Навіны на тэму: дапамога
29.03.2011 Маладэчна. Арганізатар датэрміновага галасавання адпраўлены “ў адстаўку”
Стала вядома, што на маладэчанскім СП "Мінскі мэблевы цэнтр” змяніўся намеснік дырэктара па ідэалогіі. Як сцвярджаюць кампетэнтныя асобы, гэта было наступствам выбарчай кампаніі. Галоўны ідэолаг ММЦ спадар Цюракін М.А. стаў вядомым пасля таго, як арганізаваў на прадпрыемстве датэрміновае галасаванне супрацоўнікаў са строгай справаздачнасцю.
29.03.2011 У Барысаве збіраюць подпісы ў абарону палітвязняў
Ініцыятыва сыходзіць ад жыхароў мікрараёнаў Дымкі і Максімаўка. «Шмат хто з нас, простых людзей названых вышэй мікрараёнаў, добра ведаюць Уладзіміра Някляева. Ён, заступіўся за нас, выйшаў з канкрэтнымі патрабаваннямі да мясцовых уладаў Барысава і Барысаўскага раёна аб навядзенні парадку з падтаплення нашых дамоў і прысядзібных участкаў ". Але не толькі ў падтрымку экс-кандыдата Уладзіміра Някляева выступаюць неабыякавыя барысаўчане.
29.03.2011 Уладзімір Няпомняшчых скардзіцца ў абласны суд на затрыманне ў Дзень Волі
У скарзе ў абласны суд грамадзянін даводзіць, што ён не парушаў грамадскі парадак і рашэнне аб прыцягненні яго да адміністратыўнага арышту было незаконным.
29.03.2011 Праваабаронца скардзіцца ў гарадскі суд на КДБ
Сяргей Гоўша просіць суд прызнаць дзеянні ўпаўнаважаных асоб Баранавіцкага гарадскога аддзела УКДБ неправамернымі, парушаючымі яго канстытуцыйнае права на юрыдычную дапамогу. Падчас допыту ў якасці сведкі па падзеях 19 снежня оперупаўнаважаныя Цімафееў В.А. і Галубкоў В.Г. адмовілі праваабаронцу у задавальненні хадайніцтва аб допуску да ўдзелу ў працэсуальным дзеянні ў якасці яго прадстаўніка кваліфікаванага юрыста Пятровіча К. І., чым парушылі арт. 62 Канстытуцыі.
28.03.2011 Надпісы ля кватэры Таісіі Кабанчук “зніклі”
Міліцыя да сённяшняга дня не разабралася, хто і навошта пакінуў на сценах ля кватэры актывісткі БХД Таісіі Кабанчук абразлівыя надпісы. Бабруйская актывістка распавяла, што абразлівыя надпісы “зніклі” ўвечары 25-га сакавіка.
28.03.2011 Магілёў: Уладзімір Лапцэвіч – 7 сутак, Зміцер Салаўёў – 5 сутак
Журналіст БелаПАН Уладзімір Лапцэвіч атрымаў разам сем сутак адміністрацыйнага арышту – суткі за лаянку і шэсць сутак за непадпарадкаванне супрацоўнікам міліцыі. Лідэр Магілёўскай абласной арганізацыі БНФ “Адраджэньне” Зміцер Салаўёў атрымаў пяць сутак – двоеза лаянку і трое за непадпарадкаванне супрацоўнікам міліцыі. Гэтыя прысуды будуць абскарджаны ў трохдзённы тэрмін.
28.03.2011 Суд аштрафаваў Паліну Панасюк
Суд Ленінскага раёна Брэста пакараў актывістку Маладога Фронту Паліну Панасюк штрафам у 22 базавыя велічыні. Дзве базавыя велічыні – “за хуліганскія дзеянні” і 20 – за непадпарадкаванне супрацоўнікам міліцыі. Паліна лічыць гэты прысуд палітычным.
