Навіны на тэму: сілавыя структуры
23.04.2010 КДБ цісне на кандыдатаў ад Руху “За Свабоду”
Услед за актівістам з Мастоў Алесем Зарэмбюком, ператрус ва ўласнай кватэры быў зроблены і ў кандыдата ў дэпутаты ад Руху “За Свабоду” з Бярозаўкі Сяргея Трафімчыка.
20.04.2010 Прыйсці пагутарыць у КДБ? А на якой падставе?
Позна вечарам 7 красавіка студэнтцы журфака БДУ Марыне Яўсейчык патэлефанаваў незнаёмы мужчына, які прадставіўся супрацоўнікам КДБ Зміцерам. Ён настойліва прапанаваў дзяўчыне прыйсці заўтра раніцай ва ўпраўленьне КДБ на Казлова, 6а, для гутаркі. На пярэчаньні Марыны адказаў, што хоча апытаць яе па справе выбуху ў Менску 4 ліпеня 2008 года. Раніцай 8 красавіка той жа голас пацікавіўся, ці збіраецца дзяўчына на сустрэчу. Марына ня ведала як сябе паводзіць у падобнай сітуацыі і змушана пагадзілася на сустрэчу.
20.04.2010 Учора памежнікі актыўна шукалі кампрамат
Як піша “Радыё Свабода”, 19 красавіка ў цягніку “Вільня-Магілёў” беларускія памежнікі шукалі антыканстытуцыйныя матэрыялы ў актывістаў кампаніі «Гавары праўду» Ігара Каваленкі, Сяргея Лапуціна і Алега Мяцеліцы.
09.04.2010 КДБ цікавіцца кампутарамі апазіцыянераў
9 красавіка лідэру «Еўрапейскай Беларусі» вярнулі незаконна канфіскаваны ў яго на мяжы ноўтбук.
07.04.2010 Насту Лойку выклікалі у міліцыю
Наста даведалася, што падставай для выкліку ў міліцыю стала заява маці непаўналетняга сябра "Маладога фронту" Яраслава Лыскаўца. Тая абвінавачвае сяброў Яраслава ў тым, што яе сына ўцягнулі ў моладзевую арганізацыю.
07.04.2010 Сябру "Маладой Беларусі" пагражаюць крымінальнай справай
Актывіст руху "Маладая Беларусь" Андрэй Кузьмінскі паведаміў "Свабодзе", што яго наведаў дома супрацоўнік КДБ.
02.04.2010 Перадвелікодныя допыты
У Мінску вялікі допыт беларускіх журналістаў – на 2 красавіка ва ўпраўленне ўнутраных спраў Першамайскага раёну выкліканыя адразу Наталля Радзіна, Святлана Калінкіна ды Ірына Халіп.
30.03.2010 Міліцыя ператрэсла кватэры брэсцкіх антыфашыстаў і канфіскавала кампутар
Хлопцам патлумачылі, што ператрус звязаны з нядаўнім рабаўніцтвам банка, але міліцыю цікавілі менавіта кампутары.
26.03.2010 У міліцыі дапыталі Марыну Коктыш і Святлану Калінкіну
Журналістак Святлану Калінкіну, Марыну Коктыш і Наталлю Радзіну 26 сакавіка выклікалі ў Савецкі РУУС Мінска на допыт у якасці сведак.
20.03.2010 Міністр унутраных спраў не будзе сустракацца з кіраўніцтвам ГА «БАЖ»
Анатоль Куляшоў не бачыць неабходнасці сустракацца з прадстаўнікамі журналісцкай арганізацыі, паколькі «ўзаемадзеянне супрацоўнікаў органаў унутраных спраў і журналістаў рэгламентавана законам РБ «Аб сродках масавай інфармацыі».
17.03.2010 Натальля Радзіна зьвярнулася ў пракуратуру
Сёньня пасьля тэрмінова скліканай прэс-канферэнцыі з нагоды павальных ператрусаў і канфіскацый оргтэхнікі ў незалежных журналістаў рэдактарка сайту Хартыі-97 Натальля Радзіна зьвярнулася са скаргай у пракуратуру на неправамоцныя дзеяньні супрацоўнікаў міліцыі.
17.03.2010 16 сакавіка: хроніка ператрусаў
16 сакавіка ў другой палове дня каля дзесятка цывільных супрацоўнікаў сілавых структур уварвалася ў офіс сайта Хартыі'97. Яны прад’явілі ордэр на вобыск, які падпісаны пракурорам Гомельскай вобласці. Сканфіскаваная тэхніка. У дачыненьні да рэдактара сайта Наталлі Радзінай быў учынены гвалт.
16.03.2010 Новыя ператрусы ў журналістаў і грамадскіх актывістаў
Адразу некалькі ператрусаў адбылося ўвечары 16 сакавіка ў працоўных памяшканнях і прыватных кватэрах беларускіх журналістаў.
16.03.2010 Ператрусы ў Менску санкцыявала пракуратура Гомельскай вобласці
На офісе «Хартыі'97» у гэтыя хвіліны праводзіцца ператрус. Каля дзесятка цывільных супрацоўнікаў сілавых структур запакоўваюць носьбіты інфармацыі і іншую камп’ютарную тэхніку. Яны прад’явілі ордэр на вобыск, які падпісаны Пракурорам Гомальскай вобласці. Гэта дазваляе меркаваць, што гэтыя дзеянні праходзяць у межах справы аб паклёпе, вядомай як “паляўнічая справа”.
10.03.2010 Жыхар Слуцка апынуўся ў рэанімацыі пасля збіцця міліцыяй
У ізалятары часовага ўтрымання Слуцка ледзь не памёр чалавек. Міліцыянты кажуць, што затрыманы зваліўся з лесвіцы, але характар траўмаў сведчыць пра іншае.
