Навіны на тэму: суды
04.01.2012 З гомельскага ІЧУ вызвалены Дзмітрый Шаўчэнка
4 студзеня адбыў пяць сутак пакарання гомельскі лідэр інтэрнэт-суполкі «Рэвалюцыя праз сацыяльныя сеткі» Дзмітрый Шаўчэнка. Прычым міліцыянеры, ужо па традыцыі, не выпусцілі ў вызначаны тэрмін актывіста з ІЧУ, а спачатку даставілі яго ў РАУС, а ўжо адтуль адпусцілі. Тым часам сябры і паплечнікі Дзмітрыя чакалі яго каля ізалятара, што ў іншым раёне Гомеля.
04.01.2012 Георгі Станкевіч патрабуе, каб суд спыніў ягоную адміністрыцыйную справу
Выдаўца і рэдактара газеты “Крывінка” з Бешанковіцкага раёну вінавацяць у парушэнні парадку распаўсюду выдання. На 4 студзеня быў прызначаны суд, на які спадар Станкевіч не змог прыйсці з прычыны хваробы, але папярэдне ён даслаў скаргу з патрабаваннем спыніць адміністрацыйны працэс.
04.01.2012 Віктар Чайкоўскі дамагаецца адмены рашэння пра арышт
Віктара Чайкоўскага, які падчас выбараў быў даверанай асобай кандыдата ў прэзідэнты Мікалая Статкевіча, супрацоўнікі міліцыі затрымалі днём 19 снежня 2010 года каля ягонага дома і адвезлі ў Ленінскі РАУС Брэста, дзе склалі адміністратыўны пратакол за нібыта здзейсненае ім дробнае хуліганства. Суд пакараў яго арыштам на трое сутак.
04.01.2012 Іван Шэга судзіцца са Слонімскім райвыканкамам за свабоду мірных сходаў
3 студзеня лідэра Слонімскага аддзялення Партыі БНФ Івана Шэгу выклікалі ў суд Слонімскага раёна. Туды ж былі выкліканы і чыноўнікі са Слонімскага райвыканкама. Іван Шэга лічыць, што шматлікія адмовы мясцовых уладаў у рэалізацыі яго права на мірны сход не заснаваны на законе, груба парушаюць яго правы і законныя інтарэсы, таму і звярнуўся ў суд.
03.01.2012 Інвалід Марозаў, якога ледзьве не задушылі міліцыянты, шукае праўды ў судзе
6 студзеня у судзе Першамайскага раёна Менска адбудзецца разгляд скаргі пенсіянера Уладзіміра Марозава на адмову ва ўзбуджэньні крымінальнай справы супраць супрацоўнікаў міліцыі, якія без аніякіх падстаў ледзьве не задушылі хворага на цукровы дыябет інваліда. Пачатак суду прызначаны на 9-30.
03.01.2012 Гомельскія апазіцыянеры просяць суд прызнаць неправамерным змяшчэнне іх у ІЧУ
Напярэдадні і ў дзень правядзення Народнага сходу Уладзімір Няпомняшчых і Уладзімір Кацора былі затрыманы па абвінавачванні ў парушэнні парадку правядзення масавага мерапрыемства, змешчаны ў ІЧУ, дзе ўтрымліваліся да суду, які адбыўся 10 кастрычніка. Судом яны былі пакараныя штрафамі.
02.01.2012 Брэст: За адмову ў інфармаванні чыноўніка хочуць прыцягнуць да адказнасці
Краязнаўца Дзяніс Турчаняк збіраецца ў судовым парадку абскардзіць дзеянні намесніка старшыні Брэсцкага гарвыканкама Вячаслава Хафізава, які адмовіўся прадаставіць інфармацыю аб прынятых мясцовымі ўладамі рашэннямі па справе аб зносе будынка, які з’яўляўся гістарычна-культурнай каштоўнасцю.
02.01.2012 У Менску судзяць моладзевых актывістаў
Сталічныя суды ў новым, 2012 годзе, працуюць нягледзячы на сьвяты. Актывістка Наста Шулейка, якую затрымалі 31 сьнежня каля Цэнтра ізаляцыі правапарушальнікаў на Акрэсціна пакараная судом Маскоўскага раёна Менска штрафам у памеры 20 базавых велічынь (700 тысяч рублёў). Справу разглядаў суддзя Козак Віктар. Да суда дзяўчына ўтрымлівалася ў ізалятары на Акрэсціна.
31.12.2011 5 сутак атрымаў актывіст «РЧСС» з Гомеля Зміцер Шаўчэнка
Пяць сутак правядзе ў гомельскім ІЧУ актывіст інтэрнэт-супольнасці «Рэвалюцыя праз сацыяльную сетку» Зміцер Шаўчэнка. Ён быў затрыманы міліцыяй 30 снежня каля 13.00 на прыпынку грамадскага транспарту ў Гомелі, і адразу ж дастаўлены ў суд.
30.12.2011 Актывістаў расшукваюць па ўсёй краіне і ізалююць на Новы год
Сёньня суд Савецкага раёна Мінска пакараў аднаго з кіраўнікоў “Маладых дэмакратаў” Аляксандра Сцепаненку арыштам на 5 сутак нібыта за дробнае хуліганства.
30.12.2011 Сёньня суд над Юрасём Навіцкім
Пагоршыўся стан арыштаванага на 15 сутак блогера і фатографа, сябры Руху “За Свабоду” Юрася Навіцкага (Шпак – Рыжова). Раней ён абвясціў у Цэнтры ізаляцыі правапарушальнікаў сухую галадоўку.
29.12.2011 Андрусь Крэчка арыштаваны на 5 сутак (абноўлена)
У судзе Савецкага раёна Мінска суддзя Дзмітрый Паўлічэнка вынес рашэнне аб арышце моладзевага актывіста Андруся Крэчкі на 5 сутак. Малады чалавек абвінавачаны ў дробным хуліганстве -- "лаяўся матам".
29.12.2011 Магілёўскі абласны суд не задаволіў скаргу Андрэя Падаляка
Сёння, 29 снежня, Магілёўскі абласны суд не задаволіў скаргу бабруйскага актывіста “Моладзі БНФ” Андрэя Падаляка. Нагадаем, што Ленінскі раённы суд прызнаў яго вінаватым у парушэнні грамадскага парадку. Судзя Станіслаў Шандаровіч пакараў хлопца штрафам у памеры 525 тысяч рублёў (15 базавых велічынь).
28.12.2011 Адмовіўся ад дактыласкапіі - плаці штраф
700 тысяч рублёў штрафу за адмову ад дактыласкапіі атрымаў жыхар горада над Бугам Віталь Казакоў. Ён адмовіўся ад такой працэдуры з рэлігійных перакананняў.
28.12.2011 Кіраўнік незалежнай прафсаюзнай суполкі аспрэчвае забарону пікета
У судзе Ленінскага раёна Брэста прайшло папярэдняе судовае паседжанне, падставай для якога была скарга кіраўніка рэгіянальнай суполкі Свабоднага прафсаюза Беларускага Валянціна Лазарэнкава на дзеянні мясцовага гарвыканкама, які забараніў пікет пад дэвізам “За годную працу!”
