Навіны на тэму: праваабаронцы
11.01.2012 Зварот прадстаўнікоў грамадзянскай супольнасці з нагоды пачатку збору сродкаў для праваабаронцы Алеся Бяляцкага
Грошы ў любым памеры могуць быць пералічаныя на рахунак, адкрыты на імя жонкі Алеся Бяляцкага: Філіял №529 “Белсвязь” ААТ “АСБ Беларусбанк”, код банка 720, аддзяленне 112. № банкаўскага ўкладу: 01053568 (да запатрабавання) від плацяжа: ахвяраванне (альбо дабраахвотны плацеж) Атрымальнік плацяжа: Пінчук Наталля Сяргееўна.
11.01.2012 Суд не задаволіў пазоў Святланы Рудкоўскай
Ленінскі раённы суд Гродна не задаволіў пазоў Святланы Рудкоўскай, сябры Беларускага Хельсінскага Камітэта на выкананне працоўнага заканадаўства ўстановай, якая яе зволіла з працы.
05.01.2012 У Віцебску распачынаецца кампанія "Я маю права на бясплатную прававую інфармацыю"
Яе мэта – дамагчыся адмены платнага доступу да прававой інфармацыі ў інтэрнэце. Ініцыятарам кампаніі стала мясцовая арганізацыя "Прававая дапамога насельніцтву". Праваабаронца Аляксандар Мікулін тлумачыць, што атрыманне звестак Нацыянальнага цэнтру прававой інфармацыі – платнае.
02.01.2012 Каардынацыйны Савет Моладзевага Праваабарончага Руху прыняў у свае шэрагі Алеся Бяляцкага
10 сьнежня Каардынацыйны Савет Моладзевага Праваабарончага Руху (МПР) прыняў рашэньне прысвоіць статус Ганаровага ўдзельніка сеткі МПР старшыні Праваабарончага цэнтра "Вясна" Алесю Бяляцкаму.
28.12.2011 Год таму была створана Міжнародная назіральная місія
27 сьнежня споўніўся год з моманту стварэння Міжнароднай назіральнай Місіі Камітэту міжнароднага кантролю за сітуацыяй з правамі чалавека ў Беларусі.
28.12.2011 БХК звярнулася ў камісію па пытаннях памілавання пры Прэзідэнце
Старшыня РПГА «Беларускі Хельсінкскі камітэт» Алег Гулак звярнуўся ў Камісію па пытаннях памілавання пры Прэзідэнце Рэспублікі Беларусь з просьбай аб запрашэнні прадстаўніка БХК на паседжанне Камісіі.
28.12.2011 Крэсла з выявай Алеся Бяляцкага на прэзентацыі ў Баку (ФОТА, ВІДЭА)
27 сьнежня падчас прэзентацыі штогадовай справаздачы за 2011 год Абсерваторыі па абароне праваабаронцаў у Баку прадстаўнікі Праваабарончага Цэнтра Азербайджана выставілі сімвалічнае крэсла з выявай арыштаванага віцэ-прэзідэнта FIDH і старшыні Праваабарончага Цэнтра «Вясна» Алеся Бяляцкага.
23.12.2011 Абсерваторыя па абароне праваабаронцаў асуджае прысуд намесніку старшыні ПЦ “Вясна” Валянціну Стэфановічу
Абсерваторыя па абароне праваабаронцаў, сумесная праграма Міжнароднай федэрацыі правоў чалавека (FIDH) і Сусветнай арганізацыі супраць катаванняў (OMCT), асуджае прысуд, вынесены ў дачыненні да намесніка старшыні Праваабарончага Цэнтра “Вясна” Валянціна Стэфановіча, у выглядзе штрафу ў памеры 53 млн. рублёў (каля 4 840 еўра).
23.12.2011 Віцебскія праваабаронцы дачакаліся адказу на свае рэкамэндацыі па паляпшэньні працы судоў
Раней мы паведамлялі пра рэакцыю віцебскіх праваабаронцаў на прапанову Вярхоўнага суду па маніторынгу судовай сыстэмы. Яны накіравалі ў найвышэйшую судовую ўстанову дзяржавы свае рэкамэндацыі па паляпшэньні працы судоў.
23.12.2011 Падчас візіту Марыны Адамовіч у шклоўскую калонію быў выстаўлены блок-пост
Праваабаронцаў і журналістаў, якія таксама прыехалі туды, на паркоўку каля калоніі не пусцілі. Заезд быў перакрыты – адміністрацыя калоніі выставіла самаробны знак “Уезд забаронены”, які яўна не адпавядаў стандартам. Від на ўваход у калонію перакрывалі два прыпаркаваныя мікрааўтобусы і трактар з пяском, якія такім чынам прастаялі два дні. Акрамя гэтага, на варце стаялі супрацоўнікі ўнутраных войскаў і міліцыі, якія назіралі за журналістамі і праваабаронцамі і непадпускалі іх бліжэй за сто метраў.
23.12.2011 Польскія НДА заступіліся за актывістак FEMEN
Польскія няўрадавыя арганізацыі, што ўваходзяць у рабочую групу па Беларусі пры групе Замежжа распаўсюдзілі заяву ў сувязі з выкраданьнем актывістаў ўкраінскай арганізацыі FEMEN, здзейсненым фунцыянерамі беларускага КДБ.
22.12.2011 Наваполацкія ідэолагі зацікавіліся праблемамі палітвязняў?
У Наваполацку людзей, якія наведалі прагляды праваабарончых фільмаў, выклікаюць да ідэолагаў прадпрыемстваў і ў КДБ. Па словах праваабаронцы Зміцера Салаўёва, займаецца гэтым Брыкун Сяргей Канстанцінавіч, намеснік дырэктара завода "Палімір" па ідэалагічнай працы і агульных пытаннях аб'яднання "Нафтан".
22.12.2011 Тамковіч расказаў у кнізе пра тых, хто плыве "Супраць плыні"
Вядомы журналіст Аляксандр Тамковіч выдаў кнігу пад назвай “Супраць плыні”. Яна выдадзена пры падтрымцы праваабарончага цэнтру “Вясна” і расказвае пра лёсы васямнаццаці асобаў, якія трапілі за краты пасля падзей 19 снежня мінулага года.
22.12.2011 У Стакгольме прайшла нон-стоп акцыя салідарнасці з Беларуссю
19 снежня з 12:00 да 24:00 на найвялікшай плошчы Стакгольма “Medborgarplatsen” прайшла нон-стоп акцыя салідарнасці з Беларуссю. Тэксты беларускіх пісьменнікаў і паэтаў чыталі на шведскай і ангельскай мовах вядомыя палітыкі, пісьменнікі і журналісты Швецыі, сябры беларускай суполкі “Sveriges Belarusier”.
21.12.2011 Назіральніцу БХК Хлашчанкову пакаралі штрафам
Назіральніцу Беларускага Хельсінскага камітэту Юлю Хлышчанкову суд Маскоўскага раёна Менска прысудзіў да штрафу ў памеры 9 базавых велічынь за ўдзел у несанкцыянаваным масавым мерапрыемстве 19 сьнежня.
