Навіны на тэму: дапамога
22.03.2011 Тыднёвы агляд паслявыбарчай сітуацыі ў Беларусі (14-20 сакавіка)
Палітычна крымінальны перасьлед набірае абароты: прад’яўлена абвінавачванне па падзеях 19 снежня яшчэ аднаму кандыдату ў прэзідэнты Дз. Усу, перакваліфікавана абвінавачванне ў дачыненні да другога кандыдата М. Статкевіча. У межах узбуджанай крымінальнай справы працягваліся допыты і ператрусы. Асцерагаючыся новага арышту Беларусь пакінуў вызвалены раней пад падпіску аб нявыездзе Алесь Міхалевіч.
22.03.2011 Гродзенская міліцыя не рэкамендуе актывістам ехаць на Дзень Волі ў Мінск
Калі Юрый Істомін, кіраўнік абласной арганізацыі АГП вяртаўся дамоў, яго у пад’ездзе чакалі двое супрацоўнікаў міліцыі. Яны выразна рэкамендавалі актывісту не ехаць у сталіцу Беларусі ў пятніцу. На пытанне, ці збіраецца ён ехаць у Мінск 25 сакавіка, Юрый Істомін адказаў, што яшчэ не вызначыўся з гэтым.
22.03.2011 Бацьку Мікалая Статкевіча адмовілі ў сустрэчы з сынам
Бацька экс-кандыдата ў прэзідэнты пісаў зварот у КДБ, каб яму дазволілі сустрэчу, але атрымаў адказ, у якім сказана, што сустрэча з Мікалаем Статкевічам пакуль не прадстаўляецца магчымай. Віктар Паўлавіч Статкевіч жыве адзін у Баранавічах, мае 84 гады і вельмі перажывае, што ўжо не ўбачыць сына.
22.03.2011 Яўген Васьковіч просіць дапамогі ў аднапартыйцаў
Яўген Васьковіч, якога абвінавачваюць у падпале будынка КДБ у Бабруйску, даслаў ліст сябрам ствараемай партыі БХД. У ім маладзён просіць аднапартыйцаў дапамагчы знайсці адваката і часцей пісаць яму. Ён піша, што пакуль не ведае, калі будзе суд, але разлічвае на шэсць-сем год пакарання.
22.03.2011 Крысціну Шацікаву выклікаюць на допыт у контрвыведку
Нагодай для гэтага стала неабходнасць працягу допыту, які праводзілі супрацоўнікі мінскай контрвыведкі Павел Травулька і Максім Мешчаракоў на працягу трох дзён у Магілёве. Прычынай допытаў з’ўляліся фотаздымкі падзеяў на Плошчы, якія Крысціна перадала ў Магілёўскае абласное УКДБ і Першамайскі аддзел міліцыі г. Мінска.
22.03.2011 Непаўнагадовую праз дэканат выклікаюць на адміністрацыйную камісію
Нагодай для гэтага з’яўляецца ўдзел Ганны Шкадун у акцыі Салідарнасці, якая адбылася 16 студзеня. Праваабаронца Барыс Бухель адзначае, што двухмесячны тэрмін, калі можна было прыцягнуць да адміністрацыйнай адказнасці, выйшаў, і здзіўлены такім паваротам падзей.
22.03.2011 Бацькі Аляксандра Малчанава спадзяюцца на касацыю
“У нас цяпер адна надзея, - кажа Галіна Андрэеўна. - Стала вядома, што Саша ўсё ж вырашыў падаваць касацыйную скаргу. Вось сталі ўжо ж прысуды мякчэй выносіць астатнім зняволеным. Можа, і Сашы б на гэтай хвалі тэрмін скасцілі”.
22.03.2011 Наталля Радзіна: “Гэтыя суды павінны спыніцца”
"Я не займаюся палітыкай, я журналістка. Але ў нашай дзяржаве незалежныя журналісты для ўладаў аказваюцца небяспечнымі. Канешне, я не выпадкова трапіла ў гэты млын. Я працую незалежнай журналісткай, рэдактарам сайта “Хартыя – 97” . І ад таго, што я трапіла ў СІЗА КДБ і мне пагражае турма, я не шкадую, што займаюся незалежнай журналістыкай. І я буду ёю займацца".
22.03.2011 Скарга Зміцера Салаўёва на КДБ не задаволена судом
Зміцер Салаўёў патрабаваў абавязаць ўпраўленне КДБ па Магілёўскай вобласці зняць яго з прафілактычнага ўліку і адмяніць афіцыйнае папярэджанне, вынесеннае ў яго адрас з нагоды ўдзелу ў мірнай акцыі пратэсту 19 снежня.
22.03.2011 Трэці раз на дактыласкапію
Баранавіцкага актывіста Рыгора Грыка трэці раз “запрашаюць” у гарадскую міліцыю на дактыласкапію. Першы раз адбіткі пальцаў у яго ўзялі ў 90-я гады, а другі раз – у 2009 годзе, калі ён працаваў рабочым на Баранавіцкай чыгунцы. Можа нехта лічыць, што адбіткі пальцаў у яго змяняюцца кожны год?
21.03.2011 Падаткавікоў зацікавілі прыбыткі праваабаронцы
Сёння, 21 сакавіка, у Інспекцыю па падатках і зборах па Маладэчанскім раёне быў выкліканы праваабаронца Алесь Капуцкі, дзе яму ўручылі патрабаванне аб прадастаўленні дэкларацыі аб даходах і маёмасці.
21.03.2011 Водгукі выбарчай кампаніі: З пекара ў прыбіральшчыцы
Сябра партыі “Справядлівы свет” з Давыд-Гарадка Вольга Кецько за сяброўства ў выбарчай камісіі ад партыі “Справядлівы свет” была пераведзена дырэктарам хлебазавода Надзеяй Скрабец з пекара на пасаду прыбіральшчыцы вытворчых памяшканняў.
21.03.2011 Следчаму аддалі загад сфатаграфаваць апазіцыянера
Віктара Бузінаева выклікаюць заўсёды па адной прычыне: яго тэлефон быў зафіксаваны ў раёне плошчы Незалежнасці 19 снежня. Ён ужо тройчы наведаў КДБ, пасля чаго яго настойліва пачалі запрашаць на допыт у Мінск. Пра іншыя спробы правесці “фотасесіі” з бабруйскімі актывістамі пакуль нічога невядома.
21.03.2011 У Полацку і Наваполацку пікеты 25 сакавіка не дазволены
У Наваполацку прычынай адмовы назвалі жаданне заяўніка Яўгена Парчынскага падтрымаць падчас акцыі на Дзень Волі палітвязняў. Наваполацкі гарвыканкам заявіў, што 19 снежня ў Мінску прайшла антыканстытуцыйная акцыя, і салідарнасць з палітвязнямі дэманстраваць забаронена.
21.03.2011 Прычына адмовы ў пікеце да Дня Волі – акцыя па барацьбе з туберкулёзам
Віцебскі сябар АГП Сяргей Салодкін атрымаў адмову на правядзенне пікета да Дня Волі ў Парку культуры і адпачынку чыгуначнікаў. Яму напісалі, што якраз у тым самым парку ўвечары 25 сакавіка раённы аддзел аховы здароўя будзе змагацца з турберкулёзам – праводзіць сваю акцыю.
