Навіны на тэму: сілавыя структуры
25.05.2015 Баранавічы: факты збіцця міліцыяй аматараў футбола правярае сама міліцыя
Праваабаронца Сяргей Гоўша 23 траўня атрымаў адказ з Баранавіцкай міжраённай пракуратуры на сваю скаргу па факту збіцця міліцыяй аматараў футбола 3 траўня напярэдадні матча першай лігі чэмпіяната Беларусі паміж мясцовым футбольным клубам “Баранавічы” і магілёўскім “Дняпром”.
22.05.2015 Гомельскіх журналістаў-фрылансераў Кастуся Жукоўскага і Наталлю Крывашэй адпусцілі з міліцыі без складання пратаколу
Фрылансеры былі затрыманыя сёння, 22 траўня, каля будынку суда Гомельскага раёна. Міліцыянерам не спадабалася, што яны здымалі відэа каля будынку суда.
22.05.2015 Выдаўца газеты “Вольны горад” спрабуюць выклікаць у Крычаўскі РАУС
Выдаўцу газеты “Вольны горад” Уладзіміру Кудраўцаву 21 траўня патэлефанаваў начальнік ААПП Крычаўскага РАУС Вусік І. В. і запрасіў яго прыйсці ў райаддзел. Уладзімір Кудраўцаў паведаміў, што ён наведае РАУС толькі пасля атрымання на рукі аформленай згодна закона афіцыйнай позвы.
19.05.2015 Баранавічы: праваабаронца просіць пракуратуру праверыць факты збіцця міліцыяй аматараў футбола
Праваабаронца Сяргей Гоўша накіраваў скаргу ў Баранавіцкую міжраённую пракуратуру на дзеянні адказных асоб Міністэрства ўнутраных спраў Рэспублікі Беларусь, якія заключаліся ў збіцці футбольных фанатаў.
17.05.2015 Баранавічы: прэзентацыя новай кнігі пра рэпрэсіі ў савецкі і постсавецкі час
У Баранавічах адбылася творчая сустрэча грамадскасці горада з гісторыкам і краязнаўцам Андрэем Ляхновічам, які прэзентаваў сваю “Хроніку палітычнага тэрору: 1918 – 2008 Крупскі рэгіён/Малое Палессе/Друцка-Бярэзінскі край”.
15.05.2015 Суд накіраваў адміністрацыйную справу супраць выдаўца “Вольнага горада” на дапрацоўку
15 траўня ў судзе Крычаўскага раёна разглядалася адміністрацыйная справа па арт. 9.2. КаАП («Паклёп») у адносінах да выдаўца газеты “Вольны горад” Уладзіміра Кудраўцава.
14.05.2015 Жыхар Крычава працягвае дабівацца пакарання ўчастковага за падробку дакументаў
Згодна тлумачэнняў участковага інспектара Краўцова, недакладныя запісы ў тлумачэнні сп. Федарэнкі ён зрабіў з яго ўласных словаў, па сваёй няўважлівасці. За праяўленую “няўважлівасць” участковы Краўцоў быў прыцягнуты да матэрыяльнай адказнасці.
13.05.2015 Леаніда Судаленку апыталі ў Гомельскім абласным упраўленні СК у якасці сведкі па справе аб распаўсюдзе парнаграфіі
Апытанне тычылася ў большасці тэхнічных пытанняў: калі праваабаронца займеў сваю электронную скрынку, як доўга карыстаўся ёй, хто меў доступ да інтэрнэту праз Wi-Fi на Палескай, 52.
13.05.2015 Дэпутаты Палаты прадстаўнікоў прынялі законапраект аб амністыі
13 траўня ён разглядаўся ў першым і другім чытаннях. Яго прадстаўляў міністр унутраных спраў Ігар Шуневіч.
13.05.2015 Быхаўская міліцыя выказала незадаволенасць з’яўленнем інфармацыі пра яе ў інтэрнэце
Ад магіляўчанкі Наталлі супрацоўнікі міліцыі патрабавалі распіску, што яна не мае ніякага дачынення да размяшчэння інфармацыі пра ўчастковага на сайце Праваабарончага цэнтра “Вясна”.
13.05.2015 Леаніда Судаленку выклікаюць у Следчы камітэт
13 траўня ў 14.00 гадзін гомельскі праваабаронца Леанід Судаленка павінен з’явіцца па крымінальнай справе – распаўсюдзе парнаграфіі ў абласную управу следчага камітэту. Пра неабходнасць яўкі ў якасці сведкі яму паведаміў па тэлефоне следчы Юрый Зенчанка.
12.05.2015 Салігорскі РАУС ухіліўся ад адказу на запыт аб магчымасці распаўсюду нацыянальнай сімволікі
Нагодай для такога запыту з боку сябраў АГП ў праваахоўныя органы стаў факт гандлю з пачатку красавіка ў розных частках Салігорска, у тым ліку на вялікай аўтастаянцы каля аднаго з гіпермаркетаў, сцяжкамі былого СССР.
11.05.2015 Жлобін: гея білі і зневажалі з-за яго нетрадыцыйнай арыентацыі
У Жлобіне невядомыя напалі на мясцовага жыхара з нетрадыцыйнай сексуальнай арыентацыяй. 32-гадовага Аляксандра моцна збілі, знялі з яго вопратку, парвалі кашулю і футболку. Маладога чалавека абражалі, прычым здымалі ўсё гэта на відэакамеру.
06.05.2015 Выдаўца газеты “Вольны горад” будуць судзіць
Выдаўца газеты “Вольны горад” абвінавачваюць у тым, што ён “распаўсюдзіў заведама ілжывую ганебную выдумку” ў дачыненні да оперупаўнаважанага Крычаўскага РАУС Дзямешкі А. В.
06.05.2015 Міліцыя скончыла праверку ў дачыненні да галоўнага рэдактара газеты “НАШ Магілёў”
Крымінальная справа па артыкулу 188 ч.2 Крымінальнага кодэкса Рэсублікі Беларусь (паклёп) на Ігара Барысава заведзена не будзе. Пра заканчэнне міліцэйскай праверкі ў дачыненні да Ігара Барысава паведаміў маёр Уладзмір Казакоў.
