Навіны на тэму: выбары-2012
05.07.2012 У Віцебску актывістаў судзяць за ўлёткі з заклікам байкатаваць выбары
5 ліпеня суддзя Кастрычніцкага райсуда Іна Грабоўская пакарала актывістку "Еўрапейскай Беларусі" Алену Семенчукову дзесяццю суткамі арышту. 4 ліпеня тая ж суддзя прысудзіла два штрафы актывісту "Маладога фронту" Яўгену Гуцалаву. Пакаранне арыштам 22-гадовай дзяўчыны было нечаканым для тых, хто прыйшоў падтрымаць яе ў судзе.
05.07.2012 Орша: актывіст АГП вылучаны ў склад акруговай камісіі
Рашэннем Палітрады Аб’яднанай грамадзянскай партыі ў склад акруговай камісіі па Аршанскай гарадской выбарчай акрузе № 26 вылучаны актывіст АГП Уладзімір Юржыц.
05.07.2012 Магілёўшчына: дэмакраты вылучылі ў акруговыя выбаркамы 30 прадстаўнікоў
Пакуль дакладна вядома, што прадстаўнікі дэмакратычных сіл вылучаны ў склад 12-ці акруговых выбарчых камісій з 13-ці ў Магілёўскай вобласці. Няма вылучэнца ў камісію Бабруйскай сельскай выбарчай акругі № 80.
05.07.2012 Магілёўскія дэмсілы вылучаць 18 кандыдатаў на выбары
Як паведаміў Юрый Новікаў, старшыня Каардынацыйнай рады Магілёўскай абласной кааліцыі дэмсілаў, магілёўскія дэмакраты падтрымаюць вылучэнне 18 кандыдатаў у дэпутаты ў розных рэгіёнах вобласці.
05.07.2012 Партыя БНФ вылучыла ў акруговыя выбарчыя камісіі 57 сябраў
Як паведамляе прэс-служба, Соймам Партыі БНФ, які адбыўся 23 чэрвеня, было вылучана 57 сябраў партыі ў акруговыя выбарчыя камісіі. З іх па Віцебскай вобласці - 9, па Магілёўскай - 9, па Гомельскай - 4, па Брэсцкай - 7, па Гродзенскай - 9, па Менскай - 7 і па горадзе Менску - 12 чалавек.
05.07.2012 Баранавічы: на сайце гарвыканкама нарэшце з’явілася рубрыка пра выбары
Нарэшце на афіцыйным сайце Баранавіцкага гарвыканкама baranovichy.by 4 ліпеня з’явілася рубрыка “Выбары ў парламент 2012”. А раённыя ўлады па-ранейшаму маўчаць на гэты конт.
05.07.2012 Актывісты незалежнага прафсаюзу “Граніта” вызначыліся наконт выбараў
Многія сябры суполкі незалежнага прафсаюзу на РУВП “Граніт”, што ў Мікашэвічах, збіраюцца байкатаваць выбары ў Палату прадстаўнікоў, бо не маюць ілюзіяў, што гэтая палітычная кампанія пройдзе паводле дэмакратычных нормаў. Тым не менш, яны маюць намер сустрэцца з кандыдатамі ў дэпутаты.
04.07.2012 НІСЭПД: За байкот парлямэнцкіх выбараў — 14%
Базаваны ў Літве Незалежны інстытут сацыяльна-эканамічных і палітычных дасьледаваньняў абнародаваў вынікі свайго апытаньня, праведзенага ў чэрвені сёлета ў Беларусі.
04.07.2012 У Магілёўскай вобласці Партыя БНФ плануе вылучыць пяць кандыдатаў
Намеснік старшыні Партыі БНФ, кандыдат у прэзідэнты на выбарах 2010 года Рыгор Кастусёў будзе вылучацца ў якасці кандыдата па Шклоўскай выбарчай акрузе № 90. Нагадаем, што Рыгор Кастусёў стала пражывае менавіта ў горадзе Шклове.
04.07.2012 Полацк: нічога мясцовага
Полацкая аб'яднаная - гарадская і раённая газета «Полацкі веснік» пачала публікаваць матэрыялы на тэму маючых адбыцца парламенцкіх выбараў.
04.07.2012 Баранавічы: у акруговыя камісіі вылучаюць толькі “Справядлівы свет” і АГП
У Баранавічах заявы на ўключэнне ў склад акруговых выбарчых камісій ад апазіцыйных партый падалі чатыры прэтэндэнты - тры прадстаўнікі партыі “Справядлівы свет” і адзін ад Аб’яднанай грамадзянскай партыі.
04.07.2012 На Пружанскай акрузе плануецца вылучэнне аднаго прэтэндэнта ад апазіцыі, на Івацэвіцкай - трох
Па Пружанскай выбарчай акрузе № 9 плануе вылучацца кандыдатам кіраўнік Бярозаўскай раённай суполкі АГП Аляксандр Кабанаў; па Івацэвічскай акрузе №11 - прадстаўнік СДПГ і "Гавары праўду" Валянцін Лазарэнкаў, ад АГП -- Вікторыя Грынюк і, не выключана, Юрась Губарэвіч ад Партыі БНФ і "Руху за свабоду" (апошні яшчэ канчаткова не вызначыўся).
04.07.2012 Бабруйчане выбары байкатуюць, па мясцовай акрузе будзе балатавацца прэтэндэнт з Магілёва
Бабруйскія прадстаўнікі дэмсілаў амаль адзінагалосна прыйшлі да высновы байкатаваць парламенцкія выбары. Негледзячы на тое, што бабруйскія “праўдаўцы” байкатуюць кампанію, іх калега з Магілёва плануе ўзяць у ёй самы непасрэдны ўдзел. Гэта маладая кіраўнічка кампаніі “Гавары праўду” па Магілёўскай вобласці Аксана Самуйлава.
04.07.2012 Гомельшчына: пра «важнейшую палітычную падзею года» - тэлеграфна
Раённыя выданні Гомельскай вобласці змяшчаюць пра выбары у парламент толькі афіцыйныя паведамленні ЦВК: пра дату выбараў ды пра стварэнне акругаў, прычым нават без прывязкі да мясцовасці.
04.07.2012 На Брэстчыне пакуль адзіная раёнка піша пра выбары
Ганцавіцкае “Савецкае Палессе” - адзіная раённая газета ў Брэсцкай вобласці, якая на гэты час змясціла на сваім сайце актуальную інфармацыю, датычную выбарчай кампаніі.
