Навіны на тэму: суды
20.07.2012 З базы дадзеных невыязных праваабаронцаў прыбралі, скаргі – не задаволілі
Суд Цэнтральнага раёна Менска 20 ліпеня разгледзеў скаргі дырэктара інфармацыйна-асветніцкай установы «Платформа» Андрэя Бандарэнкі і намесьніка старшыні Праваабарончага цэнтру “Вясна” Валянціна Стэфановіча на дзеянні Міністэрства абароны і Міністрэства унутраных спраў на ўнясеньне іх прозвішчаў па надуманых падставах у банк дадзеных аб грамадзянах РБ, права якіх на выезд з Рэспублікі Беларусь часова абмежавана.
20.07.2012 Мікола Уласевіч праз суд патрабуе вяртання забраных на мяжы рэчаў
Яшчэ 10 красавіка бягучага году на мяжы ў пункце пропуску “Катлоўка” ягоны аўтамабіль быў пастаўлены ў адмысловы бокс на агляд. У выніку больш чым трохгадзіннага ператрусу былі забраныя асабістыя рэчы і матэрыялы, якія не вяртаюць дагэтуль.
20.07.2012 Разгляд скаргі невыязнога Алега Гулака ізноў пераносіцца
Разгляд скаргі невыязнога старшыні Беларускага Хельсінкскага камітэта Алега Гулака ў судзе Цэнтральнага раёна Менска перанесены на 31 ліпеня. Пачатак - 16:30.
20.07.2012 Салігорск: Забарона велапрабегу абскарджваецца ў Мінскім абласным судзе
Салігорскі маладафронтавец Андрэй Тычына накіраваў скаргу на забарону масавага мерапрыемства ў выглядзе велапрабегу ў Мінскі абласны суд. У сваёй скарзе ён звяртае ўвагу не толькі на відавочную неадпаведнасць вынесеных рашэнняў нацыянальнаму заканадаўству, але і спасылаецца на міжнародныя номы і дамовы ў галіне правоў чалавека.
20.07.2012 Касацыйная скарга сябра слонімскай суполкі БХД не задаволеная
Пасля таго, як суд Слонімскага раёна 12 чэрвеня аштрафаваў сябра слонімскай суполкі БХД Вольгу Пансевіч на 2 мільёны 500 тысяч рублёў за тое, што яна нібыта не падпарадкавалася міліцыі і нецэнзурна лаялася, актывістка падала касацыйную скаргу ў Гродзенскі абласны суд.
20.07.2012 Слуцк: Грамадскага актывіста будуць судзіць “за налепкі”
Грамадскага актывіста Віталя Амяльковіча выклікалі ў суд на паседжанне, якое адбудзецца 27 ліпеня. Пратакол адносна грамадскага актывіста складзены па артыкуле 21.14 ч.1 КаАП -- «парушэнне правілаў упарадкавання населеных пунктаў».
20.07.2012 20 ліпеня – працяг разгляду скаргаў невыязных праваабаронцаў
Суд Цэнтральнага раёна 20 ліпеня працягвае разгляд скаргаў старшыні Беларускага Хельсінскага камітэта Алега Гулака (пачатак у 10 гадзін) і намесьніка старшыні Праваабарончага цэнтру “Вясна” Валянціна Стэфановіча (пачатак у 12-00) на дзеянні Мінюста і МУС на ўнясеньне іх прозвішчаў па надуманых падставах у банк дадзеных аб грамадзянах РБ, права якіх на выезд з Рэспублікі Беларусь часова абмежавана.
19.07.2012 Асудзілі за цішотку “Свабоду Алесю Бяляцкаму”
У судзе Цэнтральнага раёна Менска была разгледжаная адміністрацыйная справа актывісткі ЛГБТ-руху Варвары Красуцкай. Яе звінавацілі ў дробным хуліганстве (арт.17.1 КаАП РБ) і пакаралі штрафам у памеры 700 000 рублёў. Суддзя - Вікторыя Ткачова.
19.07.2012 Ажароўскі і Новікава атрымалі “суткі” за “брыдкаслоўе”
Каардынатар беларускай антыядзернай кампаніі Таццяна Новікава і фізік-ядзершчык з Расіі Андрэй Ажароўскі пакараныя 18 ліпеня арыштам на 5 і 10 сутак адпаведна за дробнае хуліганства. Адміністрацыйныя справы разглядаліся ў судзе Маскоўскага раёна Менска.
19.07.2012 Суд адмовіў прафсаюзнаму актывісту “Граніта” у аднаўленні на працы
Намеснік старшыні суполкі незалежнага прафсаюзу прадпрыемства “Граніт” Мікалай Карышаў спрабаваў праз суд аспрэчыць факт свайго звальнення і дамагчыся выплаты грашовай кампенсацыі.
17.07.2012 Суд не выселіў арганізацыю незалежнага прафсаюза з бабруйскага завода
17 ліпеня Магілёўскі гаспадарчы суд разглядаў пазоў адміністрацыі Бабруйскага завода трактарных дэталяў і агрэгатаў да першаснай прафсаюзнай арганізацыі Свабоднага прафсаюза Беларускага, якая размясцілася на яго заводзе.
17.07.2012 У Брэсце працягваецца змаганне за даступныя кошты на жыллё
Наступны крок сябра Беларускай партыі левых “Справядлівы свет” Аляксандра Дзенісенкі - зварот у Вярхоўны суд РБ. Ён намераны працягваць абскарджваць рашэнне пра забарону пікету, мэтай якога было прыцягнуць увагу грамадскасці да невыканання артыкула Канстытуцыі Беларусі, што гарантуе права на даступнае жыллё.
17.07.2012 Судзяць за пратэст супраць ушчыльненьня забудовы Уручча
Адміністрацыйная справа Леаніда Мажальскага, які пратэставаў супраць будаўніцтва дома для спецназа ва Ўруччы, будзе разгледжаная 17 ліпеня ў 14-00 у судзе Першамайскага раёна Менска. Суддзя Алена Ананіч.
16.07.2012 Бабруйскія забастоўшчыкі збіраюцца судзіцца са СМІ
Гісторыя з “італьянскай забастоўкай” на бабруйскім прадпрыемстве дасюль не скончылася. На сайце завода трактарных дэталяў і агрэгатаў з’явіўся атрыкул пад назвай “Об информационной ситуации сложившейся вокруг РУП БЗТДиА”. У ім гаворыцца, што адна з брыгад завода збіраецца судзіцца з “асобнымі інтэрнэт-рэсурсамі” з-за няправільна пададзенай інфармацыі.
16.07.2012 Ці расставіць суддзя Сямак “кропкі” ў справах невыязных Стэфановіча, Гулака, Бандарэнкі? (дадаецца)
13-00. Разгляд скаргі Алега Гулака пачаўся са спазненьнем амаль на гадзіну: у судзе чакалі факсу з Міністэрства ўнутраных спраў. Нарэшчэ суддзя паведаміла, што прадстаўнікі адказчыка (МУС) не могуць прысутнічаць на судзе, паколькі знаходзяцца ў камандыроўцы і прыняла рашэньне аб пераносе судовага паседжаньня на 10 раніцы 20 ліпеня.
