Навіны на тэму: сілавыя структуры
10.06.2008 Па справе РНЕ дапытваюць тых, каму пагражалі фашысты
Ва ўпраўленьне КГБ па Віцебскай вобласці выкліканыя сябар Сойму КХП БНФ Ян Таўпыга і ягоны аднапарт Ян Дзяржаўцаў, якія паўгады таму атрымалі лісты з пагрозамі ад імя “віцебскага аддзяленьня “Рускага нацыянальнага адзінства”. 20 траўня гэтага года па фактах зьяўленьня ў Віцебску лістоў з пагрозамі ад імя РНЕ Камітэт дзяржбясьпекі узбудзіў крымінальную справу.
03.06.2008 Новыя допыты ў віцебскім КДБ
У абласную ўправу КДБ сёньня выклікалі актывістку Алену Залескую. Праз тэлефон яе запрасілі зьявіцца да сьледчага ў справе “лістоў ад “РНЕ”.
30.05.2008 Праваабаронцу Леаніда Свеціка дапыталі ў КДБ
У абласную управу КДБ па Віцебскай вобласьці сёньня былі выкліканыя на допыт рэдактар бюлетэня “Курьер из Витебска” Ўладзімер Базан і праваабаронца Леанід Сьвецік. Падрабязнасьцяў яны не распавядаюць, бо зь іх узялі падпіску пра неразгалошваньне таямніцы сьледзтва.
29.05.2008 Супрацоўнікі КДБ забралі ў сябра Партыі БНФ грошы
28 траўня ў Менску супрацоўнікамі КДБ быў затрыманы старшыня брэсцкай абласной суполкі Партыі БНФ Зміцер Шыманскі. Актывіста даставілі ў Дэпартамент фінансавых расследаванняў.
26.05.2008 КДБ пераследуе беларускіх праваабаронцаў
У пятніцу, 23 траўня 2008 году на кватэру да вядомага віцебскага праваабаронцы Леаніда Сьвеціка нечакана ўламіліся тры супрацоўнікі КДБ з загадзя падрыхтаванымі панятымі. Гаспадару кватэры яны прад’явілі пастанову пракуратуры аб узбуджэньні крымінальнай справы па арт. 130.1 Крымінальнага кодэксу РБ (распальваньне міжнацыянальнай і міжканфесійнай варожасьці). Згодна пастановы, Леанід Сьвецік зьяўляецца сьведкам па факце пагрозаў да некаторых грамадзянаў з боку мясцовага РНЕ.
22.05.2008 Спецслужбы ізноў “трасуць” маладафронтаўцаў
Маладафронтаўцаў Дзяніса Карнова і Вадзіма Ханяўку, якія знаходзіліся на прыватнай кватэры падчас ператрусу адвезьлі ў Маскоўскі РАЎС для высьвятленьня асобаў. Вядомы імёны двух міліцыянтаў, якія рабілі ператрус: Трубіш Алег Зяновіч – міліцыянт з Маскоўскага РАЎСу, Кавалей Сяргей Васільевіч – участковы. Таксама ў кватэры прысутнічалі людзі ў цывільным.
14.05.2008 Міліцыянты цікавяцца творчасьцю Марачкіна
13 траўня мастака Аляксея Марачкіна выклікалі ў міліцыю Цэнтральнага раёну Менску.
12.05.2008 Выезд для моладзі за мяжу забаронены
Супрацоўнікі КДБ працягваюць ціснуць на актывістаў моладзі БНФ з прычыны міжнародных адукацыйных паездак.
08.05.2008 Студэнта ЕГУ Алега Грубіча не выпускаюць за мяжу
Студэнт 1 курсу факультэту Гісторыі Беларусі і культурнай антрапалогіі Еўрапейскага Гуманітарнага Універсітэту Алег Гурбіч прыехаў з Вільні ў Менск на сьвяты, аднак выехаць назад ня здолеў. Памежнікі зьнялі яго з цягніка без тлумачэньня прычынаў і 5 гадзінаў прымусілі чакаць, пасьля чаго адправілі ў Менск для далейшага высьвятленьня абставінаў.
08.05.2008 Гродзенскіх апазіцыянераў пераследуюць за Lombard
Гродзенскія міліцыянеры пераследуюць намесніка старшыні Беларускай сацыял-дэмакратычнай Грамады Віктара Сазонава і старшыню абласной суполкі Аб’яднанай грамадзянскай партыі Юрыя Істоміна. 7 траўня маёр міліцыі Пётр Ленец па тэлефоне прапанаваў грамадскім актывістам з’явіцца ў Ленінскі РАУС дзеля дачы нейкіх тлумачэнняў.
08.05.2008 Пракуратура падтрымлівае дзеяньні КДБ у дачыненьні да незалежных журналістаў
Упраўленне КДБ па Гомельскай вобласці не выявіла парушэнняў заканадаўства у дзеяннях асобаў, што праводзілі ператрус у кватэры сябра БАЖ Анатоля Гатоўчыца і забралі яго працоўныя прылады. Што да вяртання журналісту забраных рэчаў рашэнне будзе прымаць «орган, які вядзе крымінальны працэс».
08.05.2008 КДБ перасьледуе рэдактара незалежнага выданьня
Загадчык псіханеўралагічнага аддзялення Слонімскай цэнтральнай райбальніцы спадар Кандратоўскі атрымаў ліст, падпісаны кіраўніком мясцовага аддзялення КДБ Аляксандрам Мазальковым з загадам праверыць па ўліках псіханеўралагічнага і наркалагічнага дыспансераў галоўнага рэдактара адзінага незалежнага выдання на Гродзеншчыне «Газеты Слонімскай» Віктара Валадашчука і яго блізкіх.
08.05.2008 КДБ працягвае цікавіцца актывістамі
Моладзевую актывістку, навучэнку трэцяга курсу магілёўскага бібліятэчнага тэхнікума Кацярыну Юрчанкову наведаў падчас заняткаў супрацоўнік КДБ.
30.04.2008 Спецслужбы працягваюць цікавіцца дзейнасьцю "Маладога Фронту"
Гомельскі дарожна-будаўнічы каледж, у якім навучаецца актывіст мясцовага Маладога Фронту Жуковіч Кірыл, наведалі супрацоўнікі КДБ.
30.04.2008 У Гомелі на КДБ выклікалі міліцыю
Гомельскі актывіст апазіцыі Канстанцін Жукоўскі выклікаў міліцыю пасля адмовы супрацоўнікаў упраўлення КДБ па Гомельскай вобласці даць яму кнігу скаргаў.
