Навіны на тэму: перасьлед
17.07.2008 Гомельшчына: партыйцаў і грамадскіх актывістаў дапытваюць адносна датычнасьці да выбуху
12 ліпеня у Калінкавічах у дзьверы кватэры Дзяніса Рабянка пазваніў участковы міліцыянт Э.І. Драбышэўскі і сказаў, што яму тэрмінова трэба паразмаўляць з Дзянісам Леанідавічам. Маці Дзяніса адказала, што яго няма дома. Участковы сказаў, што хоча зайсьці і паглядзець, ці няма сына дома на самой справе. Маці адказала, што дзьверы яму не адчыніць, і ён сышоў.
15.07.2008 “Хімічны сьлед” выбуху?
Як паведамлялі ў 2007 годзе сродкі масавай інфармацыі, у Менску па вуліцы Магілёўскай, на кватэры ў 21-гадовага студэнта трэцяга курсу 31 мая ў 17-35 адбыўся выбух, у выніку якога пацярпеў студэнт: шматлікія асколкавыя раненьні абодвух кісцяў, правай стапы, бядра, траўматычны шок і пераломы. У прыватнасьці, са спасылкай на ГУУС Менгарвыканкама пра гэта паведамілі БелаПАН, сайт “Нашай нівы” і некаторыя іншыя СМІ ( напрыклад bntu.info).
15.07.2008 Алеся Краўчэню выключылі з БарДУ
14 ліпеня Алесь Краўчэня забраў дакументы з Баранавіцкага дзяржаўнага ўніверсітэту. Тыдзень таму быў падпісаны загад аб адлічэнні студэнта 4 курса інжынернага факультэта.
15.07.2008 Зьнялі з пасады за апазіцыйнасьць
Уладзіміра Юрчанку, старшыню Магілёўскай раённай Кастрычніцкай арганізацыі Беларуская сацыял-дэмакратычная партыя (Грамада) знялі з пасады брыгадзіра будаўнічага ўпраўленьня энергетыкаў "Лаўсанбуд". Аб гэтым ён паведаміў аўтару Bulletinonline па тэлефоне.
14.07.2008 Моладзевы актывіст з Астравецкага раёну патрапіў пад увагу міліцыі ў сувязі з выбухам у Менску
9 ліпеня ў Астравецкім раене дадому да сябра АГП Ягора Краснова прыйшлі два супрацоўнікі Астравецкага РАУС, каб высьветліць, дзе моладзевы актывіст правёў ноч з 3 на 4 ліпеня, калі ў Менску адбыўся выбух. У адсутнасьць Ягора Краснова пісьмовае тлумачэньне аб ягоным знаходжаньні было узята у маці А.В. Віткоускай. Пры гэтым міліцыянтаў цікавіла не толькі ноч на 4, але і дзе яе сын правёў апошнія 10 дзен, якія папярэднічалі тэракту у Менску. Як сведчыць Віткоўская, на руках у міліцыянтаў быў даволі вялікі спісак асобаў, якія трапілі пад падазрэньне ў сувязі з тэрактам у Менску.
14.07.2008 Новая хваля перасьледу дэмакратычных актывістаў і праваабаронцаў – фінансавая
У Беларусі набірае моц кампанія па праверцы даходаў і маёмасьці вядомых палітычных дзеячоў і дэмакратычных актывістаў, а таксама тых, хто заявіў аб сваім намеры браць удзел у выбарчай кампаніі, або ў якасьці кандыдата у дэпутаты, або ў якасьці назіральніка. Нецяжка здагадацца, што падатковыя праверкі пачаліся пасьля гучных заяў Прэзідэнта Лукашэнкі аб тым, што, маўляў, апазіцыя жыве лепей за ўсіх і нідзе не працуе.
11.07.2008 Падаткавікі ня могуць супакоіцца
Адразу пасьля завяршэньня прэс-канферэнцыі, прысьвечанай ціску ўладаў і арыштам грамадзка-палітычных актывістаў у выніку правядзеньня сьледзства па крымінальнай справе аб выбуху ў Менску 4 ліпеня, у кватэру да юрыста і праваабаронцы Валянціна Стэфановіча пазваніў прадстаўнік Камітэту фінансавых расьследваньняў па Менску і Менскай вобласьці Бобін Ю.К., каб уручыць яму позву. Паколькі самога Стэфановіча не было дома, жонка праваабаронцы дзьверы не адчыніла.
