Навіны на тэму: затрыманьні
17.09.2010 З фэсту — у міліцыю, зь міліцыі — у шпіталь
Гомельскі каардынатар стваранай партыі «Беларуская хрысьціянская дэмакратыя» Кастусь Жукоўскі, якога ўчора на этнакультурным фэсьце «Покліч Палесься» ў вёсцы Ляскавічы Петрыкаўскага раёну затрымала міліцыя, апынуўся ў раённым шпіталі.
17.09.2010 Затрыманы Кастусь Жукоўскі
Каля гадзіны дня 17 верасня ў вёсцы Ляскавічы Петрыкаўскага раёна супрацоўнікі міліцыі затрымалі кіраўніка Гомельскай гарадской арганізацыі БХД Кастуся Жукоўскага. Жукоўскі ехаў на этнаграфічнае свята “Зоў Палесся”.
17.09.2010 Заўтра заканчваецца чарговы тэрмін трохдзённага ўтрыманьня Сяргея Папова
Па словах адваката затрыманага сябра незарэгістраванай Партыі Свабоды 18 верасьня а 7 раніцы заканчваюцца трое сутак у Сяргея Попова. Ён альбо павінен выйсьці на волю, альбо, калі ёсьць падставы для абраньня меры стрыманьня на 10 сутак да прад’яўленьня абвінавачаньня, атрымаць адпаведную пастанову.
17.09.2010 Ігар Чапіга выйшаў на волю, а суд па ліквідацыі "Правага альянсу" працягнецца 1 кастрычніка
Як паведаміў старшыня Інфармацыйна-кансалтынгавай ўстановы "Правы альянс" Юрась Карэтнікаў, актывіста Ігара Чапігу сёньня а 7 гадзіны раніцы вызвалілі з менскага ізалятару часовага ўтрыманьня на Акрэсьціна. Пасьля праверкі кампутара затрыманага прэтэнзіяў органаў дазнаньня да Чапігі не засталося.
17.09.2010 Тамара Сідарэнка: дзеяньні з боку праваахоўных органаў я зьвязваю з нейкімі іншымі абставінамі, а не з рэальнымі падазрэньнямі
Сёньня ў 11 гадзін скончыліся трое сутак з моманту апошняга, ужо трэцяга, затрыманьня грамадскага актывіста, эколага Уладзіміра Валодзіна. Сустрэць яго на волі на Акрэсьціна прыйшлі сваякі і сябры. Нягледзячы на тое, што Валодзіна адпусьцілі, ён застаўся падазраваным па трох крымінальных справах.
16.09.2010 Дзень салідарнасьці: традыцыйныя затрыманьні і збіцьцё
Чарговы дзень салідарнасьці ў Менску адзначыўся масавымі затраманьнямі. Месца збору каля сабора сьвятога Язэпа было загадзя нашпігаванае пераапранутымі супрацоўнікамі міліцыі, падагнаная тэхніка. На падыходзе да сабора пачаліся затрыманьні. Усяго ў Цэнтральны РУУС Менска было дастаўлена каля двацацці актывістаў розных грамадскіх рухаў, у тым ліку і з кампаніі “Гавары праўду”.
15.09.2010 Падазраваныя ў нападзе на расійскую амбасаду па-ранейшаму за кратамі
Мінскі ізалятар часовага ўтрыманьня 14 верасня пакінула адна з затрыманых па падазрэньні ў нападзе на расійскую амбасаду Таццяна Семянішчава. Яна правяла за кратамі 6 дзён
15.09.2010 Партыйцаў затрымліваюць нават у кавярнях
У Гародні супрацоўнікамі міліцыі 14 верасьня быў затрыманы намеснік старшыні гарадзенскай суполкі партыі БНФ Максім Губарэвіч. Па словах затрыманага, яго забралі з кавярні пасля вобшуку заплечніка, пратрымалі ў аддзяленні міліцыі і без складання пратакола адпусцілі.
13.09.2010 Эколагі заклікалі беларускія ўлады вызваліць У.Валодзіна
Экалагічныя арганізацыі Беларусі, Расіі і Літвы выступілі з сумесным зваротам да беларускіх уладаў з патрабаваннем неадкладна вызваліць Уладзіміра Валодзіна, які з 8 верасня знаходзіцца за кратамі па падазрэнні ў нападзе на расійскую амбасаду.
13.09.2010 На волю адпушчаныя пяцёра затрыманых
12 верасьня з ізалятару часовага ўтрыманьня на Акрэсьціна акрамя Хоцінай Валерыі, Сьлюсарава Сяргея і Жынгяроўскага Аляксея таксама выйшлі Антон Лапцёнак і Ігар Багачак. Па інфармацыі кіраўніка "Правага альянсу" Юрася Карэтнікава сябру арганізацыі Ігару Чапігу 11 верасьня працягнулі затрыманьне ячшэ на 3 сутак па крымінальнай справе за падпал Акрэсьціна.
13.09.2010 Гомель: адміністрацыйная справа за нацыянальны сцяг!
Сёння ў судзе Цэнтральнага раёна Гомеля адбыўся суд над прадстаўніком «Маладой Беларусі» Іванам Зайцавым, які быў затрыманы супрацоўнікамі міліцыі ў суботу ўвечары 11 верасня падчас святкавання Дня горада.
13.09.2010 Актывісты "Гавары праўду" падалі скаргі ў ФІФА, УЕФА і КХЛ
Актывісты кампаніі "Гавары праўду" падалі скаргі ў ФІФА, УЕФА і КХЛ на парушэньне іх правоў як заўзятараў. Пра гэта 11 верасьня БелаПАН паведаміў адзін з актывістаў Юрый Алейнік.
13.09.2010 Брэсцкія актывісты будуць судзіцца з міліцыяй
Брэсцкія грамадскія актывісты Валянцін Лазарэнкаў і Віктар Чайкоўскі падалі скаргу ў суд Ленінскага раёна на неправамерныя дзеянні супрацоўнікаў міліцыі Брэсцкага ўпраўлення ўнутраных спраў на транспарце.
13.09.2010 Мытнікі затрымалі лідэра “Еўрапейскай Беларусі” амаль на гадзіну
У Нацыянальным аэрапорце ў Мінску затрымалі лідэра грамадзянскай кампаніі “Еўрапейскай Беларусь” Андрэя Саннікава, паведамляе сайт Хартыі’97. Палітык вяртаўся з прадстаўнічай канферэнцыі ў Рызе.
12.09.2010 Трое затрыманых выйшлі на волю
Сёньня з ізалятару часовага ўтрыманьня на Акрэсьціна выйшлі трое затрыманых - Хоціна Валерыя, Сьлюсараў Сяргей і Жынгяроўскі Аляксей. Астатнія засталіся за кратамі. Аляксандр Францкевіч перавезены ў Салігорск, гэтым разам яго падазраюць у нападзе на міліцэйскі пастарунак.
