10.10.2007 У Гомелі затрыманы старшыня абласной арганізацыі АГП Васіль Палякоў

Учора ў Гомелі блізу 19-й гадзіны непадалёку ад свайго дому міліцыя затрымала старшыню абласной арганізацыі Аб’яднанай грамадзянскай партыі Васіля Палякова. Яго даставілі ў Чыгуначны райаддзел міліцыі, дзе абвінавацілі ў нецэнзурнай лаянцы.

10.10.2007 У Менску затрыманы актывіст Аляксандр Атрошчанкаў

Позна ўвечары 9 кастрычніка Аляксандра Атрошчанкава міліцыянты адвезьлі ў міліцыю Цэнтральнага раёна Менску.

Міліцыянты амаль штурмам ўварваліся ў кватэру, матывуючы свае дзеяньні пошукам трупа. Пад час ператрусу ў ягоным доме міліцыянты забралі сыстэмны блёк кампутара і еўрапейскую сімволіку.

10.10.2007 Вячэрнія затрыманьні актывістаў у Гародні

9 кастрычніка вечарам на чыгуначным вакзале Гародні міліцыя затрымала праваабаронцу і кіраўніка абласной арганізацыі БСДГ Віктара Сазонава. Ён быў дастаўлены ў мясцовы наркадыспансэр, а затым ў Ленінскі ?АУС Гародні.

08.10.2007 Магілёўская абласная ўправа ўнутраных справаў адмовілася заводзіць крымінальную справу на маёра Сяргея Андрэенку.

30 жніўня ўзмоцнены нарад міліцыі ў лесе непадалёк ад Магілёва затрымаў групу моладзевых актывістаў. Іх гвалтам заштурхнулі ў службовую машыну і даставілі ў Магілёўскі раённы аддзел міліцыі. Пратрымалі больш за тры гадзіны.

08.10.2007 У Мядзелі быў затрыманы актывіст ?уху “За Свабоду” Зміцер Падрэза

На юнака склалі пратакол адміністрацыйнага правапарушэння, адабралі мабільны тэлефон, налепкі да Еўрапейскага марша і загадалі з’явіцца ў КДБ.

06.10.2007 Затрыманьні актывістаў руху “За Свабоду” ў Смалявічах

Учора міліцыя затрымала 9 маладых актывістаў руху “За Свабоду” 12 чалавек у цэнтры горада раздавалі газэту “Свабода”. Некалькі чалавек стаялі зь бел-чырвона-белым сьцягам у цэнтры горада. Пасьля гэтага моладзь групай прайшла па вуліцах і распаўсюджвала сярод мінакоў газэту.

01.10.2007 Сьветлагорскія актывісты абскарджваюць дзеяньні міліцыі і КДБ

Актывісты падалі скаргу ў мясцовую пракуратуру. Гэты дакумент стаў рэакцыяй на ператрус кватэраў грамадзян, якія выступаюць супраць адмены льгот.

27.09.2007 Суд Маскоўскага раёну Берасьця аштрафаваў грамадзкага актывіста Рамана Кісьляка на 2 базавыя велічыні

Яго абвінавацілі ва ўдзеле ў несанкцыянаваным сходзе 19 жніўня. Сходам суд палічыў прэзэнтацыю кнігі Паўла Севярынца “Лісты зь лесу”. Гэта ўжо другі суд над Раманам Кісьляком. Раней пратакол пра яго затрыманьне суд палічыў недакладным і вярнуў у аддзел міліцыі Маскоўскага раёну Берасьця.

26.09.2007 Берасьце: затрыманы праваабаронца Раман Кісьляк

Сёньня ў Берасьці ля ўваходу ў суд Маскоўскага раёну затрыманы юрыст Раман Кісьляк.

26.09.2007 Міліцыя затрымала лідэра прадпрымальнікаў Салігорску

У Салігорску затрыманы Аляксандр Цацура – лідэр мясцовых прадпрымальнікаў, сябра незарэгістраванага грамадзкага аб’яднаньня “За свабоднае разьвіцьцё прадпрымальніцтва”.

26.09.2007 Пратакол адпраўлены на дапрацоўку, Івашкевіча адпусьцілі

Адміністрацыйную справу Віктара Івашкевіча меліся сёньня разглядаць у кабінэце судзьдзі Першамайскага раёну сталіцы Юрыя Гарбатоўскага, які знаходзіцца ў будынку ЖЭС па вуліцы Астрашыцкая. Аднак пратакол затрыманьня накіраваны судзьдзём на дапрацоўку. Ці адбудзецца паседжаньне, невядома.

26.09.2007 У Гародні будуць судзіць Яўгена Скрабутана

У Горадні затрыманага ўчора ўвечары Яўгена Скрабутана даставяць у суд. Студэнт-каліновец Яўген Скрабутан правёў ноч у гарадзенскім пастарунку. У Кастрычніцкім РАУС гораду пацьвердзілі, што яго затрымалі ўчора ўвечары “за дробнае хуліганства”.

26.09.2007 У Бярэсці затрыманы актывіст Андрэй Шарэнда

Сёння зранку ў Брэсце каля пад’езду свайго дома быў затрыманы актывіст руху “За Свабоду” Андрэй Шарэнда. Зараз міліцыянеры вязуць яго ў Маскоўскі РАУС Брэста для складання пратакола.

26.09.2007 Віктара Івашкевіча будуць судзіць за ўлёткі да Эўрапейскага маршу

Сёньня ў судзе Першамайскага раёну Менску будуць судзіць старшыню аргкамітэту Эўрапейскага маршу, які заплянаваны на 14 кастрычніка, Віктара Івашкевіча. Яго абвінавачваюць у закліку ўдзельнічаць у несанкцыянаванай акцыі. Івашкевіча затрымалі ўчора на ганку кавярні “Эль-Памідора” разам са старшынём аргкамітэту Сацыяльнага маршу Валерыем Ухналёвым. Яны разам з чатырма сябрамі адзначалі дзень народзінаў Івашкевіча. На ганку іх чакалі спэцназаўцы.

24.09.2007 Актывіст Моладзі БНФ Кастусь Грахаў пакараны 10 суткамі арышту

Супрацоўнікі АМАПу затрымалі моладзевага актывіста 23 верасьня ў цэнтры Менску і папрасілі паказаць рэчы. У торбе было выяўлена каля 100 налепак з заклікам да ўдзелу ў Еўрапейскім маршы, запланаваным на 14 кастрычніка. У Цэнтральным РАУС сталіцы на Кастуся Грахава склалі адміністратыўны пратакол па ч.1 арт. 23.34 КаАП РБ - парушэньне устаноўленага парадку арганізацыі і правядзеньня масавых мерапрыемстваў.