11.07.2008 Горадня: міліцыянты шукаюць сыноў Міколы Маркевіча
Сёньня сябра назіральнай рады "Радыё Рацыя", гарадзенскі журналіст Мікола Маркевіч паведаміў “Свабодзе”, што міліцыянты выклікаюць яго сыноў – Аляксея і Міколу. У сям’і аднаго з сыноў учора нарадзілася дачка. Са слоў Міколы Маркевіча, сьледчы Юры Абрамаў патэлефанаваў маладой маці ў радзільны дом. Гэты міліцыянт спрабаваў даведацца нумар тэлефону ейнага мужа — казаў, што той недзе хаваецца.
11.07.2008 Колькасьць арыштаў грамадзка-палітычных актывістаў расьце
За апошнія дні ў межах сьледзства па крымінальнай справе аб выбуху ў Менску 4 ліпеня асаблівы ціск аказаны на актывістаў НДА і апазіцыйных партыяў. Па ўсёй Беларусі ідуць допыты і вобшукі. 10 актывістаў знаходзяцца за кратамі нягледзячы на тое, што ім не прад'яўляюць ніякіх абвінавачаньняў.
11.07.2008 10 ліпеня затрыманы актывіст Сяргей Высоцкі
Учора ў кватэры лідэра незарэгістраванай Беларускай Партыі Свабоды Сяргея Высоцкага ў межах правядзеньня сьледзтва па крымінальнай справе аб выбуху ў Менску супрацоўнікі КДБ правялі ператрус. Нягледзячы на тое, што нічога падозранага знойдзена не было, сам ён быў затрыманы першапачаткова на 3 сутак.
10.07.2008 М.Чарнавус: “Мяне караюць за намер удзельнічаць у выбарах”
Мікалай Чарнавус — у сьпісе прэтэндэнтаў на дэпутацкі мандат ад АДС, вылучаны грамадзкім аб’яднаньнем “За свабоднае разьвіцьцё прадпрымальніцтва”. Актывіст цьвердзіць, што за такія намеры ўлада пачала перасьлед — цяпер Чарнавуса пазбаўляюць выдзеленага раней зямельнага ўчастка для будаўніцтва кавярні.
09.07.2008 Асуджанага па “Справе 14” Уладзімера Сяргеева забіраюць у войска
Актывіста Уладзімера Сяргеева, аднаго з асуджаных па “справе 14”, тэрмінова забіраюць у войска. Зараз ён знаходзіцца ў ваенкамаце Партызанскага раёна Менска. Сяргееў паведаміў па тэлефоне праваабаронцам, што ў ваенкамаце спасылаюцца на нейкае спецраспараджэньне, згодна з якім ён мусіць служыць у войску, нягледзячы на судзімасьць.
07.07.2008 Улады пагражаюць сваякам удзельнікаў выбарчае кампаніі
Сёньня пад час прэсавай канфэрэнцыі, якая адбылася ў сядзібе Партыі БНФ, лідэры Аб’яднаных дэмакратычных сілаў распавялі пра факты ўціску рэгіянальных уладаў на актывістаў, якія маюць намер узяць актыўны ўдзел у кампаніі па выбарах дэпутатаў Палаты прадстаўнікоў Нацыянальнага сходу Беларусі.
02.07.2008 У Брэсце пададзена заяўка на правядзенне “Маршу дробных хуліганаў”
Актывіст руху “За Свабоду” Раман Кісляк падаў у Брэсцкі гарвыканкам заяўку на правядзенне 30 ліпеня вулічнага шэсця “Марш дробных хуліганаў”. Па словах праваабаронцы, мэта дадзенага мерапрыемства — прыцягнуць увагу грамадскасці да патрабаванняў спыніць адміністрацыйныя затрыманні актывістаў дэмсіл пад выглядам справаў аб дробным хуліганстве.
30.06.2008 Апазіцыянер? На зборы! Кандыдат? Зьбяры ў радні дэкларацыі!
Улады распачалі пераследваць дэмакратычных актывістаў, якія заяўляюць пра сваё жаданьне вылучацца кандыдатамі ў дэпутаты на маючых адбыцца выбарах у Палату прадстаўнікоў. Часцей за ўсё гэта здараецца ў рэгіёнах. Так, напрыканцы траўня ў Лельчыцкі райваенкамат выклікалі актывіста і члена камітэта Аб’яднанай грамадзянскай партыі, кандыдата ў дэпутаты парламента ад дэмакратычных сіл Беларусі Мікалая Гаўрыленка. Як паведаміў ваенком, для гутаркі і дзеля ўдакладненьня звестак.
