Навіны на тэму: свабода мірных сходаў
05.12.2011 Магілёў: падпалкоўнік Паркаў праявіў двайную некампетэнтнасць
Першы раз на старонках газеты “Веснік Магілёва” ў артыкуле “Массовые меропритяи: новые акценты в законе” ён адзначыў, што месцаў для правядзення масавых мерапрыемстваў у горадзе два (калі яно толькі адно). А калі ў наступным нумары выйшла ўдакладненне яго словаў, высветлілася, што ён недакладна назваў і назву гэтага адзінага месца.
03.12.2011 У Дзень правоў чалавека ў Брэсце плануецца пікет і мітынг
З ініцыятывай правесці 10 снежня пікет салідарнасці з палітычнымі вязнямі выступілі мясцовыя прадстаўнікі ПЦ “Вясна”. Паводле аднаго з арганізатараў акцыі Уладзіміра Вялічкіна, заяўка ўжо пададзена ў Брэсцкі гарвыканкам, прычым месцам правядзення ў ёй пазначана дазволеная пляцоўка ў парку воінаў-інтэрнацыяналістаў. Актывістка Зінаіда Міхнюк пацвердзіла, што заяўка на мітынг у тым жа месцы ўжо таксама пададзена.
02.12.2011 У Магілёве міліцэйскі чыноўнік праявіў некампетэнтнасць
У інтэрв’ю газеце “Веснік Магілёва” падпалкоўнік міліцыі Дзмітрый Паркаў адзначыў, што ў горадзе ёсць два месцы для правядзення масавых мерапрыемстваў: стадыён па вуліцы Чалюскінцаў, 64 В і пляцоўка каля палаца культуры завода Кірава. Да гэтай заявы падпалкоўніка было вядома толькі адно з гэтых месцаў.
02.12.2011 Брэсцкі абласны суд не задаволіў скаргу Зінаіды Міхнюк
Аднак яна гатовая звяртацца ў вышэйшыя судовыя інстанцыі. “Для мяне гэта – справа гонару, бо я займаюся грамадскай і прафсаюзай дзейнасцю, шмат хто мяне ведае ў родным горадзе, і таму абвінавачванне ў лаянцы проста зневажае мяне як асобу”, - заявіла Зінаіда Міхнюк.
02.12.2011 Брэсцкі абласны суд не апраўдаў Віктара Сырыцу
1 снежня абласны суд горада Брэста адхіліў скаргу Віктара Сырыцы, сакратара мясцовага сходу гараджанаў, на рашэнне суда Баранавіцкага раёна і горада Баранавічы пра штраф за правядзенне сходу 8 кастрычніка.
02.12.2011 У Магілёве з’явілася другое месца для правядзення масавых мерапрыемстваў?
Пра гэта праваабаронцы дазналіся выпадкова, з № 99 газеты “Веснік Магілёва” ад 30 лістапада. Новае месца для правядзення такіх мерапрыемстваў знаходзіцца на пляцоўцы каля палаца культуры завода імя Кірава. Тым часам на сайце гарвыканкама адпаведнага рашэння няма.
01.12.2011 Наваполацк: Чатыры адмовы на правядзенне аднаго пікету
Сябрам Беларускага незалежнага прафсаюза, рабочым ААТ «Нафтан», у чацвёрты раз адмовілі ў правядзенні пікету. Мэтай пікету было інфармаванне жыхароў Наваполацка пра адмову кіраўніцтва прадпрыемства заключыць калектыўны дагавор з Незалежным прафсаюзам.
01.12.2011 За кастрычніцкі Народны сход будуць судзіць яшчэ і ў снежні
Распачаты 30 лістапада суд над віцебскімі актывісткамі Ірынай Яскевіч і Тацянай Севярынец працягнецца 6 снежня. Арганізатаркі Народнага сходу запатрабавалі ў сведкі супрацоўнікаў міліцыі і старшыню гарвыканкама.
01.12.2011 Брэсцкая міліцыя зацікавалася малітвамі за Беларусь
У актывіста БХД Зміцера Шурхая міліцыянты дапытваліся, каму належыць ініцыятыва ладзіць такія сустрэчы, якім чынам распаўсюджваецца інфармацыя пра месца і час спатканняў. Акрамя Шурхая ў міліцыю выкліканыя таксама іншыя асобы, чые дадзеныя трапілі ў міліцыю.
01.12.2011 Гомельскія актывісты абскарджваюць штрафы і суткі за Народны сход
Гомельскія актывісты, пакараныя штрафамі і адміністратыўнымі арыштамі за арганізацыю і ўдзел у Народным сходзе, абскарджваюць пастановы раённых судоў у вышэйстаячых інстанцыях. Скаргі застаюцца без задавальнення.
01.12.2011 Рашэнне Аршанскага ГАУС аб адмове ў ахове пікету ў абарону Алеся Бяляцкага абскарджана
Праваабаронцы Васіль Леўчанкаў і Васіль Бераснеў накіравалі скаргі ў Міністэрства ўнутраных спраў Беларусі і Пракуратуру Віцебскай вобласці. Яны заяўляюць аб парушэнні свайго права на свабоду пікетавання, гарантаванага артыкулам 35 Канстытуцыі Рэспублікі Беларусь. Нагадаем, мясцовая міліцыя матывавала адмову занятасцю супрацоўнікаў у ахове моладзевых дыскатэк.
30.11.2011 Мазырская вертыкаль “вправе…, но не обязана…” выконваць Асноўны Закон Рэспублікі Беларусь!
Для Мазырскага райвыканкама і рэкамендацыі вышэйстаячага органа, Гомельскага аблвыканкама, з’яўляюцца не абавязковымі для выканання.
28.11.2011 Крупкі: за паказаннямі сведкі мінскія міліцыянты прыйшлі ў нядзельны вечар
У Крупках да Аляксандра Бандарэнкі ў мінулую нядзелю ўвечары каля паловы на восьмую завіталі два супрацоўнікі міліцыі, каб «узяць сведкавыя паказанні». Ён быў сведкам масавага затрымання менскім АМАПам крупскіх мужчын у кафэ «Дарожнае» у ноч з 19 на 20 лістапада.
28.11.2011 З гомельскіх удзельнікаў Народнага сходу дзяржава спаганяе амаль 4,5 мільёны рублёў
Агулам за дзень судовых паседжанняў дзяржава спаганяе з удзельнікаў Народнага сходу ў Гомелі амаль 4,5 мільёна рублёў – на такую суму атрымалі штрафаў пяць жыхароў абласнога цэнтру. Самы буйны штраф – 1 мільён 750 тысяч рублёў - атрымаў Дзмітрый Карашкоў.
28.11.2011 У Віцебскім абласным судзе разглядалі скаргу пра забарону пікетаў
Паводле судовага рашэння, тром віцебскім актывістам, якім на працягу году не дазволілі правесці ніводнага пікету, адміністрацыя Чыгуначнага раёну адмаўляла на законных падставах, што і пацвердзіў 14 кастрычніка Чыгуначны райсуд. Абскардзіць гэта не ўдалося. Але судовая калегія падкрэсліла, што новы закон пра масавыя мерапрыемствы можа паспрыяць у вырашэнні праблем з аховай пікетаў і абслугоўваннем міліцыяй і ЖКГ.
