Навіны на тэму: праваабаронцы
01.12.2012 У Баранавічах адбыўся паказ фільмаў пра беларускіх палітвязняў
30 лістапада ў Баранавічах быў арганізаваны прагляд фільмаў пра беларускіх палітвязняў, якія сёння адбываюць пакаранне ў розных турмах і калоніях Беларусі. Арганізатарамі мерапрыемства выступілі праваабаронцы з Баранавіцкай філіі ПЦ “Вясна”.
29.11.2012 У Менску прэзентавалі сайт пра палітвязняў і тых, хто іх пераследваў
29 лістапада ў Менску была прэзентавана новая праваабарончая ініцыятыва – інфармацыйны інтэрнэт-рэсурс пра палітвязняў Беларусі розных гадоў palitviazni.info.
29.11.2012 У Магілёве адбыўся паказ фільмаў пра беларускіх палітвязняў
Кінапрагляд адбыўся 27 лістапада ў памяшканні грамадскага цэнтра “Кола”. Арганізатарамі мерапрыемства выступілі праваабаронцы з магілёўскай філіі ПЦ “Вясна”.
28.11.2012 Таццяну Рэвяку правяраюць адносна атрымання сродкаў ад Алеся Бяляцкага
Праверка даходаў і маёмасці Таццяны Рэвяка не выявіла ў прадстаўленых ёю дакументах парушэнняў, звязаных з утойваннем прыбыткаў. Аднак падчас праверкі высветлілася, што ў падатковы орган перададзены дадзеныя з крымінальнай справы кіраўніка Праваабарончага цэнтру “Вясна” Алеся Бяляцкага.
28.11.2012 Як высялялі “Вясну” (відэа)
26 лістапада судовыя выканаўцы сканфіскавалі маёмасць і апячаталі памяшканне Праваабарончага цэнтру “Вясна”, дзе цягам апошніх 12 год аказвалася дапамога рэпрэсаваным грамадзянам, ладзіліся прэсавыя канфэрэнцыі аб парушэннях правоў чалавека ды іншыя праваабарончыя мерапрыемствы.
28.11.2012 Алесь Бяляцкі віншуе Паўла Сапелку з прэстыжнай узнагародай
Зьняволены старшыня Праваабарончага цэнтру “Вясна” Алесь Бяляцкі 27 лістапада павіншаваў юрыста-праваабаронцу Паўла Сапелку з уганараваньнем яго прэстыжнай еўрапейскай прэміяй “За абарону правоў чалавека”.
27.11.2012 Тэлефануйце, і “Вясна” прыйдзе на дапамогу
Праваабарончы цэнтр “Вясна”, нягледзячы на канфіскацыю офіса, працягвае сваю працу. Ні адзін з напрамкаў дзейнасці праваабаронцаў не згорнуты.
27.11.2012 Праваабаронцы заклікаюць падпісаць онлайн петыцыю ў падтрымку будаўніцтва новай паліклінікі ў Салігорску
Да кампаніі ў абарону права на даступнае медыцынскае абслугоўванне далучыліся салігорскія праваабаронцы. Пра абраны сродак у выглядзе онлайн петыцыі для барацьбы за правы салігорцаў распавядае мясцовы сябра БХК Аляксей Валабуеў.
26.11.2012 Канфіскаваны офіс і маёмасць "Вясны" (+відэа)
Сёння па рашэнні суда быў канфіскаваны офіс, дзе 12 год працаваў праваабарончы цэнтр. Развітацца з офісам прыйшлі не толькі вясноўцы, але і калегі, сябры арганізацыі.
26.11.2012 Заява Праваабарончага цэнтру “Вясна”
Рэпрэсіі супраць кіраўніка і сяброў Праваабарончага цэнтру “Вясна”, а таксама канфіскацыя маёмасці не спыняць нашу працу, мы не згорнем ніводнага з напрамкаў легітымнай дзейнасці арганізацыі па абароне правоў чалавека. Усе ахвяры парушэнняў правоў чалавека па-ранейшаму могуць разлічваць на нашу дапамогу і падтрымку.
24.11.2012 Праз год пасля вынясення прысуду Алесю Бяляцкаму пераслед Праваабарончага цэнтра "Вясна" працягваецца
Праз год пасля вынясення прысуду Алесю Бяляцкаму Абсерваторыя па абароне правоў праваабаронцаў, Сумесная праграма Міжнароднай Федэрацыі за правы Чалавека (FIDH) і Сусветнай Арганізацыі супраць катаванняў (OMCT), па-ранейшаму вельмі занепакоеная яго лёсам і пастаянным пераследам супрацоўнікаў праваабарончага цэнтра "Вясна", а таксама іншых праваабаронцаў краіны.
23.11.2012 Міжнародныя праваабаронцы: «Вызваліце Бяляцкага!»
24 лістапада спаўняецца год як асудзілі Алеся Бяляцкага. З гэтай нагоды Абсэрваторыя па абароне правоў праваабаронцаў, сумесная праграма Міжнароднай Фэдэрацыі за правы Чалавека (FIDH) і Сусьветнай арганізацыі супраць катаваньняў, выказала занепакоенасьць лёсам Бяляцкага і перасьледам супрацоўнікаў праваабарончага цэнтру «Вясна», а таксама іншых праваабаронцаў Беларусі.
23.11.2012 Міліцыя шантажуе праваабаронцу Леаніда Судаленку
Праваабаронца Леанід Судаленка 23 лістапада выехаў цягніком з Гомеля ў Мінск, каб вылецець у Страсбург, куды ён запрошаны для ўдзелу ў мерапрыемствах Савета Еўропы. Калі праваабаронца ехаў у цягніку, яму на мабільны тэлефон патэлефанаваў невядомы, які прадставіўся супрацоўнікам Савецкага РАУС Гомеля і ў катэгарычнай форме запатрабаваў тэрмінова з'явіцца ў аддзел міліцыі, прычым без тлумачэння прычыны.
23.11.2012 Праваабаронца Барыс Бухель патрабуе ад міліцыі абвяржэння несапраўднай інфармацыі
Адпаведную прэтэнзію ён накіраваў на адрас начальніка УУС Магілёўскага аблвыканкаму сп. Балейкі. Нагодай для гэтага стала публікацыя, змешчаная на сайце ўпраўлення пад назвай «Каждый, право, имеет право…», или какое право защищает правозащитник Борис Бухель?»
23.11.2012 Алеся Бяляцкага ўганаравалі прэміяй імя Петры Келі
Увечары 22 лістапада ў Берліне Наталля Пінчук атрымала прэмію імя Петры Келі, якую фонд імя Генрыха Бёля прысудзіў палітзняволенаму кіраўніку беларускага праваабарончага цэнтру "Вясна" Алесю Бяляцкаму.
