – "хімія" з накіраваннем і штрафы
Суд Маладзечанскага раёна вынес прысуд паводле артыкула 342 Крымінальнага кодэкса
31.03.2021 Мужчыну асудзілі на два гады "хатняй хіміі" за каментар, які пракурор не змагла агучыць
У судзе Фрунзенскага раёна 30 сакавіка разглядалася крымінальная справа ў дачыненні да Рамана Дворкіна. Мужчыну вінавацілі ў абразе прадстаўніка ўлады па арт. 369 Крымінальнага кодэкса.
31.03.2021 Мінск: пачалі разглядаць справу палітвязня, абвінавачанага ва ўдзеле ў "масавых беспарадках"
30 сакавіка Заводзскі суд Менска пачаў разглядаць справу ў дачыненні да 26-гадовага Ігара Рудчыка
31.03.2021 6 і 7 гадоў узмоцненага рэжыму. Вынесены прысуд па справе за намер пракалоць колы
31 сакавіка ў судзе Заводскага раёна завяршыўся разгляд крымінальнай справы ў дачыненні да 32-гадовага Юрыя Сяргея і 37-гадовага Кірыла Казея, абвінавачаных па трох артыкулах Крымінальнага кодэкса: падрыхтоўка да здзяйснення асабліва злоснага хуліганства (ч. 1 арт. 13, ч. 3 арт. 339 КК), падрыхтоўка да наўмыснага знішчэння альбо пашкоджання маёмасці (ч. 1 арт. 13, ч. 2 арт. 218 КК), незаконнае захоўванне боепрыпасаў (ч. 3 арт. 295 КК). Суддзя Анжэла Касцюкевіч агучыла наступныя прысуды: Кірылу Казею - 7 гадоў калоніі ўзмоцненага рэжыму, Юрыю Сяргею - 6 гадоў калоніі ўзмоцненага рэжыму. Напярэдадні пракурор запрасіла менавіта такое пакаранне. Таксама абвінавачаныя мусяць сплаціць па 150 базавых велічынь штрафу.
31.03.2021 За слова "скот" пад фота ўчастковага жанчыну асудзілі на два гады "хатняй хіміі"
У судзе Пружанскага раёна 30 сакавіка разглядалася крымінальная справа ў дачыненні да Людмілы Карасоўскай, якую абвінавачвалі ў абразе супрацоўніка міліцыі Дзмітрыя Казарэнкі паводле арт. 369 Крымінальнага кодэкса.
30.03.2021 Заключэнне юрыстаў і экспертаў ПЦ «Вясна» па крымінальнай справе Андрэя Царонка па арт. 364 і 339 КК
Заключэнне групы аналітыкаў ПЦ "Вясна" па крымінальнай справе Андрэя Царонка, які абвінавачваецца ў здзяйсненні злачынстваў, прадугледжаных часткамі 1 і 2 арт. 339 і арт. 364 КК, у межах кампаніі праваабаронцаў па маніторынгу палітычна матываваных крымінальных спраў, звязаных з выбарчай кампаніі па выбырам Прэзідэнта Рэспублікі Беларусь 2020 г. і пратэстамі супраць фальсіфікацыяў вынікаў галасавання.
30.03.2021 За пудзіла прэзідэнта пракурор запрасіў абмежаванне волі для траіх берасцейцаў
У судзе Маскоўскага раёна Берасця 30 сакавіка працягваўся разгляд крымінальнай справы за вывешванне у абласным цэнтры (ч. 2 арт. 339 КК - хуліганства, здзйсненае групай асоб).
30.03.2021 Палітвязню Сядову прысудзілі 3 гады зняволення ў калоніі ўзмоцненага рэжыму
У судзе Першамайскага раёна Мінска 30 сакавіка вынесены прысуд па крымінальнай справе Віктара Сядова, узбуджанай за ўдзел у масавых беспарадках (частка 2 артыкула 293 Крымінальнага кодэксу).
30.03.2021 Хроніка адміністрацыйных працэсаў 30 сакавіка
У Мінску і рэгіёнах працягваюцца суды па адміністрацыйных справах над затрыманымі.
30.03.2021 У Гродне чатырох чалавек адправілі ў калонію за гвалт над амапаўцамі
У судзе Ленінскага раёна Гродна 30 сакавіка завяршыўся працэс па крымінальнай справе па арт. 364 Крымінальнага кодэкс супраць чатырох чалавек, які доўжыўся амаль тры месяцы. Міхаіл Юдзін, Вадзім Хіжнякоў, Міхаіл Ефімовіч (жыхары Гародні) і Андрэй Севяртока (з Мастоў) былі прызнаныя вінаваты у гвалце над супрацоўнікамі АМАП на акцыі пратэсту 27 верасня. Суддзя Генадзь Мазайла вынес такі прысуд, як і запытваў дзяржабвінаваўца на папярэднім пасяджэнні:
