Навіны на тэму: праваабаронцы
15.01.2013 Гарадзенскія правабаронцы абскарджваюць штрафы ў абласным судзе
Гарадзенскія правабаронцы Віктар Сазонаў, Раман Юргель і Уладзімір Хільмановіч, аштрафаваныя судом Ленінскага раёну Гародні на паўтары мільёны кожны за нібыта правядзенне несанкцыянаванага пікету 10 снежня, склалі скаргі ў абласны суд. У сваіх скаргах яны даводзяць усю абсурднасць абвінавачвання і пастановы суду.
14.01.2013 Алег Волчак звярнуўся ў Камітэт па правах чалавека ААН па фактах сваіх арыштаў
Кіраўнік праваабарончага цэнтру «Прававая дапамога насельніцтву» звярнуўся ў Камітэт па правах чалавека ААН са скаргай, у якой выкладае факты сістэматычнага парушэння ў Беларусі правоў грамадзян на свабоду і асабістую недатыкальнасць, а таксама на прымяненне да апанентаў улады дыскрымінацыі па палітычных матывах.
10.01.2013 Салідарнасць з гарадзенскімі праваабаронцамі перасягнула межы Беларусі (фота)
Украінскія праваабаронцы абвесцілі ў Інтэрнэце акцыю падтрымкі сябраў ПЦ “Вясна” Віктара Сазонава, Уладзіміра Хільмановіча і сябра Беларускага Хельсінкскага Камітэта Рамана Юргеля, пакараных у адміністратыўным парадку за размешчаны ў інтэрнэце здымак з партрэтам палітвязня Алеся Бяляцкага.
10.01.2013 Абсерваторыя па абароне праваабаронцаў заступілася за Віктара Сазонава, Уладзіміра Хільмановіча і Рамана Юргеля
Абсерваторыя па абароне праваабаронцаў, сумесная праграма Міжнароднай Федэрацыі за правы чалавека (FIDH) і Сусветнай арганізацыі супраць катаванняў (OMCT), распаўсюдзіла тэрміновы зварот з нагоды накладання штрафаў на гарадзенскіх праваабаронцаў за акцыю салідарнасці са зняволеным кіраўніком ПЦ “Вясна” Алесем Бяляцкім.
08.01.2013 Гомельскія праваабаронцы просяць міліцыю прыцягнуць іх да адказнасці
Гомельскія праваабаронцы Леанід Судаленка і Анатоль Паплаўны просяць начальніка АУС Чыгуначнага раёна Гомеля Генадзя Хмарыка прыцягнуць іх да адміністрацыйнай адказнасці за размешчаную ў сетцы Інтэрнэт фатаграфію, на якой яны выказваюць салідарнасць і віншуюць з юбілеем свайго калегу, палітычнага зняволенага Алеся Бяляцкага.
08.01.2013 На "Белсаце" выйшаў фільм пра Алеся Бяляцкага і дзейнасць "Вясны"
Цэнтральнымі фігурамі дакументальнай стужкі сталі старшыня ПЦ "Вясна", а таксама ягоная жонка Наталля Пічук і настаўніца Наталля Ільініч, якую па палітычных прычынах звольнілі з працы і якой праваабаронцы дапамагалі абараняць свае правы.
05.01.2013 Гарадзенскі рэкорд – за фотаздымак у інтэрнэце праваабаронцы аштрафаваны на 4,5 мільёнаў рублёў
У Гародні 5 снежня ў судзе Ленінскага раёну прайшоў разгляд адміністрацыйных справаў, распачатых супраць гарадзенскіх праваабаронцаў Віктара Сазонава, Рамана Юргеля і Уладзіміра Хільмановіча.
04.01.2013 Уладзімір Целяпун: “Свабода гарантуецца, але адсутнічае”
Аб працы праваабаронцы ў рэгіёне, праблемах райцэнтра і яго жыхароў, абароне правоў грамадзян, спробах уплываць на мясцовыя ўлады, дапамозе людзям у самаарганізацыі для вырашэння сваіх праблемаў, выніках 2012 году гутарка з Уладзімірам Целяпуном з Мазыра.
28.12.2012 Гомельскі “Цэнтр стратэгічнай цяжбы” за год накіраваў у Камітэт па правах чалавека ААН 29 паведамленняў
“Цэнтр стратэгічнай цяжбы” дзейнічае у Гомелі цягам пяці апошніх гадоў, дапамагае беларускім грамадзянам адстойваць свае грамадзянскія ды палітычныя правы як унутры краіны, так і ў міжнародных структурах.
24.12.2012 Андрэй Бандарэнка: Зарэгістравалі новую арганізацыю, працуем далей
Актывісты ўстановы «Платформа», якая займалася абаронай правоў вязняў і была закрытая ўладамі, заявілі пра пачатак дзейнасці ад імя новай праваабарончай установы «Платформ інавэйшн».
24.12.2012 З Калядамі і Новым годам, шаноўныя сябры!
Праваабарончы цэнтр “Вясна” зычыць вам, каб 2013-ы стаў часам апраўданых надзеяў і чаканняў, каб усе перашкоды развеяў вецер пераменаў, а ўсялякі крок наперад быў плённым і радасным! Шчыра дзякуем усім за разуменне і падтрымку ў вельмі няпростыя для нас дні 2012-га. Будзем разам у новым годзе!
20.12.2012 Валянцін Стэфановіч: “У 2012-м мы не проста адбіваліся ад нападак - спрабавалі дзейнічаць эфектыўна”
Намеснік старшыні Праваабарончага цэнтру “Вясна” дзеліцца прафесійнымі ацэнкамі адыходзячага году. Адзначаючы праблемы грамадзянскай супольнасці, пагаршэнне стасункаў уладаў у галіне правоў чалавека з аўтарытэтнымі міжнароднымі арганізацыямі, Валянцін Стэфановіч падкрэслівае, што асноўная задача праваабаронцаў і на наступны год застаецца ранейшай – вызваленне палітвязняў.
20.12.2012 У Гародні праваабаронцаў будуць судзіць па здымку ў інтэрнэце
Фармальнай падставай для ўзбуджэння справы стала размяшчэнне на сайце Праваабарончага цэнтру “Вясна” матэрыялу пра 10 снежня – Міжнародны Дзень правоў чалавека, калі гарадзенскія праваабаронцы сфатаграфаваліся ў падтрымку зняволенага Алеся Бяляцкага.
18.12.2012 Магілёўская міліцыя не жадае прызнаваць свае памылкі
Замест таго, каб афіцыйна папрасіць прабачэнне за ганебны артыкул на сваім сайце пра праваабаронцу Барыса Бухеля і абвергнуць яго, начальнік упраўлення УУС Магілёўскага аблвыканкама Балейка адказаў, што ён не ўтрымлівае ганебных звестак і падставаў для яго абвяржэння няма.
17.12.2012 Вярхоўны суд не бачыць парушэння ў адмове вядзення судаводства па-беларуску (дакумент)
Вось ўжо 5-ты месяц Сяргей Гоўша дамагаецца, каб суд Баранавіцкага раёна і г. Баранавічы выдаў яму пастановы аб узбуджэнні выканаўчай вытворчасці на беларускай мове. Аднак суддзі заўзята дасылаюць яму ўсе судовыя дакументы на рускай мове, нягледзячы на тое, што ён пісьмова і ў вуснай формах настойліва просіць суддзяў дасылаць лісты па-беларуску.
