Навіны на тэму: суды
04.12.2013 Магілёўскі абласны суд спыніў справу супраць газеты “Вольны горад”
Судовая калегія па грамадзянскіх справах Магілёўскага абласнога суда ў выніку разгляду скаргі прыняла рашэнне адмяніць цалкам рашэнне суда Крычаўскага раёна (суддзі Антаніны Качанавай) з прычыны непадсуднасці і спыніць вытворчасць па справе.
04.12.2013 Гомель: Суды за Дзяды
Сябра АГП Уладзімір Шыцікаў атрымаў позву ў суд Новабеліцкага раёну Гомеля для разгляду адміністрацыйнай справы, паводле якой актывіста абвінавачваюць у парушэнні парадку арганізацыі і правядзення масавага мерапрыемства.
03.12.2013 Прызначаны разгляд касацыйнай скаргі па справе аб’яднання баранавіцкіх украінцаў “Кабзар”
Вось ужо шмат гадоў грамадскі актывіст спрабуе дабіцца памяшкання для грамадскага аб’яднання. Ён неаднаразова звяртаўся ў Баранавіцкі гарвыканкам, Брэсцкі аблвыканкам, але безвынікова. Таму Мікалай Чарнавус вырашыў звярнуцца ў суд.
03.12.2013 Брэсцкі абласны суд падтрымаў забарону пікета ў Бярозе
Брэсцкі абласны суд не задаволіў касацыйную скаргу праваабаронцаў з Бярозы, якія прасілі прызнаць незаконннай забарону пікета 4 жніўня і адмяніць рашэнне суду Бярозаўскага раёну, які прызнаў рашэнне райвыканкаму правамоцным.
30.11.2013 У Чыгуначным райсудзе Віцебску не знайшлося месца для журналістаў і праваабаранцаў
28 лістапада суд разбіраў справу Аляксандра Кірылава, якога адміністрацыя салігорскай спелеалячэбніцы абвінаваціла ў паклёпе. Кірылаў вінаватым сябе не лічыць, ён запрасіў у суд сваіх сяброў, праваабаронцаў і журналістаў, і нават выказаў жаданне, каб у зале дазволілі фота- і відэаздымкі. Але залы – не знайшлося.
30.11.2013 Аршанскія актывісты будуць судзіцца з райвыканкамам за пікет
Юрый Нагорны і Яўген Анішчанка падалі скаргу ў суд: яны не згодныя з тым, што райвыканкам забараніў акцыю, прысвечаную бадай што самай вострай гарадской праблеме –рамонту аварыйнага маста праз Днепр. Пікет быў запланаваны на 30 кастрычніка.
29.11.2013 Невыязны Міклашэвіч будзе арбітрам ад Беларусі ў судзе АБСЭ
Аляксандр Лукашэнка прызначыў сябраў Суду пра замірэньні і арбітражы ў рамках АБСЭ ад Рэспублікі Беларусі.
29.11.2013 Жыхар Калінкавічаў, які напаў на актывіста АГП, застаўся без пакарання
На тое, каб Калінкавіцкі РАУС склаў супраць нападніка пратакол, а раённы суд прыняў яго да разгляду, Дзянісу Рабянку прыйшлося затраціць шмат часу і напісаць не адну скаргу - ад начальніка мясцовага аддзела міліцыі да старшыні Гомельскага абласнога суда. Агулам ад моманту напада на актывіста і да судовага паседжання прайшло амаль 8 месяцаў.
29.11.2013 Бярозаўскія праваабаронцы абскардзілі забарону пікета ў Брэсцкім абласным судзе
Бярозаўскія праваабаронцы не пагадзіліся з рашэннем суда Бярозаўскага раёна, які стаў на бок райвыканкама ў адмове пікета, што планаваўся 10 кастрычніка. Яна накіравалі касацыйную скаргу ў Брэсцкі абласны суд.
28.11.2013 Разгляд справы Васіля Парфянкова адкладзены з-за працэсуальных парушэнняў
28 лістапада ў судзе высветлілася, што Васілю Парфянкову не паведамілі пра дату суду за пяць дзён да яго пачатку, як таго патрабуе працэсуальнае заканадаўства. Таму бок абароны папрасіў суддзю перанесці разгляд справы.
28.11.2013 Аэрапорт адмаўляе сваю віну ў судзе па іску інваліда-калясачніка
Сёння ў судзе Кастрычніцкага раёна працягнуўся разгляд справы Яўгена Шаўко супраць Нацыянальнага аэрапорта "Мінск-2". Прадмет разбіральніцтва - інваліда з парушэннем нормаў дастаўлялі да самалёта, што пагражала яго жыццю і здароўю, а таксама нанесла яму маральную шкоду.
27.11.2013 Баранавіцкі праваабаронца падаў скаргу старшыні Вярхоўнага Суда
Праваабаронца Сяргей Гоўша падаў скаргу старшыні Вярхоўнага Суда Сукала В.А. на пастанову аб прыцягненні яго да адміністрацыйнай адказнасці суддзёй суда Баранавіцкага раёна і г.Баранавічы Петрыва В.А. 21 жніўня 2012 года і пакараннні штрафам у 15 базавых велічыняў.
27.11.2013 Прадпрымальніка з Менска Вячаслава Піліпука суд апраўдаў па адным з адміністрацыйных пратаколаў
Пры новым разглядзе адміністрацыйнай справы Вячаслава Піліпука ў судзе Першамайскага раёна 26 лістапада, сталічны прадпрымальнік быў часткова апраўданы.
27.11.2013 Віцебскі ўрач Ігар Пастноў лічыць, што закон аб псіхіятрычнай дапамозе супярэчыць Канстытуцыі
Ён накіраваў заяву ў Канстытуцыйны суд, каб там далі ацэнку, ці не супярэчаць зместу Канстытуцыі Рэспублікі Беларусь асобныя палажэнні Закона "Аб аказанні псіхіятрычнай дапамогі".
25.11.2013 Пікет забаранілі па адной прычыне, а ў судзе назвалі іншую
Зміцер Лупач, актывіст з Глыбокага, спрабаваў праз суд аспрэчыць забарону пікету салідарнасці з палітвязнямі. Раённыя ўлады забаранілі пікет, бо ў райцэнтры змяніліся месцы для правядзення масавых акцый. Так было напісана ў афіцыйным лісце з выканкаму. Але ў судзе раптам "усплыла" іншая прычына.