28.03.2011 Аршанская міліцыя гуляе ў хованкі
Ноччу 27 сакавіка група аршанскіх праваабаронцаў прыйшла да будынка ІЧУ ў Оршы сустракаць расейскага журналіста, які адбыў трое сутак арышту. "Чакайце яго каля галоўнага выхаду, цяпер будзем вызваляць", - бадзёра паведаміў дзяжурны па ізалятары. Літаральна праз 5 хвілін з брамы ізалятару выехаў аўтазак і на высокай хуткасці рушыў па начным горадзе ў бок чыгуначнага вакзалу.
28.03.2011 У Магілёве судзяць Салаўёва і Лапцэвіча
28 сакавіка ў судзе Ленінскага раёна з 12.15 разглядаюцца адміністратыўнай справы затрыманых 25 сакавіка на Дзень Волі старшыні абласной арганізацыі БНФ “Адраджэньне” Зміцера Салаўёва і журналіста БелаПАН Уладзіміра Лапцэвіча. Яны абвінавачваюцца ў непадпарадкаванні супрацоўнікам міліцыі і ў дробным хуліганстве.
28.03.2011 Міліцыянт так і сказаў: “Ну як вам гэты цырк?”
Баранавіцкая грамадская актывістка Лера Бандарэнка і яе сябра Антось Мінейка былі затрыманы супрацоўнікамі міліцыі ў Менску на выхадзе са станцыі метро “Плошча Якуба Коласа”. Гэта здарылася прыкладна ў шэсць гадзін вечара 25 сакавіка, калі яны спрабавалі прыняць удзел у святкаванні Дня Волі.
28.03.2011 Сяргей Рыжоў стварае новую беларускую партыю і новы міжнародны рух
Экс-прэтэндэнт на ўдзел у прэзідэнцкіх выбарах, жыхар Віцебска Сяргей Рыжоў, які сышоў з выбарчай гонкі на этапе збору подпісаў, стаў ініцыятарам стварэння Беларускай Кансерватыўнай Партыі “Белая Русь” і міжнароднага руху “За новы свет! За абноўленага чалавека!”
28.03.2011 Барыс Хамайда прапануе напісаць агульнанацыянальную дыктоўку ў СІЗА КДБ
“Вельмі жадаў бы, каб тэкст дыктоўкі “Ліст з-пад шыбеніцы” Кастуся Каліноўскага, напісаны мной 25 сакавіка 2011, быў перададзены зняволенаму Паўлу Севярынцу”, - піша віцебскі апазіцыянер Старшыні КДБ Рэспублікі Беларусь.
28.03.2011 Тыднёвы агляд паслявыбарчай сітуацыі ў Беларусі (21-27 сакавіка)
22 сакавіка адразу ў двух судах Менску пачаліся працэсы па палітычна матываваных крымінальных справах. Адзін з іх – над маладафронтаўцамі Змітром Дашкевічам і Эдуардам Лобавым (па ч.3 арт. 339 КК РБ – злоснае хуліганства) у выніку завяршыўся вынесеннем новых прысудаў: З. Дашкевічу – 2 гады калоніі агульнага рэжыму, Э. Лобаву – 4 гады ўзмоцненага рэжыму. Важная гістарычная дата 25 сакавіка – Дзень Волі стала падставай для ўзмацнення ціску на прадстаўнікоў апазіцыі і сродкаў масавай інфармацыі, прэвентыўных затрыманняў і арыштаў.
28.03.2011 Уладзімір Правальскі ініцыюе рэферэндум за адстаўку Лукашэнкі
Экс-прэтэндэнт на ўдзел у мінулых прэзідэнцкіх выбарах прапануе далучыцца да ініцыятыўнай групы ўсім ахвотным. Паводле спадара Правальскага, прычынай для адстаўкі Аляксандра Лукашэнкі можа быць “страта даверу да яго з боку выбаршчыкаў Рэспублікі Беларусь”.
26.03.2011 У Брэсце затрымана актывістка “Маладога Фронту”
26 сакавіка ў Брэсце супрацоўнікамі Ленінскага РАУС затрымана актывістка “Маладога Фронту” Паліна Панасюк. На яе складзены пратакол за парушэнне артыкулаў 17.1 і 23.4 Кодэкса аб адміністратыўных правапарушэннях. Паліна змешчана ў ІЧУ Ленінскага РАУС, да суда 28 сакавіка. Дома ў Паліны засталося малое дзіця.
