Навіны на тэму: ААН
28.08.2009 Царква “Новае жыцьцё” паскардзіцца ў ААН
Вернікі менскай пратэстанцкай царквы “Новае жыцьцё” кругласутачна моляцца ў сваім храме. У Беларусі не засталося юрыдычных інстанцый, куды б яны маглі зьвярнуцца па абарону сваёй царквы. Суполка “Новае жыцьцё” не прайшла перарэгістрацыі і ў такім статусе знаходзіцца 6 гадоў. Ад 21 жніўня будынак вернікаў лічыцца маёмасьцю Менгарвыканкаму. У любы момант іх могуць выселіць з будынку і ліквідаваць суполку дэ-юрэ.
21.08.2009 Дэмактывісты Гомеля паскардзіліся ў ААН
Сёньня гомельскія актывісты апазыцыі Андрэй Толчын, Аляксандар Процка й Ігар Рэйзьлін накіравалі скаргі ў камітэт ААН па правах чалавека. Яны пішуць пра абмежаваньне з боку Беларусі іхніх правоў на правядзеньне мірных сходаў і свабоду распаўсюду інфармацыі.
18.06.2009 Зінаіда Ганчар: Лукашэнка ведае тое, што невядома следству?
Зінаіда Ганчар накіравала ліст да сакратара Працоўнай групы па гвалтоўных знікненнях ААН Джаваны Цукелі. У звароце ў міжнародную ўстанову жанчына просіць запытаць ва ўрада Беларусі каментары наконт інфармацыі, агучанай нядаўна прэзідэнтам Беларусі ў інтэрв’ю расейскім СМІ. Аляксандр Лукашэнка распавёў журналістам сваю версію знікнення апанентаў улады.
13.04.2009 МЗС не лічыцца з рашэннямі Камітэта па правах чалавека ААН
Праваабаронца Алесь Бяляцкі, які з’яўляецца старшынём Рады ліквідаванага ў 2003 г. Грамадскага аб’яднання “Праваабарончы цэнтр “Вясна”, атрымаў адказ на свой зварот з Міністэрства замежных справаў. Праваабаронца звяртаўся ў МЗС за тлумачэннямі наконт таго, якія меры былі прынятыя міністэрствам па выкананню Меркавання Камітэта па правах чалавека ААН у сувязі са скасаваннем рэгістрацыі “Вясны”.
10.04.2009 У адносінах да Віктара Карніенкі Беларусь дапусціла правапарушэнні
Як стала вядома з апублікаванай статыстычнай інфармацыі Управы Вярхоўнага Камісара па правах чалавека, у Камітэце ААН па правах чалавека разгледжана індывідуальная скарга старшыні фонда “Грамадскія ініцыятывы”, даверанай асобы Аляксандра Мілінкевіча падчас прэзідэнцкай выбарчай кампаніі 2006 года Віктара Карніенкі. Устаноўлена парушэнне правоў Віктара Карніенка і Аляксандра Мілінкевіча. На руках Карніенка рашэння яшчэ не мае.
23.03.2009 Мінгарсуд не палічыў патрэбным выконваць рашэнне ААН
Калегія па грамадзянскіх справах Мінгарсуда не задаволіла скаргу Віктара Карнеенкі на адмову з боку МЗС аднавіць дзейнасць "Грамадзянскіх ініцыятыў".
17.03.2009 Праваабаронца Алесь Бяляцкі звярнуўся да міністра замежных справаў
У заяве Алесь Бяляцкі просіць міністэрства прадставіць інфармацыю аб мерах, прынятых у сувязі з рашэннем Камітэта па правах чалавека ААН аб парушэнні дзяржавай права на свабоду асацыяцыі ў выніку ліквідацыі ПЦ "Вясна". Таксама Алесь Бяляцкі просіць прыняць меры, скіраваныя на выкананне міжнародных абавязацельстваў, якія прыняла на сабе Рэспубліка Беларусь, ратыфікаваўшы Пакт аб грамадзянскіх і палітычных правах і Факультатыўны Пратакол да яго.
