Праваабарончы цэнтр «ВЯСНА»

Навіны на тэму: свабода мірных сходаў

20.10.2011 Касацыйную скаргу Фядыніча не задаволілі

Нагадаем, што ў верасні салігорскі суддзя Сяргей Самуйлік прызнаў вінаватым прафсаюзнага лідэра ў парушэнні закона аб масавых мерапрыемствах і пакараў Генадзя Фядыніча штрафам у памеры 700 тысяч беларускіх рублёў. Падставай для прысуду сталі ўлёткі з запрашэннем на Народных сход.

20.10.2011 Старшыня суда прызнала скаргу Кастуся Жукоўскага неабгрунтаванай

Старшыня суда Чыгуначнага раёна Гомеля Таццяна Адрыбец прызнала скаргу Кастуся Жукоўскага неабгрунтаванай. Нагадаем, канфлікт у судзе адбыўся 11 кастрычніка, пры разглядзе адміністрацыйнай справы ў дачыненні аднаго з арганізатараў Народнага сходу Валерыя Сляпухіна.

19.10.2011 У Бабруйску на хворую актывістку АГП капітан міліцыі склаў пратакол дома

Галіну Смірнову капітан міліцыі Аляксей Ганчароў пераследуе ўжо два дні. Актывістка АГП моцна прастудзілася і таму адмаўлялася прыйсці ў аддзяленне міліцыі. І тады міліцыянт без лішніх цырымоній проста прыйшоў да яе дахаты.

19.10.2011 Грамадскія аб'яднанні звярнуліся ў Савет Рэспублікі ў сувязі з адыёзнымі законапраектамі

19 кастрычніка ў Савет Рэспублікі перададзены калектыўны зварот, падпісаны 25 грамадскімі аб’яднаннямі і іншымі некамерцыйнымі арганізацыямі. Прадметам зварота стала занепакоенасць грамадскасці адыёзнымі законапраектамі, скіраванымі на узмацненне ціску на грамадскія арганізацыі і пашырэнне паўнамоцтваў КДБ.

19.10.2011 Прадстаўніцтва ЕС заклікала Беларусь не прымаць шэраг «рэпрэсіўных праектаў заканадаўства»

Прадстаўніцтва Еўрапейскага саюза заклікала Беларусь не прымаць шэраг «рэпрэсіўных праектаў заканадаўства» і спрыяць дзейнасці арганізацый грамадзянскай супольнасці і палітычных партый. З такой заявай яно выступіла са згоды кіраўнікоў місій краін ЕС у Мінску, паведамілі БелаПАН у прэс-службе прадстаўніцтва Еўрасаюза.

18.10.2011 Журналіста Юрыя Гуменюка турбуюць судовыя выканаўцы

У ліпені журналіст быў асуджаны да 12 сутак адміністрацыйнага арышту, а пазней заплаціў за ўтрыманне 77 тысяч беларускіх рублёў. Гэтыя грошы былі пералічаныя праз “Беларусбанк” у адведзены час. Аднак, ужо ў верасні цягам некалькіх дзён запар міліцыянты турбавалі маці журналіста: тэлефанаваннямі і нават прыходзілі дахаты.

18.10.2011 Гомельскія актывісты абскарджваюць адвольнае затрыманне

Васіль Палякоў і Леанід Судаленка звярнуліся са скаргай на імя начальніка міліцыі Цэнтральнага раёна Гомеля Віктара Афанасенкі наконт іх адвольнага затрымання ў дзень правядзення ў абласным цэнтры Народнага сходу. Праваабаронцы просяць прызнаць іх затрыманне неправамерным, якое ўшчамляе права на свабоду, недатыкальнасць і годнасць асобы, паведамляе “Гомельская вясна”.

18.10.2011 Пракуратура «умывае рукі»

Аршанская пракуратура не захацела рэагаваць на парушэнне заканадаўства, а прапанавала звярнуцца ў суд. Справа тычыцца беспаспяховай спробы аршанскіх праваабаронцаў Васіля Леўчанкава і Васіля Бераснева арганізаваць пікет у сваім горадзе. Справа гэта, як высвятляецца, вельмі няпростая і амаль безнадзейная.

18.10.2011 Савет Рэспублікі разгледзіць адыёзныя змены ў заканадаўства

Сумнавядомыя заканадаўчыя акты Праект Закона Рэспублікі Беларусь “Аб унясенні зменаў і дапаўненняў у Закон Рэспублікі Беларусь “Аб масавых мерапрыемствах у Рэспубліцы Беларусь, Праект Закона Рэспублікі Беларусь “Аб унясенні дапаўненняў і зменаў у некаторыя законы Рэспублікі Беларусь” і патрапілі ў парадак дня сёмай сесіі Савета Рэспублікі.

18.10.2011 У Мінску забаранілі шэсце гей-прайду

Мінгарвыканкам не дазволіў шэсце гей-прайду па вуліцы Акадэміка Красіна ў мікрараёне Сосны.

18.10.2011 Улады Салігорска не дазволілі пікет супраць катаванняў

Старшыня мясцовага выканкаму Аляксандар Рымашэўскі не задаволіў заяўку на правядзенне пікету супраць катаванняў, якія маюць месца ў дачыненні да лідэра “Маладога фронту” у засценках беларускай вязніцы ў апошнія месяцы. Найбольш абуральным стаў нават не сам факт адмовы, але ж яе форма. А менавіта -- адсутнаць матываванага адказу па сутнасці.

17.10.2011 Рыгору Грыку зноў адмоўлена ў пікеце

Баранавіцкаму грамадскаму актывісту Рыгору Грыку гарвыканкам адмовіў у правядзенні пікету "За жыццё без хлусні і падману”, нягледзячы на выкананне ўсіх умоў, якія патрабуе гарвыканкам. Прычынай адмовы паслужыла, на думку чыноўнікаў, тое, што мэта пікету - пратэст супраць росту цэнаў і ўсеагульна збяднення народа – не адпавядае рэчаіснасці.

14.10.2011 Суд не задаволіў скаргу віцебскіх актывістаў

Суддзя Чыгуначнага райсуду Алена Грабянчук адхіліла скаргу Аляксея Гаўруцікава — даверанай асобы Мікалая Статкевіча ў часе мінулай прэзідэнцкай кампаніі, кіраўніка абласной арганізацыі руху “За Свабоду!” Хрыстафора Жаляпава і сябра КХП БНФ Яна Дзяржаўцава.

13.10.2011 У Віцебску распачаўся новы суд за права на пікеты і мітынгі

Кіраўнік абласной арганізацыі руху “За свабоду” Хрыстафор Жаляпаў, сябар КХП БНФ Ян Дзяржаўцаў і давераная асоба Мікалая Статкевіча на мінулых прэзідэнцкіх выбарах, юрыст Аляксей Гаўруцікаў імкнуцца праз суд давесці сваё права на правядзенне масавых акцый.