Навіны на тэму: моладзевы актывіст
08.10.2008 Франка Вячорку прымусова паклалі ў вайсковы шпіталь
Як толькі ён увайшоў у кабінэт, у яго забралі ўсе рэчы, пераапранулі яго ў вайсковую форму і паклалі ў шпіталь у аддзяленьне траўматалёгіі на абсьледаваньне.
01.10.2008 Салігорскія маладафронтаўцы пакараныя за антываенны пікет
Камісія па справах непаўналетніх вынесла папярэджаньне 16-ці гадоваму ўдзельніку акцыі каля расейскай амбасады 11 жніўня Ільлю Шылу і пакарала штрафам у 875 тыс. бел. руб (415 даляраў) ягонага брата Івана. Раней за удзел у мірнай акцыі супраць расейскага вайсковага ўварваньня былі пакараны актывісты Маладога Фронту Людзьвіся Атакулава і Андрусь Тычына.
26.09.2008 Адзін з лідэраў маладзёжнага крыла Партыі БНФ Франак Вячорка адпраўлены ў ваенны шпіталь
Такое рашэнне 26 верасня прыняла Мінская абласная ваенная медыцынская камісія. Ф.Вячорка паведаміў БелаПАН, што не выключае свайго хуткага накіравання на тэрміновую вайсковую службу.
26.09.2008 Франака Вячорку зноў выклікалі ў ваенкамат
Франак Вячорка цяпер знаходзіцца ў абласной вайсковай мэдычнай камісіі.
17.09.2008 Пераслед актывістаў кампаніі “Джынс за Свабоду”
Супрацоўнікі КДБ працягваюць пераследваць моладзевых актывістаў. У апошнія дні такія факты зафіксаваныя ў Менску і ў Віцебску.
10.09.2008 Супрацоўнікі КДБ Брэста збілі моладзевага актывіста
Сябра моладзевага крыла АГП з Брэста Юрый Панасюк звярнуўся да праваабаронцаў і паведаміў пра грубыя, незаконныя дзеянні спецслужб у дачыненні да яго, а таксама ўжыванні катаванняў. Усе гэтыя дзеянні здзяйсняліся нібыта ў сувязі з расследаваннем справы аб выбуху ў Менску.
08.08.2008 Паўла Кур’яновіча арыштавалі на 15 сутак
Актывіста кампаніі “Еўрапейская Беларусь” Паўла Кур’яновіча арыштавалі ў судзе Маскоўскага раёну на 15 сутак. Паўла затрымалі ўчора ўвечары разам з шасьцю актывістамі незарэгістраванай арганізацыі “Малады фронт” падчас штурму офісу моладзевай арганізацыі.
30.07.2008 Маладафронтаўца судзяць за няяўку у ваенкамат
Актывіста Полацкай філіі Маладога Фронту Алеся Круткіна забралі з кватэры супрацоўнікі міліцыі і адвезьлі ў полацкі РАЎС для складаньня адміністрацыйнага пратакола па артыкуле 25.1 за няяўку па позьве ў дзяржаўную ўстанову. У дадзеным выпадку – у ваенкамат.
17.07.2008 Алесь СЕРГІЕНКА: “Яны выламалі ўваходныя дзверы і нават не прадставіліся”
Адным з затрыманых пасля выбуху ў ноч з 3 на 4 ліпеня стаў актывіст Аб'яднанай грамадзянскай партыі Алесь Сергіенка. Пасля двух сутак знаходжання ў турме Камітэта дзяржаўнай бяспекі Алеся выпусцілі на волю. Аб падрабязнасцях свайго затрымання і знаходжання за кратамі апазіцыйны актывіст распавёў карэспандэнту "Народнай волі".
16.07.2008 Затрыманы Міхал Шарамет знаходзіцца ў сьледчым аддзеле КДБ
Сёньня муж сябра праўленьня БАЖ Алёны Шарамет па тэлефоне быў выкліканы ва ўпраўленьне КДБ дзеля гутаркі ў якасьці сьведкі "па справе самі ведаеце якой, якая зараз самая гучная" - менавіта так патлумачыў дэмакратычнаму актывісту прычыну зацікаўленасьці прадстаўнік ведамства Шардакоў Аркадзь Андрэевіч.
11.07.2008 Ільлю Богдана адшукалі ў Маскоўскім РУУС
Доўгія і нэрвовыя спробы сваякоў, паплечнікаў і адваката знайсьці затрыманага моладзевага актывіста і праваабаронцу Ільлю Богдана, нарэшце, завяршыліся. Ні на Акрэсьціна , ні ў сьледчым ізалятары КДБ хлопца не было, і толькі пасьля таго, як абзванілі ўсе РУУСы сталіцы, у апошнім з іх - Маскоўскім - дзяжурны падцьвердзіў, што Ільля Богдан знаходзіцца ў іх.
10.07.2008 Затрыманы Антон Койпіш
Пасьля правядзеньня ператрусу на кватэры 20-гадовага моладзевага актывіста, асуджанага па крымінальнай справе за ўдзел у студзеньскай акцыі пратэсту прадпрымальнікаў, прадстаўнікі праваахоўных органаў канфіскавалі сістэмны блок кампутара, самога Антона Койпіша даставілі ў сьледчы аддзел МУС на Сапёраў. Пра гэта паведаміў бацька моладзевага актывіста.
07.07.2008 Паліну Кур’яновіч арыштавалі на 5 сутак
Судзьдзя Цэнтральнага раённага суду Менску Тацяна Паўлючук за зачыненымі дзьвярыма заслухала сьведку-міліцыянта і асудзіла Паліну Кур’яновіч, актывістку руху “Джынс за свабоду”, на 5 сутак арышту.
07.07.2008 Алеся Ясюк заявіла, што яе катавалі ў міліцыі
Барысаўская актывістка сацыял-дэмакратычнай партыі Алеся Ясюк заявіла Свабодзе пра катаваньні з боку менскай міліцыі. Алеся Ясюк распавяла, што ўчора яе затрымалі на вуліцы Багдановіча ў Менску. Супрацоўнікі міліцыі Цэнтральнага РУУС знайшлі ў яе сумцы некалькі налепак з надпісам “Байкот”.
07.07.2008 Паліну Кур’яновіч судзяць за сьцяг Эўразьвязу
У суд Цэнтральнага раёну даставілі актывістку моладзевага руху Паліну Кур’яновіч. Міліцыя затрымала Паліну Кур’яновіч у мінулую пятніцу пасьля таго, як у яе заплечніку знайшлі сьцяг Эўразьвязу. Тры дні дзяўчына адбыла ў турме на вуліцы Акрэсьціна.
