Навіны на тэму: палітвязьні
14.05.2014 Андрэй Гайдукоў стаў "невыязным"
Пра гэта былому палітвязню паведамілі 14 траўня ў аддзеле па грамадзянстве і міграцыі Упраўлення ўнутраных спраў Наваполацка. Прычыны забароны пакідаць краіну Андрэю Гайдукову не патлумачылі. Адзінае, што паведамілі – тое, што выезд з краіны яму забараніў КДБ.
14.05.2014 Бабруйск: Пікет салідарнасці з Яўгенам Васьковічам не дазволілі
Пікет планаваўся ў якасці падтрымкі бабруйчаніна Яўгена Васьковіча, на якога аказваецца моцны ціск адміністрацыі ў магілёўскай турме №4. Нядаўна хлопца перавялі ў адзіночную камеру, стала вядома пра ціск і з боку сукамернікаў таксама.
13.05.2014 Швейцарскія праваабаронцы - у падтрымку грамадзянскай супольнасці Беларусі
Швейцарскае аддзяленне Amnesty International праводзіць кампанію, прымеркаваную да Чэмпіянату свету па хакеі ў Мінску, падчас якой заклікае беларускія ўлады «да сумленнай гульні ў галіне правоў чалавека».
12.05.2014 Міжнародныя праваабаронцы: Чэмпіянат свету па хакеі 2014 у Мінску азмрочаны затрыманнямі
Праваабарончыя арганізацыі з Германіі, Швейцарыі, Швецыі, Бельгіі, Чэхіі і Польшчы асуджаюць рэпрэсіі супраць тых, хто падчас Чэмпіянату свету па хакеі гатовы выказацца супраць жудаснага становішча з правамі чалавека ў Беларусі, і заклікаюць Міжнародную федэрацыю хакея адмовіцца ад супрацы з беларускім рэжымам.
10.05.2014 Баранавічы: Статкевіча-старэйшага павіншавалі з Днём Перамогі
Успомнілася, як немец забіў яго бацьку, як у гады вайны сяляне вадзілі на ноч свае каровы ў суседнюю вёску Рачкавічы да паліцаяў, каб зберагчы сваю хатнюю жывёлу ад партызанскіх канфіскацый, як партызаны ўсё ж такі забралі каня.
08.05.2014 З віцебскай турмы вызвалілі палітвязня Андрэя Гайдукова
Андрэю Гайдукову загадалі пачаць збіраць рэчы а 6-й раніцы, хоць звычайна з калоніі выпускаюць аб 11-й, а 7-й яго пасадзілі ў міліцэйскі аўтамабіль, адвезлі на вакзал у Віцебску, далі 20 тысяч рублёў, каб ён змог даехаць да сваякоў.
06.05.2014 Законапраект аб амністыі не распаўсюджваецца на палітвязняў
Ужо традыцыйна ў праекце закона пакінутая фармулёўка, што амністыя не будзе распаўсюджвацца на злосных парушальнікаў рэжыма. Фармальна гэты статус замацаваны за ўсімі палітычнымі зняволенымі ў Беларусі.
05.05.2014 У Магілёве плануюць правесці пікет салідарнасці з Яўгенам Васьковічам
Адпаведную заяўку на правядзенне мерапрыемства падаў у Магілёўскі гарвыканкам актывіст аргкамітэта партыі Беларуская Хрысціянская дэмакратыя Алег Аксёнаў. Пікет плануецца правесці 18 траўня на Савецкай плошчы ў цэнтры горада.
02.05.2014 1000 дзён Алеся Бяляцкага
1000 дзён за кратамі знаходзіцца палітзняволены кіраўнік праваабарончага цэнтра "Вясна" Алесь Бяляцкі. Пра гэта ў інтэрвію карэспандэнту Радыё Рацыя Генадзю Барбарычу нагадала жонка палітвязня Наталля Пінчук.
02.05.2014 Становішча 9 палітвязняў у Беларусі крытычнае (інфармацыя за красавік 2014 г.)
Міжнародная Федэрацыя за Правы Чалавека (FIDH) і Праваабарончы цэнтр «Вясна» прадставілі аналітычны дакумент аб становішчы палітычных зняволеных і абмежаванні волі ў дачыненні да грамадзянскіх актывістаў у Беларусі. У дакуменце прадстаўленая інфармацыя па стане на 30 красавіка 2014 года.
02.05.2014 Яўгена Васьковіча перавялі ў адзіночную камеру
Як стала вядома прадстаўнікам Беларускай Хрысціянскай Дэмакратыі, палітвязня, сябра БХД Яўгена Васьковіча, якога ў апошні час адміністрацыя Магілёўскай турмы № 4 цкавала праз іншых асуджаных, пасля грамадскай хвалі падтрымкі перавялі у адзіночную камеру.
30.04.2014 “1000 дзён у зняволенні: неадкладна вызваліце Алеся!”
Акцыю пад такім лозунгам правялі актывісты Amnesty International і Libereco ў Цюрыху 29 красавіка, каб нагадаць, што беларускі праваабаронца Алесь Бяляцкі знаходзіцца за кратамі ўжо 1000 дзён. Швейцарскія праваабаронцы заклікаюць да неадкладнага вызвалення усіх беларускіх палітвязняў з нагоды пачатку Чэмпіянату свету па хакеі.
26.04.2014 Libereco прапануе да падпісання петыцыю за амністыю для палітвязняў Беларусі
Нямецка-швейцарская праваабарончая арганізацыя Libereco - Partnership for Human Rights заклікае прэзідэнта Лукашэнку вызваліць усіх палітвязняў, каб праводзіць чэмпіянат свету па хакеі ў Мінску без парушэнняў правоў чалавека.
26.04.2014 Міхась Кукабака: Галоўнае - не губляць веру (фота)
Непажаданы для ўладаў савецкай Беларусі дысідэнт, гледзячы на сённяшняе жыццё краіны, адзначае, што сітуацыя для праваабаронцаў не простая, як і ва ўсіх краінах з посттаталітарнымі рэжымамі, але раіць не губляць веру.
24.04.2014 Міхась Кукабака наведаў мясціны “Скрадзенай Бацькаўшчыны” (фотарэпартаж)
23 красавіка Міхась Кукабака сустрэўся з землякамі ў Бабруйску. У родным горадзе, дзе вядомы дысідэнт і публіцыст не быў з пачатку 1990-х гадоў, ён прайшоўся гістарычнымі мясцінамі ды сцежкамі, якія апісваў у сваім нарысе “Скрадзеная Бацькаўшчына”, калі вярнуўся у Бабруйск пасля першага тэрміну палітычнага зняволення.
