Навіны на тэму: свабода мірных сходаў
30.09.2011 Чарговага актывіста з Баранавічаў затрымалі з улёткамі пра Народны сход
Сёння ў Баранавічах за распаўсюд улётак пра маючы адбыцца 8 кастрычніка Народны сход быў затрыманы кіраўнік мясцовага аргкамітэта па падрыхтоўцы Народнага сходу Віктар Мезяк. Яго адвезьлі ў мясцовы РАУС, дзе складаюць пратакол па арт. 23. 34. КаАП РБ (парушэнне парадку арганізацыі альбо правядзення масавага мерапрыемства альбо пікетавання).
29.09.2011 У Берасьці забаранілі пікеты Віктара Чайкоўскага
Намесьнік старшыні аб’яднаньня прадпрымальнікаў «Пэрспэктыва» Віктар Чайкоўскі атрымаў адмоўны адказ з гарвыканкаму на сваю заяўку аб правядзеньні сэрыі пікетаў.
28.09.2011 Суд за Плошчу над Святаславам Барановічам (абноўлена)
У судзе Маскоўскага раёна Менска працягваецца працэс па абвінавачанні Святаслава Барановіча ва ўдзеле ў “масавых беспарадках”. Абвінавачаны зараз знаходзіцца пад падпіскай аб нявыяздзе. Суддзя абвесціла перапынак у паседжанні да 10 гадзінаў раніцы 12 кастрычніка, каб выклікаць на паседжанне ўсіх сведкаў.
27.09.2011 Бабруйская міліцыя ўзялася за «падазроных асобаў»
Бабруйчанам з грамадзянскай пазіцыяй ўчастковыя прапануюць падпісаць даволі дзіўны дакумент. Завецца ён «Пратакол афіцыйнай засцярогі аб недапушчальнасці парушэнняў парадку арганізацыі або правядзення масавага мерапрыемства або пікетавання, парушэнняў заканадаўства аб друку і іншых сродках масавай інфармацыі».
26.09.2011 У Мінску пачынаецца бестэрміновая акцыя ў падтрымку Алеся Бяляцкага
Праваабаронцы-актывісты, выпускнікі «Адукацыйнага курсу па правах чалавека» з 26 верасня абвяшчаюць бестэрміновую акцыю «Ні дня без заяўкі ў абарону Бяляцкага!».
26.09.2011 Брэсцкі гарвыканкам адмовіў у правядзенні маршу супраць гвалтоўных знікненняў
Гэта вынікае з афіцыйнага адказу, які атрымаў заяўнік акцыі, мясцовы праваабаронца Раман Кісляк.
20.09.2011 Дзьмітры Шаўчэнка галадае ў ізалятары
Гомельскі грамадзкі актывіст Дзьмітры Шаўчэнка, пакараны судом на 15 сутак адміністрацыйнага арышту за распаўсюд улётак пра маўклівую акцыю пратэсту, яшчэ ў залі суду заявіў, што пачынае галадоўку.
20.09.2011 Гомельскую актывістку прымушаюць сядзець дома 21 верасня
Да Ксеніі Яраслаўцавай 19 верасьня прыходзіў участковы міліцыянт і паведаміў, што ў сераду ўвечары да яе прыйдзе інспектар па справах непаўналетніх.
15.09.2011 Слонімскі раённы суд адмовіў грамадскаму актывісту ў скарзе на мясцовы райвыканкам
Слонімскі раённы суд пад старшынством суддзі Хамінец Таццяны адмовіў у скарзе на мясцовы райвыканкам дэмакратычнаму актывісту Івану Бедку, паведамляе "Гарадзенская вясна".
14.09.2011 Магілёў: Міліцыя ня хоча ахоўваць апазыцыйны мітынг
Упраўленьне ўнутраных спраў Магілёўскага аблвыканкаму ня хоча падпісваць дамову з арганізатарамі мітынгу, які заплянаваны на 24 верасьня. Акцыю мяркуецца правесьці пад лёзунгамі “Свабоду палітвязьням”, “Рост цэнаў”, “Спыненьне перасьледу ўдзельнікаў акцыяў пратэсту”.
13.09.2011 Арганізатары Мінскага гей-прайда падалі заяўку на шэсце
У Мінскі гарадскі выканаўчы камітэт накіравана заява на намечанае на 22 кастрычніка шэсце Мінскага гей-прайда ў падтрымку талерантнага стаўлення да гомасэксуалаў.
13.09.2011 Баранавіцкі гарвыканкам забараніў чарговы пікет
13 верасня 2011 года Баранавіцкі гарвыканкам забараніў правядзенне чарговага пікету ў падтрымку палітзняволеных грамадскаму актывісту Рыгору Грыку.
13.09.2011 Іван Бедка судзіцца са Слонімскім райвыканкамам
13 верасьня слонімскі раённы суд разгледзіць скаргу дэмакратычнага актывіста Івана Бедкі да мясцовага райвыканкама. Мясцовая раённая адміністрацыя, на думку Бедкі, неабгрунтавана двойчы забараняла яму праводзіць пікеты: у абарону палітзьняволеных і супраць зьбядненьня насельніцтва.
09.09.2011 Мазырскаму праваабаронцу не даюць правесці пікет у падтрымку Алеся Бяляцкага
Праваабаронца з Мазыра Уладзімір Целяпун 6 верасня атрымаў адмову на свой паўторны зварот у райвыканкам аб дазволе на правядзенне пікета у падтрымку Алеся Бяляцкага.
08.09.2011 Аршанская міліцыя адмовілася ахоўваць пікет у падтрымку Бяляцкага
Праваабаронцы Васіль Леўчанкаў і Васіль Берасьнеў плянавалі правесьці пікет 16 верасьня, але ім не ўдалося заключыць дамову зь міліцыяй, каб тая ахоўвала парадак падчас імпрэзы.
