Навіны на тэму: палітвязьні
02.02.2015 Палітвязень Ігар Аліневіч ізноў кінуты ў ШІЗА
Гэта, як мінімум, пятае пакаранне карцэрам за апошнія паўгады, што ён правёў у калоніі “Віцьба”. Аб тым, што Ігар Аліневіч ізноў знаходзіцца ў ШІЗА, паведаміла яго маці – Валянціна Аліневіч:
01.02.2015 У калёніі Статкевічу не дазволілі працаваць
Былы кандыдат на прэзыдэнта Мікалай Статкевіч пасьля карантыну пераведзены ў атрад. Пра гэта палітвязень змог паведаміць жонцы Марыне Адамовіч ў тэлефоннай размове.
29.01.2015 Разбірацца з патрабаваннямі Юрыя Рубцова прыехаў памочнік пракурора Пружанскага раёна
Па словах памочніка пракурора А. Хвалько, ён лічыў, што палітвязень Юрый Рубцоў пачаў галадоўку з-за ціску адміністрацыі камендатуры. Палітзняволены Рубцоў, у сваю чаргу, выклаў яму свае патрабаванні. Юрый Рубцоў лічыць прыніжаючым чалавечую годнасць і прыборку вязнямі ў пакоях супрацоўнікаў камендатуры.
29.01.2015 Копія заявы пра абвяшчэнне галадоўкі Юрыем Рубцовым (фотадакумент)
Праваабаронцы валодаюць копіяй заявы палітзняволенага Юрыя Рубцова пра абвяшчэнне ім галадоўкі, якую, па-ранейшаму не жадае рэгістраваць кіраўніцтва спецкамендатуры №7.
27.01.2015 Адміністрацыя камендатуры па-ранейшаму не фіксуе галадоўку Юрыя Рубцова
Кіраўніцтва камендатуры атрымала 24 студзеня заяву Рубцова, дзе ён указвае не толькі прычыну галадоўкі, але і патрабуе яе афіцыйнай фіксацыі як камендатурай, так і медычнай установай. Па словах Рубцова, пакуль няма ніякай рэакцыі як з боку адміністрацыі, так і з боку медыкаў.
26.01.2015 У Віцебску сабралі сродкі для Яўгена Васьковіча
Яўген Васьковіч, які адбывае тэрмін пакарання ў магілёўскай калоніі, мае праблемы са здароўем. "Падтрымаць палітвязня – гэта наш абавязак", - гаворыць інцыятарка збору сродкаў, віцебская каардынатарка аргкамітэту па стварэнні партыі БХД Таццяна Севярынец.
26.01.2015 Палітвязня Статкевіча вінавацяць ва «ўхіленні ад грамадскай працы»
Мікалаю Статкевічу не змянілі рэжым адбыцця пакарання. Пра гэта ён паведаміў у лісце да сваёй жонкі Марыны Адамовіч. На думку адміністрацыі шклоўскай калоніі, ён «не стаў на шлях выпраўлення».
23.01.2015 Статкевічу забаранілі доўгатэрміновае спатканне са сваякамі
Мікалаю Статкевічу забаранілі доўгатэрміновае спатканне са сваякамі ў шклоўскай калоніі № 17, паведаміла БелаПАН яго жонка Марына Адамовіч.
23.01.2015 Марына Адамовіч: Статкевіч маральна гатовы да вяртання з калоніі ў турму
Жонка экс-кандыдата ў прэзідэнты 21 студзеня мела з ім тэлефонную гутарку. На палітвязеня за два дні знаходжання ў Шклоўскай калоніі былі складзены два рапарты і ён не выключае, што доўга там не затрымаецца.
22.01.2015 Праваабаронцы патрабуюць спынення крымінальнага пераследу палітвязня Мікалая Дзядка і яго вызвалення
FIDH, ПЦ "Вясна" і БХК выказваюць глыбокую заклапочанасць у сувязі з сур’ёзнымі пагрозамі для жыцця і здароўя Мікалая Дзядка і падкрэсліваюць, што ўся адказнасць за яго бяспеку і абарону ляжыць на адміністрацыі турмы № 4 г. Магілёва і кіраўніцтве Дэпартамента выканання пакаранняў МУС Рэспублікі Беларусь.
22.01.2015 Юры Рубцоў на «хіміі» абвясьціў галадоўку пратэсту
Грамадзкі актывіст з Гомеля Юры Рубцоў, які адбывае пакараньне абмежаваньнем свабоды ў вёсцы Куплін Пружанскага раёну за абразу менскага судзьдзі, абвясьціў 22 cтудзеня бястэрміновую галадоўку.
21.01.2015 Прэзідэнта Аліева ў Берліне праваабаронцы сустрэлі пратэстам
21 студзеня ў Берліне ля ведамства федэральнага канцлера, дзе праходзіла сустрэча Ільхама Аліева з Ангелай Меркель, праваабаронцы патрабавалі вызвалення палітвязняў Азербайджана.
21.01.2015 Яўгену Васьковічу абяцалі доўгатэрміновае спатканне з маці
Родныя, сябры і аднадумцы палітзняволенага Яўгена Васьковіча накіравалі яму ў калонію №15 за апошні час некалькі бандэроляў з неабходгымі рэчамі.
19.01.2015 Баранавічы: пяты год Статкевіч-старэйшы адзначае свой Дзень народзінаў без сына Мікалая
Баранавіцкія праваабаронцы і грамадскія актывісты 19 студзеня наведалі Статкевіча Віктара Паўлавіча, бацьку палітвязня Мікалая Статкевіча, каб павіншаваць яго з 88-годдзем. Па словах грамадскага актывіста Віктара Сырыцы, Статкевіч-старэйшы па-ранейшаму вельмі перажывае за цяперашні і асабліва далейшы лёс сына.
19.01.2015 Складзеныя два рапарты на Мікалая Статкевіча пасля пераводу яго ў шклоўскую калонію
Пасля двух дзён знаходжання Мікалая Статкевіча ў шклоўскай калоніі на палітвязня былі складзеныя два рапарты.
