Праваабарончы цэнтр «ВЯСНА»

08.09.2010 Ігар Чапіга зьмешчаны на Акрэсьціна

Сябра "Правага альянсу" Ігар Чапіга пасьля правядзеньня ў яго на кватэры ператрусу, зьвязанага нібыта з падпалам Цэнтру ізаляцыі на Акрэсьціна, дастаўлены ў гэтую установу. Кіраўнік Інфармацыйна-кансалтынгавай установы "Правы альянс" Юрась Карэтнікаў называе гэта палітычна матываваным перасьледам.

08.09.2010 Сьпіс затрыманых за падпалы расьце

У Менску затрыманы грамадзкі актывіст–эколаг Уладзімір Валодзін. 8 верасьня ў яго на кватэры супрацоўнікі Ленінскага РАУС правялі ператрус, канфіскавалі хард-дыск з кампутара, улёткі. Уладзіміра Валодзіна затрымалі па падазрэньні ў дачыненьні да падпалу дзвярэй філіялу "Беларусбанка" ў Мінску 30 красавіка 2010 г.

08.09.2010 Сяргея Папова затрымалі ўначы

Сёньня ў Менску супрацоўнікі міліцыі затрымалі прыхільніка незарэгістраванай Беларускай партыі свабоды (БПС) Сяргея Папова. Прычым забіралі яго ноччу з уласнай кватэры, не патлумачыўшы прычын затрыманьня. Ягоныя сябры лічаць, што магчымай падставай з’яўляецца праверка ягонай датычнасьці да інцыдэнту на тэрыторыі расійскай амбасады ў Мінску.

08.09.2010 У Мінску арыштаваныя 50 апазіцыйных актывістаў

У Мінску міліцыя арыштавала каля 50 актывістаў грамадзянскай кампаніі "Гавары праўду". Аб прад'яўленых ім абвінавачваннях пакуль нічога не паведамляецца.

07.09.2010 У Баранавічах затрыманыя Раманчук і Лябедзька

На цэнтральным рынку Баранавічаў (Брэсцкая вобласць) 7 верасня затрыманы лідэр Аб’яднанай грамадзянскай партыі (АГП) Анатоль Лябедзька і прэтэндэнт на пасаду прэзідэнта ад АГП Яраслаў Раманчук.

06.09.2010 Напад на ІЧУ на Акрэсціна

6 верасьня ў Мінску група анархістаў атакавала ізалятар часовага ўтрымання па вуліцы Акрэсціна. Такую інфармацыю распаўсюдзіла нібыта існая анархічная група «Сябры Свабоды».

06.09.2010 Сталі вядомыя імёны затрыманых у Мінску анархістаў

У блогах і на сайтах анархістаў у інтэрнэце пацвярджаецца інфармацыя аб арышце ў Мінску сямі моладзевых актывістаў. Паводле гэтых паведамленняў, 3 верасня каля 6 гадзін раніцы супрацоўнікамі праваахоўных органаў Беларусі былі затрыманыя грамадскія актывісты.

06.09.2010 У Гродне міліцыя зладзіла аблаву на крамольныя ўлёткі

Распаўсюднікаў апазіцыйных улётак чакалі 4 верасня на міні-рынках у Гродне людзі ў цывільным. У "засаду" патрапілі два сябры Аб'яднанай грамадзянскай партыі з “Пасланнем Яраслава Раманчука да прадпрымальнікаў”.

06.09.2010 Актывісты БХД зноў затрыманыя за збор подпісаў

Вось ужо другі дзень запар супрацоўнікі менскай міліцыі затрымліваюць актывістаў БХД, якія збіраюць подпісы за вяртанне Касцёла святога Язэпа вернікам.

06.09.2010 У Беларусі затрымліваюць анархістаў?

Паводле неафіцыйнай інфармацыі, праваахоўнікі затрымалі каля 10 анархістаў, у іх кватэрах прайшлі ператрусы. Верагодна, гэтая акцыя звязаная з нядаўнім падпалам аўтамабіля каля расійскай амбасады ў Мінску.

06.09.2010 Міліцыя адабрала “Народную праграму”

У Гомелі ля Дывыдаўскага рынку 3 верасьня быў затрыманы актывіст руху «За свабоду» Аляксандар Процка. Ён раздаваў буклеты з тэзамі «Народнай праграмы» Аляксандара Мілінкевіча.

03.09.2010 “Вы парушылі закон і вам могуць прыслаць позву ў суд”

Прафэсара Гарадзенскага мэдычнага ўнівэрсытэту Алеся Астроўскага і журналіста Уладзімера Хільмановіча, якія пікетавалі перад Гарадзенскім гарвыканкамам, міліцыянты завезьлі ў пастарунак на вуліцы Гараднічанскай. Там у іх узялі тлумачэньні і склалі пратакол канфіскацыі плякатаў. Затым, асобна, у пастарунак даставілі жонку спадара Астроўскага Аксану зь дзецьмі — Сьветай, Янкам і Васілём, якому два гады.