Навіны на тэму: палітвязьні
15.03.2011 Алесь Міхалевіч даслаў “Ліст з-за мяжы”, але сувязі з ім няма
Артыкул пад назвай “Ліст з-за мяжы. Не хачу быць героем” Алесь Міхалевіч даслаў у рэдакцыю інтэрнэт-газеты Naviny.by. Атрымліваецца, што ліст у рэдакцыю палітык адправіў на 26 хвілін пазней, чым напісаў у сваім інтэрнэт-блогу пра свае ўцёкі ў замежжа. “Ліст з-за мяжы” тлумачыць матывы ўчынку Алеся Міхалевіча, але не тлумачыць, дзе ён зараз і ці сам пісаў у інтэрнэце.
15.03.2011 Паўлу Севярынцу зноў адмовілі ў сустрэчы з маці і сьвятаром
Маці сустаршыні аргкамітэту па стварэньні партыі “Беларуская Хрысьціянская Дэмакратыя” Паўла Севярынца Тацяна Яўгенаўна паведаміла, што 14 сакавіка атрымала два лісты ад сьледчага Санько, які займаецца справай яе сына. У першым зь лістоў ён адмовіў Тацяне Севярынец у сустрэчы з сынам.
14.03.2011 Яшчэ адзін суд за "Cаша, сыходзь!"
Васільеў паведаміў, што міліцыянеры пагражалі, што калі ён не падпіша прызнанне ў тым, што пісаў надпіс на сцяне, яго кінуць у камеру, каб там яго згвалцілі. Раман пагадзіўся напісаць прызнанне і на яго склалі адміністрацыйны пратакол.
14.03.2011 Сваякі беларускіх палітвязняў звярнуліся да Пуціна
Напярэдадні візіту Уладзіміра Пуціна ініцыятыва «Вызваленне», якая аб'яднала сваякоў арыштаваных 19 снежня ў Менску кандыдатаў у прэзідэнты, сябраў іхніх штабоў, журналістаў і праваабаронцаў, звярнулася да прэм'ер-міністра Расеі з лістом.
14.03.2011 Дашкевічу пагражаюць максімальна строгім прысудам і карцэрам у калоніі
Лідэра “Маладога Фронта” Змітра Дашкевіча чарговы раз наведаў супрацоўнік вайсковай контрвыведкі. За адмову супрацоўнічаць ён пагражаў Зміцеру, што той атрымае на судзе 21 сакавіка максімальны тэрмін зняволення, які цалкам правядзе ў карцэры.
11.03.2011 КДБ адмовіўся аплаціць Лабачову дарогу да Менска (дапоўнена)
І мінскія, і магілёўскія супрацоўнікі КДБ адмовіліся аплаціць кошт квіткоў актывісту Валянціну Лабачову, якому ўручылі позву на допыт у якасці сведкі ў Менск. З-за адсутнасці сродкаў яму паведамілі, што на допыт ён можа зусім не з'яўляцца.
11.03.2011 Дзе будуць адбываць пакараньне асуджаныя удзельнікі Плошчы?
Заўтра ўступаюць у законную сілу прысуды асуджаным удзельнікам акцыі пратэсту на плошчы Незалежнасьці ў Менску 19 снежня Зміцеру Новіку і Аляксандру Малчанаву. Іх абвінавацілі ў масавых беспарадках па ч.2 арт. 293 Крымінальнага кодэксу і пакаралі пазбаўленьнем волі на тры з паловай і тры гады адпаведна.
09.03.2011 "Міжнародная амністыя" заклікала масава пісаць лісты Лукашэнку і Васілевічу
Праваабаронцы патрабуюць неадкладна і без якіх-небудзь умоваў вызваліць асуджанага Аляксандра Атрошчанкава і іншых 11 вязняў сумлення.
24.02.2011 «Патрабуем тэрміновага і безумоўнага вызвалення журналіста, прызнанага вязнем сумлення...»
1 сакавіка павінен пачацца суд над прэс-сакратаром экс-кандыдата ў прэзідэнты Аляксандрам Атрошчанкавым. 23 лютага на сайце грамадзянскай кампаніі «Еўрапейская Беларусь» з’явілася заява з гэтай нагоды.
14.02.2011 На Валадарцы катуюць адсутнасцю сну
Як стала вядома праваабаронцам, у СІЗА па вул. Валадарскага ў Мінску прымяняецца новы від катаванняў – змяшчэнне ў камеру № 69, дзе першыя двое сутак чалавек праводзіць без сну і час ад часу сядзяць хворыя на сухоты.
14.02.2011 Маладафронтаўцы да КДБ не дайшлі
Па дарозе да Камітэта дзяржбясьпекі былі затрыманыя сябры "Маладога Фронту", што меліся віншаваць сваіх паплечнікаў з Днём Любові,у тым ліку й намесьнік старшыні МФ Мікола Дземідзенка, які нёс з сабою вялізныя чырвоныя паштоўкі ў выглядзе сэрцаў.
04.02.2011 Родным зняволеных пішуць з усяго свету
Карэспандэнцыю на адрас бацькоў затрыманых дасылаюць міжнародныя арганізацыі, палітычныя партыя, праваабарончыя цэнтры, а таксама простыя людзі, занепакоеныя лёсам палітыкаў і актывістаў.
04.02.2011 Плошча Бангалор – больш не месца для акцый апазіцыі?
Мінгарвыканкам не дазволіў партыі левых “Справядлівы свет” пікет у абарону правоў чалавека, якія планавалася правесці 5 лютага ў месцы, вылучаным самімі ўладамі для падобных мэтаў. На думку чыноўнікаў, пікет “будзе ствараць перашкоды для транспартнага руху” па трох прылягаючых да плошчы Бангалор вуліцах.
31.01.2011 "Мы стараемся быць моцнымі. Будзьце моцнымі й непахіснымі й Вы!"
“Малады Фронт” зьвярнуўся з адкрытым лістом да Міністраў замежных справаў краін Эўразьвязу з нагоды 31 студзеня:
27.01.2011 Маладафронтавец знік пасля вызвалення з Акрэсціна
26 студзеня маладафронтаўца Уладзіміра Яроменка павінны былі вызваліць з Акрэсціна. Цяперашнім часам яго месцазнаходжанне невядомае. Малады чалавек адбываў 7-сутачны арышт за ўдзел у акцыі 19 снежня. Да гэтага Уладзімір Яроменак ужо адбыў 15-суткавы арышт за ўдзел у акцыі салідарнасці на плошчы Незалежнасці 20 снежня.
