Праваабарончы цэнтр «ВЯСНА»

Навіны на тэму: сілавыя структуры

10.02.2011 Скончыўся ператрус у маладафронтаўца Дзяніса Лазара

Супрацоўнікі КДБ правялі ў сябра МФ Дзяніса Лазара ператрус па справе пра масавыя беспарадкі. "Камітэтчыкі" абшукалі кватэру дасканала: знайшлі нават пашпарт Зьмітра Дашкевіча, які быў схаваны між падносамі ў пліце.

10.02.2011 Жонку Някляева выклікаюць на допыт у КДБ

Жонка экс-кандыдата ў прэзідэнты Уладзіміра Някляева павінна з’явіцца ў Камітэт дзяржбяспекі 11 лютага ў 9.30.

10.02.2011 Зміцер Салаўёў скардзіцца ў пракуратуру на дзеянні супрацоўнікаў КДБ падчас ператрусу

Cтаршыня магілёўскай абласной арганізацыі Партыі БНФ Зміцер Салаўёў накіраваў у абласную пракуратуру скаргу на дзеянні супрацоўнікаў УКДБ па Магілёўскай вобласці, якія 15 студзеня праводзілі ператрус на кватэры грамадскага актывіста.

10.02.2011 Яраслава Грышчэню чакаюць у КДБ

Былога сябру Маладога фронту Яраслава Грышчэню выклікалі ў баранавіцкі КДБ. Яраслаў актыўна ўдзельнічаў у нядаўняй выбарчай кампаніі ў камандзе Статкевіча.

10.02.2011 Супрацоўнікаў КДБ зацікавілі службовыя паперы адваката Агеева (дапоўнена)

Праваабаронца Валянцін Стэфановіч упэўнены, што інцыдэнт з адвакатам Агеевым яскрава выявіў сапраўдную сутнасьць і метады раследваньня крымінальнай справы, якая была ўзбуджаная па падзеях 19 снежня 2010 года.

10.02.2011 Журналіст Польскага радыё - сьведка ў справе "аб масавых беспарадках"

Журналіст Беларускай службы Польскага радыё Аляксандар Папко зьяўляецца сьведкам па справе “аб масавых беспарадках”. Пра гэта нашаму супрацоўніку паведамілі ў панядзелак прадстаўнікі Галоўнага ўпраўленьня барацьбы з арганізаванай злачыннасьцю. У выбарчы вечар Аляксандар выконваў свае карэспандэнцкія абавязкі ў беларускай сталіцы.

10.02.2011 Шосты раз дапыталі Юльяна Місюкевіча

Супрацоўнікі КДБ 9 лютага прывезьлі Юльяна Місюкевіча з унівэрсытэту на допыт.

10.02.2011 Крысьціну Шацікаву дапыталі ў Менску

Магілёўскую праваабаронцу грамадзянскай кампаніі «Наш дом» Крысьціну Шацікаву дапыталі ў Першамайскім раённым аддзеле міліцыі Менску. Актывістку выклікалі туды як сьведку ў крымінальнай справе аб масавых беспарадках 19-20 сьнежня. Допыт доўжыўся чатыры гадзіны. Яго праводзіў сьледчы Аляксандар Фейцар.

09.02.2011 Пасля КДБ Дзяніса Садоўскага выклікаюць у контрвыведку

Пасля допыту ў КДБ Дзянісам Садоўскім зацікавілася вайсковая контрвыведка – адказнаму сакратару Беларускай хрысціянскай дэмакратыі пяць разоў тэлефанавалі дамоў з патрабаваннем з’явіцца на допыт па падзеях 19 снежня.

09.02.2011 Журналіста Рацыі Міколу Бянько запрашаюць у мінскі РУУС

Журналісту Радыё Рацыя Міколу Бянько патэлефанаваў незнаёмы чалавек і запрасіў на размову ў Маскоўскае РУУС горада Мінска.

09.02.2011 Надзею Крапівіну заадно і дапыталі

Надзею Крапівіну, маладую жонку Алеся Кіркевіча, які 28 студзеня быў затрыманы ў якасьці падазраванага па крымінальнай справе аб масавых беспарадках, 9 лютага дапыталі ў КДБ. Прычым допыт праводзіў следчы Бычак, які вядзе справу Алеся.

09.02.2011 Актывіст кампаніі "Еўрапейская Беларусь" Зміцер Чарняк выкліканы на допыт

Актывісту патэлефанаваў супрацоўнік Савецкага РУУС Мінска 8 лютага. Яму паведамілі, што позва будзе ўручана па прыходзе Зміцера ў РУУС.

09.02.2011 Светлагорск: Ператрус на кватэры Сьвятланы Міхальчанкі

У Сьветлагорску ў кватэры актывісткі партыі левых «Справядлівы сьвет» Сьвятланы Міхальчанкі супрацоўнікі мясцовага аддзелу КДБ правялі ператрус.

08.02.2011 У Брэсце АГП пакінулі без тэхнікі

Цягам двух гадзінаў адбываўся ператрус у Брэсцкім абласным офісу Аб'яднанай грамадзянскай партыі, які праводзілі два супрацоўнікі Упраўлення КДБ Брэста. Вынікам ператрусу стала канфіскацыя сістэмнага блоку кампутара ды некалькіх нататнікаў намесніка старшыні "Маладых Дэмакратаў" Уладзіміра Вуека.