Навіны на тэму: праваабаронцы
26.05.2010 Смяротнае пакаранне. У пошуках афіцыйнай статыстыкі
Інфармацыйная кампанія БелаПАН учора агучыла колькасць выкананых у Беларусі з 1985 году смяротных прысудаў – 299. У сваіх падліках журналісты кіраваліся інфармацыяй, здабытай уласнымі намаганнямі, а таксама звесткамі Amnesty International. Гэта сусветная праваабарончая арганізацыя ў сваім дакладзе “Спынім смяротныя пакаранні ў Еўропе: На шляху да адмены смяротнай кары ў Беларусі”, выдадзеным у сакавіку 2009 году, адзначае, што “з моманту атрымання Беларуссю незалежнасці ад Савецкага Саюза ў 1991 годзе магло быць пакарана каля 400 чалавек”. Аднак афіцыйная статыстыка па гэтым пытанні да гэтага часу не паведамляецца. І спробы беларускіх праваабаронцаў атрымаць такія звесткі ад уладаў пакуль вынікаў не даюць.
21.05.2010 Беларускія адвакаты/юрысты запрашаюцца да ўдзелу ў навучальнай праграме “Міжнароднае права ў праваабарончай дзейнасці”
Сакратарыят Міжнароднай сеткі Дамоў правоў чалавека - Фонд Дамоў правоў чалавека - пачынае набор беларускіх адвакатаў/юрыстаў у групу па вывучэнні міжнароднага права правоў чалавека ў рамках праграмы “Міжнароднае права ў праваабарончай дзейнасці”.
20.05.2010 FIDH распаўсюдзіла прэс-рэліз адносна Універсальнага перыядычнага агляду Беларусі
Міжнародная федэрацыя правоў чалавека распаўсюдзіла прэс-рэліз “адносна Універсальнага перыядычнага агляду Беларусі, пытаньняў сьмяротнага пакараньня, свабоды асацыяцыяў, свабоды слова і мірных сходаў, а таксама забароны катаванняў і незалежнасьці судовай сістэмы.”
19.05.2010 Алесь Бяляцкі: Трэба прыняць усе меры для спынення эскалацыі напружанасці ды істэрыі, ствараемай уладамі напярэдадні прэзідэнцкіх выбараў
На пачатку году Праваабарончы цэнтр “Вясна” прагназаваў узмацненне хвалі рэпрэсіяў напярэдадні прэзідэнцкіх выбараў у Беларусі. Але тады яшчэ праваабаронцы не маглі прадбачыць, улады пойдуць на крымінальны пераслед альбо рэпрэсіі будуць мець прыхаваны характар. У якім рэчышчы развіваецца сітуацыя? Сваю ацэнку падзеям апошніх тыдняў дае кіраўнік ПЦ “Вясна”, віцэ-прэзідэнт Міжнароднай Федэрацыі правоў чалавека Алесь Бяляцкі.
18.05.2010 Праваабарончыя арганізацыі асуджаюць вынясенне двух смяротных прысудаў у Беларусі
Amnesty International, Беларускі Хельсінскі Камітэт і Праваабарончы цэнтр “Вясна” Лондан/Мінск, 17.05.2010
18.05.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі
Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асьвятляе падзеі, датычныя правоў чалавека на Беларусі.
17.05.2010 Барысаўскія правабаронцы звярнуліся са скаргай у аблвыканкам
Марына Статкевіч і Алег Мацкевіч накіравалі старшыні Менскага абласнога выканаўчага камітэту скаргу, у якой просяць прызнаць рашэньне Барысаўскага раённага выканаўчага камітэту “Аб вызначэньні месца для правядзеньня масавых мерапрыемстваў” незаконным і абавязаць Барысаўскі раённы выканаўчы камітэт вызначыць месцамі правядзеньня масавых мерапрыемстваў пляцоўкі, якія характарызуюцца масавасьцю наведваньня і публічнасьцю, з мэтай магчымасьці інфармаваньня грамадзянаў аб існуючых праблемах у выпадку правядзеньня масавых мерапрыемстваў.
