Навіны на тэму: звароты
16.03.2017 Зварот Абсерваторыі па абароне праваабаронцаў з нагоды судоў над Леанідам Судаленкам і Анатолем Паплаўным
Абсерваторыя расцэньвае судовы пераслед праваабаронцаў Гомельскага аддзялення "Вясны", звязаны з іх удзелам у акцыі пратэсту супраць Дэкрэта № 3, як адплату за іх законную праваабарончую дзейнасць.
16.03.2017 Libereco заклікае патрабаваць ад уладаў Беларусі спынення пераследу іншадумцаў
Нямецка-швейцарская праваабарончая арганізацыя Libereco заклікае далучацца да кампаніі па адпраўцы электронных зваротаў беларускім уладам дзеля вызвалення затрыманых дэманстрантаў у Беларусі.
15.03.2017 Зварот у сувязі з рэпрэсіўнымі дзеяннямі ў дачыненні да ўдзельнікаў мірных пратэстных акцый у розных гарадах Беларусі
Арганізацыі грамадзянскай супольнасці Беларусі выказваюць глыбокае абурэнне рэпрэсіўнымі дзеяннямі службовых асоб і сілавых структур, звязаных з затрыманнямі і пакараннямі ўдзельнікаў шматлікіх мірных пратэстных акцый у розных гарадах нашай.
24.02.2017 Грамадзянская супольнасць Беларусі падтрымала хадайніцтва аб скарачэнні тэрміну высылкі Алене Танкачовай
Зварот арганізацый грамадзянскай супольнасці Рэспублікі Беларусь «Аб падтрымцы хадайніцтва праваабаронцы Алене Танкачовай аб скарачэнні тэрміну высылкі».
17.02.2017 Бацька Андрэя Бандарэнкі зьвярнуўся да Лукашэнкі
Бацька зьняволенага праваабаронцы Андрэя Бандарэнкі 16 лютага зьвярнуўся да Аляксандра Лукашэнкі з просьбай спыніць распачатую супраць сына новую крымінальную справу «за злоснае непадпарадкаваньне патрабаваньням адміністрацыі папраўчай установы».
15.02.2017 Ці ўстановіць СК перавышэнне паўнамоцтваў маладзечанскімі чыноўнікамі?
Маладзечанскі раённы аддзел Следчага камітэта перанакіраваў заяву Валянціна Стэфановіча аб прымусовай працы працаўнікоў прадпрыемстваў і навучэнцаў установаў адукацыі ва Упраўленне Следчага камітэта па Мінскай вобласці для далучэння яе да крымінальнай справы.
06.02.2017 Валянцін Стэфановіч: Загады службовых асобаў сведчаць аб арганізаванай прымусовай працы ў Маладзечанскім раёне
Праваабаронца Валянцін Стэфановіч звярнуўся ў Маладзечанскі раённы аддзел Следчага камітэта па факце прымусовай працы працаўнікоў прадпрыемстваў і навучэнцаў установаў адукацыі ў жніўні 2016 года.
27.01.2017 Палуда да Андрэйчанкі: Пакажыце дэпутатам асабістым прыкладам належную працу са зваротамі грамадзян
Каардынатар кампаніі “Праваабаронцы супраць смяротнага пакарання” Андрэй Палуда паўторна звярнуўся да старшыні Палаты прадстаўнікоў Нацыянальнага сходу Рэспублікі Беларусь Уладзіміра Андрэйчанкі, каб заклікаць яго паказваць асабістым прыкладам іншым дэпутатам належную працу са зваротамі грамадзян.
22.12.2016 Валянцін Стэфановіч: “Прымусовая праца ў Беларусі носіць сістэмны і сістэматычны характар”
Праваабаронца Валянцін Стэфановіч зноў звярнуўся ў пракуратуру Мінскай вобласці па факце прымусовай працы працоўных.
01.12.2016 Пракуратура: Грамадзяне на прымусовую працу не скардзяцца – падстаў для праверкі няма
Пракуратура адмовілася ад правядзення праверкі па факце прымусовай працы на ўборцы кукурузы ў Вілейскім раёне.
22.11.2016 Таемная інструкцыя па парадку наведвання Мінгарсуда – толькі на пасту аховы суда
14 кастрычніка, у першы дзень судовага паседжання па крымінальнай справе блогера Эдуарда Пальчыса, многія грамадзяне не змаглі патрапіць у будынак Мінскага гарадскога суда, дзе адбываўся працэс: іх проста не прапускалі супрацоўнікі міліцыі.
18.11.2016 Праваабаронцы запытваюць у пракуратуры: Хто прымусіў людзей збіраць кукурузу з-пад снегу?
Праваабаронца Валянцін Стэфановіч звярнуўся ў пракуратуру па факце прымусовай працы на Вілейшчыне, дзе людзей сагналі збіраць кукурузу.
18.11.2016 Антыцыганскую рыторыку ў “Зоне Х” спісалі на “кадравыя змены”
Валянцін Стэфановіч атрымаў з Белтэлерадыёкампаніі адказ на свой зварот адносна паведамлення перадачы “Зона Х”, у якім трансляваліся негатыўныя стэрэатыпы ў дачыненні да цыган. Прынятых у выніку звароту мераў, пра якія паведамляецца праваабаронцу, на яго думку, недастаткова.
08.11.2016 828 грамадзянаў Беларусі накіравалі зварот спецдакладчыку ААН Міклашу Харасці
Ініцыятыўныя групы «За справядлівы суд у Беларусі» і «Рух маці 328», якія дамагаюцца перагляду незаконных судовых прысудаў, праінфармавалі спецдакладчыка ААН пра парушэнне сваіх правоў і правоў сваіх блізкіх. Пад зваротам падпісаліся 828 грамадзянаў.
16.09.2016 ДВП ухіліўся ад адказу наконт суіцыдаў у калоніі ў Навасадах. На чарзе пракуратура
Асуджаныя, якія адбываюць пакаранне ў ПК-14, сцвярджаюць аб учыненых за кароткі прамежак часу чатырох самагубствах і дзвюх спробах самагубства ў атрадзе 18 калоніі. Праваабаронцы "Вясны" патрабуюць праверкі гэтай інфармацыі.
