Навіны на тэму: палітвязьні
01.07.2013 Заява Праваабарончага цэнтру "Вясна" і Беларускага Хельсінкскага камітэта адносна вынясення прысуду Андрэю Гайдукову
1 ліпеня 2013 года Андрэй Гайдукоў асуджаны па частцы 1 артыкула 14 і артыкуле 356-1 Крымінальнага кодэкса Рэспублікі Беларусь (замах на ўсталяванне супрацоўніцтва са спецыяльнай службай, органам бяспекі або разведвальным органам замежнай дзяржавы) і прысуджаны да 1,5 гадоў пазбаўлення волі.
01.07.2013 На Васіля Парфянкова зноў завялі крымінальную справу
Супраць былога палітзняволенага Васіля Парфянкова зноў заведзена крымінальная справа за парушэнне ўмоваў прафілактычнага нагляду.
28.06.2013 Алесь Бяляцкі: “А вось з моваю – бяда”
Бялыніцкі журналіст Барыс Вырвіч 28 чэрвеня атрымаў ліст ад палітвязня, кіраўніка Праваабарончага цэнтру “Вясна” Алеся Бяляцкага. Палітвязень падзяліўся сваімі развагамі наконт навінаў з жыцця дэмакратычнай суполкі Магілёўскай вобласці, а таксама распавёў пра сваё жыццё ў бабруйскай калоніі.
28.06.2013 У Брэсце актывізавалася інфармацыйная кампанія ў падтрымку палітвязняў
Ініцыятыва правесці такую кампанію, што мае назоў “Тыдзень палітвязня”, належыць камітэту абароны рэпрэсаваных “Салідарнасць” і ладзіцца па ўсёй Беларусі. Інфармацыйная кампанія працягнецца да жніўня ўключна, а кожны тыдзень будзе прысвечаны аднаму з палітвязняў
28.06.2013 З Валянцінай Аліневіч адмовіліся працягнуць кантракт
Маці палітвязня больш за 30 год адпрацавала ў Беларускім дзяржаўным эканамічным універсітэце. Адміністрацыя казала, што яна запатрабаваны спецыяліст высокага ўзроўню, аднак спецслужбы настаялі на тым, каб працоўныя адносіны з Аліневіч былі скасаваныя.
28.06.2013 Палітзвязень Ігар Аліневіч парваў лісты з заклікамі аб памілаванні
Бацькі палітзняволенага Ігара Аліневіча, асуджанага на 8 гадоў, мелі з сынам працяглае спатканне ў калоніі № 10 горада Наваполацка.
26.06.2013 Міліцыя ўзгадніла месца пражывання Змітра Дашкевіча пасля вызвалення
«Званілі з Першамайскага РУУС і пыталіся ў таты, а пасля і ў мяне, ці не супраць мы, каб Зміцер Дашкевіч жыў у нас, — напісала ў сябе ў Фэйсбуку Наста Дашкевіч (Палажанка). — Фантастыка:). І так, канечне ж, папрасілі яго па вяртанні завітаць у РУУС. Фантастыка № 2».
25.06.2013 У Берліне збіралі подпісы за вызваленне беларускіх палітвязняў
Актывісты аддзялення праваабарончай арганізацыі Міжнародная амністыя (Amnesty International) ў Берліне арганізавалі прагляд першага поўнафарматнага фільма пра Плошчу-2010 “Беларуская мара”.
25.06.2013 Вячаслаў Сіўчык: Не трэба думаць, што сітуацыя ў Беларусі безнадзейная
Калі вызваляць палітвязьняў, калі вернуцца палітуцекачы, і ці калі-небудзь пераможа Плошча?.. Вы скажаце: з такімі пытаннямі трэба ісьці да гадалкі, а не задаваць іх палітвязьням ды палітыкам. Тым ня менш, менавіта ад стану згаданых рэчаў залежыць жыццё і маральнае самаадчуванне многіх беларусаў.
25.06.2013 Эдуард Лобаў: Лета, але ягад ці гародніны не даюць
З маладафронтаўцам Эдуардам Лобавым у калёніі сустрэлася маці — Марына Лобава.Жанчына апавяла карэспандэнту Свабоды: «Гэта было кароткатэрміновае спатканьне — толькі размова цягам дзьвюх гадзін.
24.06.2013 Салігорск: Грамадскія актывісты далучыліся да інфакампаніі салідарнасці "Тыдзень палітвязня" (фота)
Грамадскія актывісты беларускай сталіцы шахцёраў далучыліся да інфармацыйнай кампаніі салідарнасці з палітычнымі зняволенымі “Тыдзень палітвязня”. У межах кампаніі прадстаўнікі розных арганізацый і партый з Салігорску даслалі паштоўкі ды лісты беларускім палітвязням.
21.06.2013 Ханэс Свобада: Вызваленьне палітвязьняў ня можа быць прадметам дыскусіяў
Старшыня фракцыі сацыял-дэмакратаў у Эўрапарлямэнце, дэпутат з Аўстрыі Ханэс Свобада кажа, што пытаньне пра вызваленьне палітвязьняў зь беларускіх турмаў настолькі зразумелае, што яно ня можа быць прадметам нейкіх дыскусіяў ці дамоваў.
20.06.2013 Беларускія праваабаронцы прынялі ўдзел у абмеркаванні дакладу Палецкіса ў Бруселі
19 чэрвеня ў Еўрапейскім парламенце ў Бруселі ў рамках пасяджэння падкамітэту па правах чалавека Еўрапейскага Парламента прайшло абмеркаванне сітуацыі з правамі чалавека ў Беларусі, а таксама праекта рэкамендацый па палітыцы Еўрапейскага Саюза ў дачыненні да Беларусі, падрыхтаванага Юстасам Палецкісам.
19.06.2013 Салідарнасць з Паўлам Севярынцам
Павел падсумаваў вынікі прыезду да яго ў Куплін сяброў, паплечнікаў і вернікаў. Спіс аказаўся ўнушальным: звычайна да Паўла прыязджаюць некалькі гасцей на тыдзень: як з Пружан ці з яго наваколля, так і з Мінску, Баранавічаў, Бярозы, Гомеля, Кобрына, нават жыхары Польшчы, Украіны ды Злучаных Штатаў.
17.06.2013 Стартавала кампанія салідарнасці "Тыдзень палітвязня"
Ад 17 чэрвеня Камітэт абароны рэпрэсаваных «Салідарнасць” распачынае інфармацыйную кампанію салідарнасці з палітвязнямі Беларусі “Тыдзень палітвязня”.