17.05.2010 Сілавы разгон і затрыманні ўдзельнікаў гей-прайду ў Мінску з’яўляецца парушэннем права на свабоду мірных сходаў і праявай дыскрымінацыі
Заява Праваабарончага цэнтру “Вясна”
13.05.2010 Алесь Бяляцкі: Наш альтэрнатыўны даклад паўплываў на рэкамендацыі, вынесеныя беларускім уладам
Старшыня ПЦ “Вясна” , віцэ-прэзідэнт Міжнароднай Федэрацыі правоў чалавека Алесь Бяляцкі пракаментаваў абмеркаванне справаздачы беларускага ўраду ў межах працэдуры Універсальнага перыядычнага агляду ў Савеце па правах чалавека ААН. 12 траўня ў Жэневе праваабаронца прысутнічаў на абмеркаванні ў ліку прадстаўнікоў беларускіх няўрадавых арганізацыяў, якія падрыхтавалі альтэрнатыўны даклад пра выкананне Рэспублікай Беларусь яе міжнародных абавязацельстваў у галіне правоў чалавека.
13.05.2010 Беларускія НДА абмеркавалі з міжнароднай грамадскасцю сітуацыю з правамі чалавека ў Беларусі
Прадстаўнікі няўрадавых аб’яднанняў Беларусі правялі 12 траўня ў Жэневе некалькі мерапрыемстваў з нагоды справаздачы беларускага ўраду у межах працэдуры Універсальнага перыядычнага агляду ў Савеце па правах чалавека ААН.
12.05.2010 Грамадзкія актывісты не далі ўрадавай дэлегацыі схаваць праблему рэпрэсіўнага заканадаўства ў Беларусі
Сёньня, 12 красавіка, у Радзе па правах чалавека ААН (Жэнэва), адбылося абмеркаваньне праблемы рэпрэсіўнага артыкулу 193.1, арганізаванае Асамблеяй НДА Беларусі ў супрацы з міжнародным альянсам CIVICUS ды Міжнароднай фэдэрацыяй правоў чалавека (FIDH). Падзея прымеркаваная да разгляду справаздачы ўраду Рэспублікі Беларусь пра становішча з правамі чалавека ў краіне ў рамках Ўнівэрсальнага пэрыядычнага агляду (Universal periodic review) - новага мэханізму ААН дзеля абароны правоў чалавека.
12.05.2010 Праваабарончы цэнтр “Вясна” віншуе Тамару Чыкунову з узнагародай!
Праваабаронца Тамара Чыкунова, старшыня узбекскай арганізацыі “Маці супраць смяротнага пакарання і катаванняў”, узнагароджана Ордэнам Ганаровага Легіёну (Légion d’honneur) за актыўнае змаганне супраць смяротнага пакарання.
12.05.2010 Колькі смяротных прысудаў у Беларусі выканана з 1990 года?
12 траўня праваабаронцы ў межах кампаніі супраць смяротнага пакарання ў Беларусі накіравалі на імя Міністра ўнутраных справаў, Генеральнага пракурора і Старшыні Вярхоўнага Суда Рэспублікі Беларусь запыты пра колькасць вынесеных і выкананых смяротных прысудаў з 1990 па 2009 год.
12.05.2010 Савет па правах чалавека ААН "слухае” Беларусь
Сёньня ў Жэневе Савет па правах чалавека ААН будзе разглядаць справаздачу ўраду Рэспублікі Беларусь пра становішча з правамі чалавека ў краіне ў рамках Універсальнага перыядычнага агляду - новага механізму ААН для абароны правоў чалавека. Альтэрнатыўны агляд па Беларусі быў падрыхтаваны шэрагам праваабарончых арганізацый. У яго падрыхтоўцы удзельнічалі Праваабарончы цэнтр «Вясна», Беларускі Хельсінскі камітэт, Беларуская асацыяцыя журналістаў, Асамблея няўрадавых арганізацый, а таксама міжнародныя арганізацыі. Нагадаем, што Перыядычны агляд, які праводзіць Савет ААН па правах чалавека – гэта штогадовая справаздача 192 краін-сябраў ААН пра тое, як выконваюцца міжнародныя нормы у галіне абароны правоў чалавека.
07.05.2010 Берасьцейскіх праваабаронцаў выпусьцілі з пастарунку
Берасьцейскіх праваабаронцаў Рамана Кісьляка і Андрэя Шарэнду вызвалілі з пастарунку без складаньня пратаколу. Яны былі затрыманыя за распаўсюд канвэнцыі ААН аб абароне людзей ад гвалтоўнага зьнікненьня.
