12.11.2007 У Беларусі працягваецца кампанія па абароне права на свабоду сумленьня.

Яе ўдзельнікі праводзяць збор подпісаў, жадаючы, каб у закон аб свабодзе сумленьня і веравызнаньнях былі ўнесеныя зьмены. Зьбіраюць подпісы і ў Горадні. Усяго ў Беларусі іх сабрана ўжо каля трыццаці тысяч. Падпісанты лічаць, што прадстаўнікі розных канфэсіяў знаходзяцца не ў аднолькавых умовах.

30.10.2007 У Гародне пройдзе сумесны крыглы стол рэлігійных абшчын і грамадзкага сектару

31 кастрычнікі прадстаўнікі рэлігійных абшчын, грамадскіх арганізацый і палітычных партый Гродна правядуць у абласным цэнтры “круглы стол” па праблеме рэалізацыі права на свабоду сумлення і веравызнання ў Беларусі. Да ўдзелу ў круглым стале запрошаныя прадстаўнікі гарадскіх уладаў.

05.10.2007 Пастар царквы ХПЕ "Жывое Слова" Зьміцер Падлобка абвінавачаны ў правядзеньні масавых мерапрыемстваў

Улады Гомеля аказваюць ціск на абшчыну Рэлігійнага Аб'яднання Хрысціянаў Поўнага Евангелля "Жывое Слова"

05.10.2007 Пастара з Гомелю выклікаюць у пракуратуру

На пастара царквы ХПЕ “Жывое Слова” г. Гомеля Змітра Падлобку склалі пратакол за парушэнне артыкулу аб правядзенні масавых мерапрыемстваў і вымушаюць з’явіцца ў пракуратуру.

24.09.2007 Улады працягваюць ціск на вернікаў-пратэстантаў

Жодзінскія ўлады забараняюць вернікам-пратэстантам праводзіць богаслужэньні. Фармальнай прычынай паслужыла тое, што ў 23 лютага па невядомай прычыне ў будынку царквы адбыўся пажар, і зараз яна аднаўляецца, таму богаслужэньні праводзяцца побач у вялікім намёце.

18.09.2007 Улады заняліся замежнымі ксяндзамі і місіянэрамі

Старшыня камітэту ў справах рэлігіяў і нацыянальнасьцяў Беларусі Леанід Гуляка заявіў, што на пачатку 2008 году будзе падрыхтавана новая рэдакцыя Палажэньня аб парадку запрашэньня ў Беларусь замежных грамадзянаў для занятку рэлігійнай дзейнасьцю. Паводле агенцтва БЕЛТА, кампэтэнтныя дзяржаўныя органы атрымаюць права без тлумачэньняў адмаўляць замежным сьвятарам ці прапаведнікам ва ўезьдзе ў Беларусь.

30.08.2007 Маніторынг парушэньняў правоў хрысьціянаў у Беларусі ў 2007 годзе

У Маніторынг, які правёў Хрысціянскі Правааборочы Дом увайшлі факты парушэнняў правоў веруючых, а таксам звароты, лісты, матэрыялы афіцыйнай перапіскі рэлігійных структураў з органамі ўлады і іншыя дакументы. З праведзенага Маніторынгу вынікае, што за мінулыя паўгады ў Беларусі парушаліся правы вернікаў усіх хрысціянскіх канфесіяў: праваслаўных, каталікоў і пратэстантаў. Ціск і пераслед за свае перакананні церпяць хрысціяне, якія маюць актыўную грамадзянскую пазіцыю, а таксама некаторыя аб’яднанні, якія вызнаюць сваімі прынцыпамі хрысціянскія каштоўнасці.

27.08.2007 Міліцыя затрымала ўдзельнікаў сустрэчы пастара Сабілы з жыхарамі Гомеля

У нядзелю ўвечары ў Гомелі міліцыянты блякавалі прыватны дом на вуліцы Палескай,52, дзе праходзіла сустрэча жыхароў гораду з былым вязьнем ГУЛАГу, пастарам закрытай уладамі Беларускай эвангельскай царквы Эрнэстам Сабілам, і затрымалі 9 удзельнікаў сустрэчы.

27.08.2007 Міліцыя затрымала ўдзельнікаў сустрэчы пастара Сабілы з жыхарамі Гомеля

У нядзелю ўвечары ў Гомелі міліцыянты блякавалі прыватны дом на вуліцы Палескай,52, дзе праходзіла сустрэча жыхароў гораду з былым вязьнем ГУЛАГу, пастарам закрытай уладамі Беларускай эвангельскай царквы Эрнэстам Сабілам, і затрымалі 9 удзельнікаў сустрэчы.

15.08.2007 Кіраўнік Цэнтра Візенталя даслаў ліст Лукашэнку ў справе антысемітызму

Кіраўнік Цэнтра Візенталя даслаў ліст Аляксандру Лукашэнку ў справе антысемітызму.

У ім кіраўнік габрэйскай праваабарончай арганізацыі па міжнародных сувязях Шымон Самуэльс выказаў сваё абурэнне фактам вольнага распаўсюду ў Беларусі антысеміцкіх выданняў.

15.08.2007 На беларускай мяжы канфіскавалі кнігі Васіля Быкава

Супрацоўнікі Берасцейскай мытні канфіскавалі ў сакратара аргкамітэта па стварэнні партыі "Беларуская хрысціянская дэмакратыя" (БХД) Дзяніса Садоўскага інфармацыйныя матэрыялы.

26.07.2007 Менскі абласны суд пацьвердзіў высылку зь Беларусі пастара Я.Лукасіка

Калегія Менскага абласнога суду пакінула ў сіле рашэньне суду Мядзельскага раёну аб высылцы з краіны пастара эвангельскай царквы “Яна Прадвесьніка” Яраслава Лукасіка.

24.07.2007 У Менску затрыманы Аляксей Шэін, сябра аргкамітэту хрысьціянскіх дэмакратаў

Супрацоўнікі міліцыі затрымалі сябра аргкамітэта Беларускіх хрысьціянскіх дэмакратаў Аляксея Шэіна.

23.07.2007 На Сяргея Гіркіна складзены пратакол за распаўсюд незарэгістраванай прадукцыі

Пратакол аб адміністрацыйным правапарушэньні складзены сёньня ў Магілёве на грамадскага актывіста, інваліда дзяцінства Сяргея Гіркіна. Ён абвінавачаны ў парушэньні артыкулу 22.9 КаАП РБ (рапаўсюд незарэгістраванай друкаванай прадукцыі) і можа быць пакараны грашовым штрафам да 20 базавых велічыняў.

13.07.2007 Вернікі-пратэстанты адстаялі свой намётавы лагер

Вернікі пратэстанцкай суполкі “Царква Ісуса Хрыста” адстаялі свой летнік у Валожынскім раёне, дзе адпачываюць каля сотні чалавек. Мясцовыя ўлады патрабавалі закрыць летнік, калі ня будуць выкананыя ўсе неабходныя працэдуры. Патрабавалі падаць сьпіс усіх удзельнікаў арганізаванага адпачынку, здабыць дазвол абласной адміністрацыі і камітэту ў справе рэлігіяў на правядзеньне летніка.