Навіны на тэму: праваабаронцы
21.10.2011 Тэрміновая заява Абсерваторыі па абароне праваабаронцаў па справе Валянціна Стэфановіча
21 кастрычніка Абсерваторыя па абароне праваабаронцаў, сумесная праграма Міжнароднай федэрацыі правоў чалавека (FIDH) і Сусветнай арганізацыі супраць катаванняў (OMCT), распаўсюдзіла тэрміновую заяву з нагоды адміністратыўнага пераследу Валянціна Стэфановіча, намесніка старшыні Праваабарончага цэнтра “Вясна”.
20.10.2011 Дацкая газета Politiken уганаравала “Вясну” прэміяй свабоды
Камітэт Прэміі Politiken Freedom Prize уганараваў Праваабарончы цэнтр “Вясна” прэміяй за 2011 год за выбітны ўнёсак у барацьбу за правы чалавека і дэмакратыю ў Беларусі. Пра гэта стала вядома з ліста, які даслалі сябры камітэту прэміі на імя старшыні “Вясны” Алеся Бяляцкага.
20.10.2011 Раман Кісляк выступае супраць прымусовай дактыласкапіі
У судзе Ленінскага раёна Брэста была разгледжана скарга юрыста-праваабаронцы Рамана Кісляка на неправамерныя дзеянні Міністэрства ўнутраных спраў, Ленінскага РАУС горада Брэста і ўчастковага інспектара дадзенага РАУС, які прынёс позву праваабаронцу на прымусовую дактыласкапію.
19.10.2011 Пастанову пра штраф Валянціну Стэфановічу паказалі яшчэ да разгляду справы
19 кастрычніка падаткавая інспекцыя Партызанскага раёна Менска аштрафавала праваабаронцу на 4 мільёны 727 тысяч 330 рублёў – за тое, што “па неасцярожнасці не паказаў усю суму даходу, якi падлягае падаткаабкладанню”. Валянцін Стэфановіч намераны абскардзіць гэту пастанову ў судзе цягам 10 дзён.
19.10.2011 Паштоўка для Алеся Бяляцкага ад армянскіх калегаў
Армянскія праваабарончыя арганізацыі далучыліся да патрабаванняў іх калегаў аб вызваленні Алеся Бяляцкага. 19 арганізацый, якія дзейнічаюць у Арменіі, падрыхтавалі паштоўкі «Свабоду Алесю Бяляцкаму» з мэтай праінфармаваць аб справе беларускага праваабаронцы як мага больш шырокае кола людзей.
19.10.2011 Сёння будзе разглядацца адміністратыўная справа Валянціна Стэфановіча
Намеснік старшыні ПЦ “Вясна” атрымаў позву з Інспекцыі Міністэрства па падатках і зборах Партызанскага раёна Менска. Праваабаронцу выклікаюць на 14:00 гадзін 19 кастрычніка да намесніка начальніка аддзела Кутнік Алены Юр’еўны для ўдзелу ў адміністратыўным працэсе.
18.10.2011 Аналіз зменаў і дапаўненняў, прапанаваных да ўнясення ў заканадаўства Беларусі
Асамблея НДА, “Беларускі Хельсінкскі камітэт”, Праваабарончы цэнтр "Вясна" і Цэнтр прававой трансфармацыі падрыхтавалі адмысловы аналіз зменаў і дапаўненняў, прапанаваных да ўнясення ў заканадаўства Рэспублікі Беларусь.
18.10.2011 Да Міжнароднага камітэта па вылучэнні Алеся Бяляцкага на Нобелеўскую прэмію міра далучыўся Стэфан Эссель
Ганаровы прэзідэнт Камітэта сябраў Міжнароднай федэрацыі правоў чалавека (FIDH) і адзіны дагэтуль жывы складальнік Усеагульнай дэкларацыя правоў чалавека Стэфан Эссэль далучыўся да Міжнароднага арганізацыйнага камітэта па вылучэнні старшыні Праваабарончага цэнтру “Вясна” Алеся Бяляцкага на Нобелеўскую прэмію міру за заслугі ў справе абароны правоў чалавека 2012 года.
17.10.2011 Алесь Бяляцкі выступіў з ініцыятывай перакладу Крымінальнага і Крымінальна-працэсуальнага Кодэксу на беларускую мову
Зьняволены старшыня Праваабарончага цэнтру “Вясна” Алесь Бяляцкі рыхтуецца да судовага працэсу. Адначасова ён выступае з ініцыятывай аб перакладзе Крымінальнага Кодэксу на беларускую мову. Пра гэта праваабаронца паведаміў у адным са сваіх лістоў калегу Уладзіміру Лабковічу.
17.10.2011 Гомель: актывісты атрымліваюць лісты падзякі ад палітзняволенага А.Бяляцкага
Гомельскія грамадскія ды палітычныя актывісты пачалі атрымліваць лісты падзякі ад палітзняволенага Алеся Бяляцкага. Праваабаронца шчыра дзякуя за віншаваннні яго з днём народзінаў і падтрымку, а таксама выказвае надзею на хуткую сустрэчу.
14.10.2011 У суботу ў Мінску – ўстаноўчы сход “ГейБеларусі”
У суботу, 15 кастрычніка, у Мінску пройдзе устаноўчы сход праваабарончай арганізацыі геяў, лесбіянак, бісэксуалаў і трансгендараў “ГейБеларусь”. Гэта першая спроба зарэгістраваць ЛГБТ-арганізацыю ў Беларусі ад красавіка 1999 года. Тады Міністэрствам юстыцыі Рэспублікі Беларусь не была зарэгістраваная “Ліга Лямбда”.
14.10.2011 Гомель: пракуратура адмовіла ва ўзбуджэнні крымінальнай справы ў дачыненні да суддзі
Следчы Гомельскай абласной пракуратуры па Цэнтральнаму раёну Сяргей Кузьмянкоў адмовіў праваабаронцу Анатолю Паплаўнаму ва ўзбуджэнні крымінальнай справы ў дачыненні да суддзі суду Цэнтральнага раёна Гомеля Алены Цалковай. Малодшы дарадца юстыцыі палічыў, што суддзя, якая адмовілася даць яму тлумачэнні, не мела намеру, накіраванага на вынясенне заведама неправасуднага судовага акту.
13.10.2011 Прэс-канферэнцыя беларускіх праваабаронцаў!
Сёньня адбудзецца прэс-канферэнцыя прадстаўнікоў беларускіх праваабарончых арганізацый з нагоды прыняцця Нацыянальным сходам зменаў у заканадаўства, якія істотна пашыаюць паўнамоцтвы КДБ і крыміналізуюць атрыманне замежнай дапамогі.
12.10.2011 “Вясна” перадала ноўтбук у беларускамоўны клас магілёўскай школы
Праваабарончы цэнтр “Вясна” перадаў адзін з ноўтбукаў, які раней быў канфіскаваны пры ператрусе на офісе арганізацыі, у беларускамоўны клас адной з магілёўскіх школ. У класе навучаюцца 3 дзяцей, якія распачалі нядаўна свой другі навучальны год.
11.10.2011 Валянцін Стэфановіч: Відаць, уладам надакучыла актыўнасць беларускіх праваабаронцаў…
Аб правах чалавека ў Беларусі, замежных рахунках і гучнай “справе Бяляцкага” карэспандэнт “Народнай Волі” гутарыць з вядомым беларускім праваабаронцам Валянцінам СТЭФАНОВІЧАМ.
