Праваабарончы цэнтр «ВЯСНА»

30.08.2010 У Берасьці затрымалі Рамана Кісьляка

Міліцыянты затрымалі актывіста Руху «За Свабоду» за распаўсюд ў цэнтры горада улёткі «Гэта не павінна паўтарыцца!»

30.08.2010 Затрыманых актывістаў АГП адпусцілі без складання пратаколаў

Два актывісты Аб'яднанай грамадзянскай партыі Аляксандр Сцепаненка і Павел Яравік, затрыманыя ўчора за распаўсюджванне ўлётак на рынку ў Ждановічах, былі адпушчаныя ў той жа дзень без складання пратаколаў.

17.08.2010 Акцыя салідарнасьці. Ланцуг неабыякавых людзей

16 жніўня адбылася акцыя салідарнасьці. Больш за 100 чалавек выйшлі з партрэтамі зьніклых палітыкаў Віктара Ганчара, Юрыя Захаранкі, Анатолія Красоўскага і журналіста Зьмітра Завадскага да будынка Акадэміі Навук.

13.08.2010 Пашкевічу на Дзень моладзі — 40 базавых велічынь

Маскоўскі суд Менска аштрафаваў актывіста кампаніі «Гавары праўду!» Міхася Пашкевіча на 1 мільён 400 тысяч рублёў. Пашкевіч прызнаны вінаватым у арганізацыі несанкцыянаванай акцыі да Міжнароднага дня моладзі, які адзначаецца 12 жніўня.

12.08.2010 Міжнародны дзень моладзі па-беларуску

Актывісты кампаніі “Гавары праўду” адзначылі Міжнародны дзень моладзі, заснаваны ААН, і перадалі ў Міністэрства адукацыі свае крытычныя ацэнкі працы камітэта па моладзі пры гэтым міністэрстве.

11.08.2010 Магілёў: паляваньне на падпісныя лісты

Актывіста «Гавары праўду» Сяргея Лапуціна пратрымалі ў Кастрычніцкім аддзеле міліцыі Магілёва больш за тры гадзіны. На яго складзеныя пратаколы адміністрацыйнага правапарушэньня й канфіскацыі друкаванай прадукцыі. Яны будуць накіраваныя ў суд.

10.08.2010 Судзьдзя апраўдаў актывістаў кампаніі "Гавары праўду"

Кастрычніцкі райсуд сталіцы апраўдаў актывістаў кампаніі "Гавары праўду" Паўла Сегава і Вячаслава Муху, якіх абвінавачвалі ў дробным хуліганстве.

10.08.2010 Міхась Башура застаецца за кратамі

Каардынатар кампаніі «Гавары праўду» яшчэ на сем сутак застанецца ў ізалятары часовага ўтрымання, паведаміў лідэр «Маладых дэмакратаў» Міхаіл Пашкевіч. Такое рашэнне было прынятае пасля допыту, што адбыўся вечарам у Савецкім РУУС. Пакуль абвінавачванні Міхасю не прад’яўленыя.

09.08.2010 Неспакойныя выходныя

ДОБРУШ. 7 жніўня супрацоўнікі дэпартамэнту аховы МУС затрымалі актывістаў “Руху „За Свабоду“ Сяргея Сьцепанца і Яўгена Суворава. Як паведаміў БелаПАН старшыня гомельскага аддзяленьня руху «За Свабоду» Пятро Кузьняцоў, маладыя людзі распаўсюджвалі на мясцовым рынку капэрты з тэзамі перадвыбарнай праграмы Аляксандра Мілінкевіча й анкеты. Раздача інфармацыйных матэрыялаў праходзіла ў рамках кампаніі «Народная праграма». Пратаколу не складалі, інфармацыйныя матэрыялы таксама не забіралі», дадаў Кузьняцоў.

09.08.2010 У Менску затрымалі актывіста кампаніі “Гавары праўду”

6 жніўня ля сваёй кватэры быў затрыманы актывіст кампаніі «Гавары праўду» Міхась Башура. Пра гэта Радыё Свабода паведаміў паплечнік Башуры Алег Мяцеліца.

02.08.2010 Першыя жнівеньскія затрыманьні

У нядзелю, 1 жніўня, за распаўсюд беларускай сымболікі двух маладафронтаўцаў затрымалі ў Барысаве.

28.07.2010 Суды над затрыманымі ў Менску актывістамі перанесеныя на 5 жніўня (дапаўняецца)

Затрыманых 27 ліпеня пад час акцыі з нагоды 20-годзя прыняцця Дэкларацыі аб дзяржаўным суверэнітэце Беларусі Міколу Дземідзенку, Касю Давыдзік, Андрэя Кіма і Вячаслава Сіўчыка ў 11-40 даставілі ў суд Савецкага раёну Менска. Іх вінавацяць у дробным хуліганстве (Арт 17.1 КаАП РБ) за нібыта нецэнзурную лаянку.

28.07.2010 Салігорскія маладафронтаўцы стануць перад судом

У Салігорску перад судом стануць шасцёра маладафронтаўцаў – Іван Шыла, Рыгор Астапеня, Андрусь Тычына, Ілля Нагорны, Сяргей Герановіч і Аляксей Валабуеў.

27 ліпеня маладафронтаўцы збіраліся каля крамы “Дзіцячы свет” зладзіць традыцыйны конкурс малюнкаў да ўгодкаў прыняцця Дэкларацыі аб незалежнасці.

27.07.2010 Затрыманні актывістаў за святкаванне Дня незалежнасці Беларусі

Па сітуацыі на 20.55 праваабаронцам стала вядома, што ўсіх затрыманых - Міколу Дземідзенку, Касю Давыдзік, Андрэя Кіма і Вячаслава Сіўчыка - на ноч змесцяць у Цэнтры ізаляцыі правапарушальнікаў на Акрэсціна. Заўтра, 28 ліпеня, іх справы будзе разглядаць суд Савецкага раёну Менску.