Праваабарончы цэнтр «ВЯСНА»

Навіны на тэму: сілавыя структуры

24.03.2009 Суд адмовіў Франаку Вячорку

Менскі міжгарнізонны вайсковы суд адмовіўся прызнаць незаконнымі дзеяньні вайскоўцаў і мэдыкаў падчас прызыву ў войска Франка Вячоркі. Нагадаем, 16 студзеня ў палату вайсковага шпіталя, дзе Франак праходзіў мэдычнае абсьледаваньне, уварваліся людзі ў цывільным. Яны зьбілі хлопца й адвезьлі ў ваенкамат. Там яму паведамілі, што праз паўгадзіны завязуць у войска.

18.03.2009 Ператрусы без пратаколаў прызналі законнымі

Галоўнае ўпраўленьне ўнутраных спраў Менгарвыканкама не знайшло ніякіх парушэньняў у дзеяньнях супрацоўнікаў міліцыі падчас ператрусу ў актывістаў «Маладога Фронту» 14 лютага.

12.03.2009 У Астраўцы чарговы ператрус

Праз тэлефон Іван Крук паведаміў, што сёння да яго на кватэру прыйшлі тры міліцыянты з панятымі. У іх санкцыя раённага пракурора на агляд кватэры. Іван Крук паведаміў толькі, што ператрус зьвязаны з выхадам незарэгістраванай газэты “Астравецкі весьнік”.

12.03.2009 Дашкевіча, Кур’яновіча і Дземідзенку выклікаюць у міліцыю

Лідэра незарэгістраванай арганізацыі “Малады фронт” Зьмітра Дашкевіча, а таксама актывістаў Паўла Кур’яновіча і Міколу Дземідзенку выклікаюць у аддзел крымінальнага вышуку Савецкага раёна Менску.

11.03.2009 У Астраўцы аглядаюць кватэры і робяць відэазапіс памяшканьняў актывістаў ініцыятывы "Астравецкая атамная - гэта злачынства"

А палове на дзевятую раніцы да лідэра грамадзкай ініцыятывы “Астравецкая атамная – гэта злачынства”, Міколы Уласевіча, дамоў прыйшлі міліцыянты з панятымі. Хатні тэлефон Івана Крука – не адказвае. Пра гэта паведамляе сёньня Радыё Свабода.

10.03.2009 Ціск на астравецкіх актывістаў працягваецца

Пракурор Астраўца выдаў ордэр на агляд кватэраў актывістаў Івана Крука й Мікалая Ўласевіча, якія выступаюць супраць будаўніцтва ў рэгіёне атамнай электрастанцыі. Ордэр быў выдадзены яшчэ ў пятніцу й супрацоўнікі міліцыі спрабавалі тады правесьці агляд, але не зрабілі гэтага.

03.03.2009 Грамадскага актывіста Івана Крука дапыталі па факту спробы падпалу

Грамадскага актывіста з Астраўца Івана Крука супрацоўнікі міліцыі дапыталі у межах крымінальнай справы, узбуджанай па факту спробы падпалу будынка камітэту дзяржаўнага кантролю па Гарадзенскай вобласці.

26.02.2009 КДБ склаў сьпісы апазыцыйных актывістаў?

Паводле дакладу расейскай праваабарончай арганізацыі “Мэмарыял” з 2004 па 2008 гады ў Узбэкістане пацярпелі перасьлед па палітычных матывах 1452 чалавекі. Сярод іх – грамадзкія актывісты, журналісты, пісьменьнікі, апазыцыянэры. А як выглядае беларуская сытуацыя? Ці ёсьць падставы лічыць, што абвешчаная лібэралізацыя датычыць сытуацыі перасьледу па палітычных матывах?

16.02.2009 Ператрусы да дня Сьвятога Валянціна

14 лютага людзі ў цывільным ўварваліся ў менскую кватэру, у якой знаходзяцца актывісты “Маладога фронту” Мікола Дземідзенка, Валер Мацкевіч і Вадзім Ханяўка. У кватэры ўсчалі ператрус, які трываў да 15:30.

16.02.2009 26 ператрусаў у Ваўкавыску

Як паведамляе ў сваім блогу гарадзенскі журналіст Андрэй Пачобут, колькасць ператрусаў, якія былі праведзены ў мінулую нядзелю ў Ваўкавыску ў межах так званай «справы Аўтуховіча» значна перавышае лічбы, раней агучаныя ў прэсе. Ёсць інфармацыі, што ўсяго праведзена было 26 ператрусаў. Трэслі ўсіх, хто меў хоць нейкую сутычнасць з Мікалаем Аўтуховічам.

11.02.2009 Інтэрнэт на службе спэцслужбаў

Выпадкі, калі супрацоўнікі спэцслужбаў шукаюць патэнцыйных агентаў у інтэрнэце, сталі нярэдкай зьявай. Супрацоўнікі КДБ запрашаюць студэнтаў у дэканаты і кажуць, што прасачылі іх віртуальныя кантакты. Яны патрабуюць супрацоўнічаць, пагражаючы адлічэньнем з вучобы. Правайдэры цьвердзяць, што ў беларускіх умовах сачыць за віртуальнымі кантактамі ня цяжка.

11.02.2009 КДБ спрабуе вербаваць студэнтаў

Чэкісты прапанавалі 'супрацоўніцтва' гомельскаму студэнту. Той адмовіўся. І цяпер чакае магчымых праблемаў з вучобай. І гэта не першы выпадак.

09.02.2009 Ператрусы і арышты ў Ваўкавыску

8 лютага ў Ваўкавыску затрымалі былых палітвязняў Мікалая Аўтуховіча і Юрыя Лявонава, а таксама іх калегу па бізнэсе Уладзіміра Асіпенку. Ператрусы адбыліся яшчэ прынамсі ў трох сем'ях, звязаных з рухам апазіцыі.