Навіны на тэму: крымінальная справа Алеся Бяляцкага
01.02.2012 У Стакгольме прайшоў пікет у падтрымку Бяляцкага
Каля беларускай амбасады ў Стакгольме 31 студзеня прайшоў пікет у падтрымку праваабаронцы Алеся Бяляцкага і іншых беларускіх палітвязняў. Шведзкая праваабарончая арганізацыя Östgruppen ладзіла акцыю сумесна з арганізацыямі Civil Rights Defenders, шведзкай філіяй Міжнароднай амністыі, Шведскім саюзам пісьменнікаў і KIC.
27.01.2012 Дэкларацыя парламентарыяў Рады Еўропы ў падтрымку вылучэння Бяляцкага на Нобелеўскую прэмію міру
Пад дакументам паставілі подпісы больш за 40 прадстаўнікоў парламентаў такіх краінаў-сябраў Рады Еўропы, як Польшча, Нямеччына, Ліхтэнштэйн, Швецыя, Нарвегія, Люксембург, Італія, Грэцыя, Аўстрыя, Літва, Латвія, Эстонія, Сербія, Венгрыя, Румынія, Украіна.
27.01.2012 Пяць украінскіх парлямэнтароў вылучылі Бяляцкага на Нобэля
Пяць дэпутатаў Вярхоўнай Рады Ўкраіны накіравалі ў Осла, дзе месьціцца Нобэлеўскі камітэт міру, намінацыйны ліст на вылучэньне беларускага праваабаронцы Алеся Бяляцкага на Нобэлеўскую прэмію.
27.01.2012 Рашэнне Менгарсуда па справе Алеся Бяляцкага ў Жодзінскае СІЗА яшчэ не прыйшло
Пра гэта паведаміла жонка асуджанага праваабаронцы Наталля Пінчук, якая сёння, 27 студзеня, была на спатканні з Алесем у Жодзінскім следчым ізалятары.
27.01.2012 Алесь Бяляцкі намінаваны на прэмію Нобеля
Подпісы за вулучэнне праваабаронцы на прэмію збіраліся ў польскім парламенце прадстаўнікамі двух найбуйнейшых палітычных польскіх партый: кіруючай "Грамадзянскай платформы" і апазіцыйнай "Права і справядлівасці".
27.01.2012 Жонка Алеся Бяляцкага чакае спатканьня ў турме
Жонка зьняволенага старшыні праваабарончага цэнтра «Вясна» Алеся Бяляцкага Натальля прыехала сёньня ў Жодзінскую турму на спатканьне з мужам.
26.01.2012 Старшыня АБСЕ заклікае вызваліць Алеся Бяляцкага
“Чалавека нельга пераследаваць за абарону правоў чалавека. Гэтая справа – прыкрае адлюстраванне стану правоў чалавека ў Беларусі і вынік абмежаванняў свабоды асацыяцыяў у краіне. Я заклікаю беларускія ўлады неадкладна вызваліць Алеся Бяляцкага, а таксама ўсіх астатніх актывістаў грамадзянскай супольнасці і палітычных апанентаў”, – адзначыў сп. Эйман Гілмар.
26.01.2012 МЗС Францыі асуджае пацвярджэнне прысуду Бяляцкаму
Улады Францыі расчараваныя рашэннем беларускага суда, які пацвердзіў прысуд аб пазбаўленні волі праваабаронцу Алесю Бяляцкаму. Пра гэта заявіў прадстаўнік французскага МЗС Бернар Валеро.
26.01.2012 Польскі Сэйм вылучыць Бяляцкага на Нобэля
На пятніцу заплянаваная прэзэнтацыя афіцыйнай заявы дэпутатаў польскага Сэйму ў справе вылучэньня на Нобэлеўскую прэмію міру беларускага праваабаронцы Алеся Бяляцкага.
26.01.2012 Сетка Дамоў правоў чалавека заклікала беларускія ўлады вызваліць Алеся Бяляцкага
“Мы расцэньваем утрыманне пад вартай Алеся Бяляцкага са жніўня 2011 года як прамы вынік яго законнай праваабарончай дзейнасці ў Беларусі”, - сказана ў закліку, распаўсюджаным сябрамі і партнёрамі Сеткі Дамоў правоў чалавека.
25.01.2012 Фотафакт: Праваабаронцы арганізавалі дыскусію з удзелам еўрадэпутатаў
У Бруселі 24 студзеня Міжнародная Федэрацыя за правы чалавека (FIDH) арганізавала дыскусію па сітуацыі з правамі чалавека ў Беларусі з удзелам дэпутатаў Еўрапейскага Парламента і прадстаўнікоў Еўрапейскай камісіі.
25.01.2012 Östgruppen заклікала ўрады ЭЗ узмацніць ціск на Менск
У сувязі з тым, што менскі гарадзкі суд прыняў рашэньне адхіліць касацыйную скаргу палітвязьня Алеся Бяляцкага, швэдзкія праваабаронцы з Östgruppen настойліва заклікаюць урады Швэцыі і ЭЗ узмацніць ціск на беларускі рэжым.
25.01.2012 Заява Абсерваторыі па абароне праваабаронцаў па справе Алеся Бяляцкага
Абсерваторыя па абароне праваабаронцаў (сумесная праграма Міжнароднай федэрацыі правоў чалавека (FIDH) і Сусветнай арганізацыі супраць катаванняў (OMCT)) рашуча асуджае рашэнне, згодна з якім прысуд пра турэмнае зняволенне старшыні Праваабарончага цэнтра “Вясна” і віцэ-прэзідэнта FIDH сп. Алеся Бяляцкага быў пакінуты без зменаў.
25.01.2012 Еўракамісар Фюле выказаў занепакоенасць з нагоды палітычнага пераследу "Вясны"
24 студзеня ў Бруселі Еўрапейскі камісар па пытаннях пашырэння і палітыкі добрасуседства Штэфан Фюле сустрэўся з намеснікам старшыні Праваабарончага цэнтра "Вясна" Валянцінам Стэфановічам. Сустрэча адбылася адразу ж пасля таго, як Менгарсуд адмовіў у задавальненні касацыйнай скаргі старшыні "Вясны" і віцэ-прэзідэнта FIDH Алеся Бяляцкага.
25.01.2012 Новы прэзідэнт Еўрапарламента асудзіў рашэнне суда па справе Бяляцкага
Кіраўнік Еўрапарламента заявіў, што шкадуе пра рашэнне Мінскага гарадскога суда адхіліць апеляцыю ў справе праваабаронцы Алеся Бяляцкага. Ён назваў 24 студзеня “яшчэ адным дрэнным днём для правасуддзя ў Беларусі”. Шульц падкрэсліў, што Бяляцкі, як і ўсе 14 палітвязняў, павінен быць вызвалены. Марцін Шульц таксама заклікаў Лукашэнку памілаваць Канавалава і Кавалёва і ўвесці ў Беларусі мараторый на смяротнае пакаранне.
