Навіны на тэму: выбары-2012
25.07.2012 Праваабаронца патрабуе роўных умоваў па зборы подпісаў
Сябра РПГА “Беларускі Хельсінкскі Камітэт" Уладзімір Шыла, які з’яўляецца назіральнікам па Салігорскай сельскай выбарчай акрузе №69, звярнуўся ў Мінскі абласны выканаўчы камітэт са скаргай на рашэнне Любанскага выканкаму.
25.07.2012 Працаўнікам Слуцкага цукрова-рафінаднага камбінату забаранілі падпісвацца за альтэрнатыўных кандыдатаў
Прэтэндэнт у кандыдаты па Слуцкай выбарчай акрузе Аляксандр Шыловіч даведаўся пра гэта ад свайго знаёмага, які працуе на гэтым камбінаце.
25.07.2012 Слуцк: імёны прэтэндэнтаў у кандыдаты засакрэчаныя
Імёны прэтэндэнтаў у кандыдаты трымае ў сакрэце не толькі афицыйнае выданне "Слуцкі край". Па словах Аляксандра Шыловіча, які вылучаецца ў кандыдаты, калі ён атрымліваў пасведчанні і падпісныя лісты для сябраў сваёй ініцыятыўнай групы, запытаўся ў камісіі, хто, апроч яго, вылучыў сваю кандыдатуру, - адказу не атрымаў.
24.07.2012 Берасцейшчына: зарэгістраваныя 44 ініцыятыўныя групы па зборы подпісаў
Найбольшая колькасць – у Брэсцкай-Заходняй выбарчай акрузе №1, дзе збіраць подпісы за вылучэнне кандыдатаў у дэпутаты збіраюцца пяць групаў. Найменшая колькасць - толькі па адной ініцытыяўнай групе - створана і зарэгістравана ў Баранавіцкай сельскай і Белавежскай выбарчых акругах.
24.07.2012 Баранавічы: салдаты ёсць, а ўчастак для галасавання знік?
Афіцыйны сайт Баранавіцкага гарвыканкама 24 ліпеня надрукаваў межы участкаў для галасавання па выбарах дэпутатаў Палаты прадстаўнікоў. На Баранавіцкай-Заходняй выбарчай акрузе № 5 у параўнанні з 2008 годам знік участак для галасавання № 38 на базе воінскай часткі № 65263.
24.07.2012 Бярозаўскія актывісты прапаноўваюць перагледзець палажэнні выбарчага заканадаўства
Сяржук Русецкі і Тамара Шчапёткіна з Бярозы, падпісанты за вылучэнне Анатоля Сахарушы сябрам у акруговую камісію Пружанскай выбарчай акругі № 9, унеслі прапанову ў Цэнтрвыбаркам аб пераглядзе ў выбарчым заканадаўстве пункта, паводле якога пры судовым абскарджванні неўключэння ў камісію ў скарзе павінны падпісвацца ўсе грамадзяне, якія вылучалі свайго прадстаўніка ў камісію.
24.07.2012 Магілёў: Аляксандр Ірхо абскарджвае адмову ў рэгістрацыі ініцыятыўнай групы
Ускарзе ў Цэнтральную камісію па выбарах дэмакратычны актывіст просіць адмяніць рашэнне акруговай выбарчай камісіі № 86 аб адмове ў рэгістрацыі яго ініцыятыўнай групы, а таксама аднавіць тэрмін абскарджвання гэтага рашэння.
24.07.2012 Працэдура вылучэння Аляксандра Папкова ад калектыву Багушэўскага лясгаса абскарджана ў Цэнтрвыбаркам
Леанід Цімашкоў, назіральнік ад БХК у акруговай камісіі Сенненскай акругі № 30 па выбарах у Палату прадстаўнікоў, накіраваў скаргу ў Цэнтрвыбаркам. Падставай паслужылі парушэнні пры вылучэнні дзеючага дэпутата Палаты прадстаўнікоў кандыдатам у дэпутаты ад працоўнага калектыву Багушэўскага лясгаса.
24.07.2012 У Быхаўскай выбарчай акрузе будуць збіраць подпісы толькі за кандыдата ад улады
Як стала вядома, на паседжанні камісіі Быхаўскай выбарчай акругі № 81 былі зарэгістраваны дзве ініцыятыўныя групы па зборы подпісаў у падтрымку вылучэння кандыдатаў у дэпутаты Палаты прадстаўнікоў. Але...
24.07.2012 На выбарах-2012 у Мінску будзе на 19 выбарчых участкаў больш
Але ў цэлым колькасць выбарчых участкаў у краіне ў параўнанні з папярэднімі парламенцкімі выбарамі скарацілася на 220 участкаў.
24.07.2012 Партыйцы сутыкнуліся з адзінкавымі адмовамі ў рэгістрацыі ініцыятыўных груп
Пры рэгістрацыі ініцыятыўных груп па вылучэнні кандыдатаў у дэпутаты актывісты партыі "Справядлівы свет" не атрымалі ніводнай адмовы. Зарэгістраваныя і ўсе 15 ініцыятыўных груп ад 12 актывістаў Партыі БНФ.
24.07.2012 Лукашэнка: “Пажадана, каб у новы парламент увайшла трэць дэпутатаў ранейшага склікання”
Такую рэкамендацыю прэзідэнт выказаў на сустрэчы са старшынёй Палаты прадстаўнікоў Нацыянальнага сходу Уладзімірам Андрэйчанкавым.
24.07.2012 Актывістам БХД адмаўляюць у правядзенні пікетаў за байкот выбараў
Сябры менскай гарадской арганізацыі БХД падавалі 20 заявак на правядзенне пікетаў на тэму “Абмеркаванне ўмоў правядзення выбараў. Байкот выбараў”. Менгарвыканкам адмаўляе ў правядзенні пікетаў з прычыны блізкасці метро або ўвогуле без паведамлення прычыны.
24.07.2012 Хоцімск: кіраўніка ініцыятыўнай групы незалежнага вылучэнца звальняюць з працы
Адміністрацыя хоцімскага жылкамгаса 24 ліпеня ўручыла вартаўніку Пятру Басейку пісьмовае апавяшчэнне пра тое, што бліжэйшым часам ён будзе звольнены з працы “у сувязі са сканчэннем тэрміну кантракту”. Мясцовы актывіст кампаніі “Гавары праўду” ў бягучай выбарчай кампаніі ачоліў ініцыятыўную групу па зборы подпісаў за вылучэнне кандыдатам у дэпутаты Валерыя Каранкевіча.
24.07.2012 Мікалай Петрушэнка просіць ануляваць рэгістрацыю сваёй ініцыятыўнай групы
Актывіст кампаніі «Наш Дом» і партыі «Справядлівы свет» тлумачыць свой крок салідарнасцю з палітвязнем Мікалаем Статкевічам, чыю групу камісія Аршанскай Дняпроўскай акругі № 27 адмовілася зарэгістраваць. Праўда, пры гэтым Петрушэнка захоўвае за сабой права вылучыцца кандыдатам ад партыі «Справядлівы свет».