13.03.2009 Ці падтрымае Мінскі суд пазіцыю ААН?
23 сакавіка судовая калегія па грамадзянскіх справах Мінгарсуда будзе разглядаць скаргу Віктара Карнеенкі на невыкананне МЗС рашэння ААН пра аднаўленне дзейнасці "Грамадзянскіх ініцыятыў".
04.02.2009 Беларусь ратыфікавала Канвенцыю ААН супраць катаванняў, але не выконвае міжнародныя абавязальніцтвы
У міжнародным праве фармулёўку тэрміну “катаваньне” ўтрымлівае “Канвенцыя супраць катаванняў ды іншых жорсткіх, бесчалавечных альбо прыніжаючых годнасць відаў абыходжання і пакарання”, прынятая Генеральнай Асамблеяй ААН 10 снежня 1984 і ратыфікаваная Рэспублікай Беларусь 13 сакавіка 1987 году.
02.02.2009 ААН суду не указ
Суддзя суда Ленінскага раёна г. Мінска Т.В. Жулкоўская адмовіла ўзбудзіць справу па скарзе Віктара Карняенкі супраць Міністэрства замежных спраў. Размова ідзе аб аднаўленні дзейнасьці Гомельскага абласнога грамадскага аб’яднання “Грамадзянскія ініцыятывы” у адпаведнасці з рашэннем Камітэта ААН па правах чалавека.
09.01.2009 Беларусь ігнаруе рашэньні ААН
Камітэт у правах чалавека Арганізацыі Аб’яднаных Нацыяў прыняў да разгляду скаргу гомельскага апазыцыянэра – кіраўніка Гомельскай філіі “Руху “За свабоду” Ўладзімера Кацоры. Пра гэта стала вядома зь ліста, які прыйшоў з Жэнэвы, дзе месьціцца гэты аанаўскі камітэт.
08.01.2009 Ураду Беларусі прыдзецца адказаць, за што сядзеў дэмакрат
Камітэт ААН па правах чалавека прыняў на разгляд скаргу кіраўніка аргкамітэта зарэгістраванага Руху “За Свабоду” па Гомельскай вобласці Уладзіміра Кацоры.
05.12.2008 Скарга па зьнікламу Красоўскаму прынятая да разгляду
Упраўленне Вярхоўнага камісара па правах чалавека ААН паведаміла Ірыне і Валерыі Красоўскім аб тым, што 16 лістапада пазоў ад іх імя быў зарэгістраваны ў Камітэце па правах чалавека ААН, і яго копія была адпраўленая адказчыку – уладам Беларусі.
24.11.2008 Камітэт па правах чалавека ААН разгледзіць паведамленьне Паўла Левінава
Камітэт па правах чалавека ААН разгледзіць паведамленьне Паўла Левінава У Камітэце па правах чалавека ААН у Жэневе прынята рашэньне аб рэгістрацыі паведамленьня праваабаронцы - прадстаўніка "БХК" у Віцебскім рэгіёне Паўла Левінава. У паведамленьні праваабаронца паведаміў пра парушэньне Рэспублікай Беларусь артыкула 7, пункта 3 артыкула 9, пункта 1 артыкула 10, пунктаў 1 і 2, падпункта "b" пункта 3 артыкула 14, пунктаў 1 і 2 артыкула 19 і артыкула 26 Міжнароднага пакта аб грамадзянскіх і палітычных правах.
21.11.2008 Камітэт па правах чалавека ААН разгледзіць скаргу беларуса
Спэцыяльны дакладчык Камітэту па правах чалавеку ААН па новых паведамленьнях і тэрміновых мерах 14 лістапада 2008 году прыняла рашэньне аб рэгістрацыі скаргі Аляксандра Камароўскага. Скарга яшчэ павінна быць афіцыйна зарэгістраванай, што будзе зроблена ў самы бліжэйшы час.
