Навіны на тэму: свабода мірных сходаў
16.12.2011 Абласная пракуратура папярэджвае віцебскіх актывістаў
На афіцыйную размову наконт недапушчальнасці правядзення акцый 19 снежня выкліканы Хрыстафор Жаляпаў, Аляксей Гаўруцікаў і Ян Дзяржаўцаў, якія падавалі ў гарвыканкам заяўкі на правядзенне шэсця і сходу да ўгодкаў Плошчы.
16.12.2011 Магіляўчанка дамаглася ў Вярхоўным судзе адмены пастановы пра арышт за ліпеньскую “маўклівую” акцыю
Старшыня Вярхоўнага суда Валянцін Сукала адмяніў пастанову суда Першамайскага раёна Менска, падтрыманую Менскім гарадскім судом, паводле якой 27-гадовая жыхарка Магілёва Юлія Гарачанкова ў ліпені адбывала адміністратыўны арышт тэрмінам у 5 сутак за “нецэнзурную лаянку ў грамадскім месцы”.
09.12.2011 Брэсцкія актывісты судзяцца за свабоду мірных сходаў
Старшыня Брэсцкага абласнога аддзялення Свабоднага прафсаюза Беларускага Валянцін Лазарэнкаў разам з іншымі актывістамі СПБ накіраваў скаргу ў абласны суд, спрабуючы давесці, што мясцовы гарвыканкам прымае рашэнні, якія фактычна немагчыма выканаць.
09.12.2011 У Міжнародны дзень правоў чалавека ў Брэсце не будзе ні пікета, ні мітынга
Брэсцкі гарвыканкам адмовіў у правядзенні 10 снежня ў парку воінаў-інтэрнацыяналістаў пікета, заяўку на які падаваў каардынатар Праваабарончага цэнтра "Вясна" у рэгіёне Уладзімір Вялічкін.Нагадаем, што адмову ў правядзенні мітынгу ў гэты дзень атрымала і Зінаіда Міхнюк.
08.12.2011 У Гомелі таксама забаранілі правядзенне пікета дзень правоў чалавека
Гомельскі гарвыканкам адмовіў мясцовым праваабаронцам Анатолю Паплаўнаму і Леаніду Судаленка у правядзенні пікета, якія яны планавалі правесці 10 снежня у день правоў чалавека на адной з цэнтральных плошчаў абласнога цэнтру.
07.12.2011 Брэсцкія ўлады забаранілі мітынг у Міжнародны дзень правоў чалавека
Як паведаміла Зінаіда Міхнюк, якая накіроўвала ў мясцовы гарвывканкам заяўку на гэтае мерапрыемства, увечары 6 снежня яна атрымала па пошце адказ, дзе гаворыцца, што ладзіць мітынг у парку воінаў-інтэрнацыяналістаў у вызначаны час забаронена, бо ў гэты дзень там будуць адбывацца “траурныя мерапрыемствы” з удзелам дэлегацыі з Ніжагародскай вобласці Расіі.
07.12.2011 Бабруйск: Судовае пасяджэнне не адбылося
7 снежня мусіла адбыцца другое пасяджэнне па справе “Маладых дэмакратаў” Алены і Дзмітрыя Тоўсцікаў, Марыны Івановай і Арцёма Мархасёва за запаленыя на Дзяды свечкі. Але суд не адбыўся, бо на яго з’явіўся толькі адзін з чацвёркі.
06.12.2011 У Віцебску суд за Народны сход скончыўся штрафамі
Ірыне Яскевіч прысуджаны штраф памерам 770 тысяч рублёў. Таццяна Севярынец, з улікам таго, што прыцягваецца да адказнасці за падобнае правапарушэнне ўжо паўторна, штраф прысуджаны большы – 875 тысяч рублёў. Абедзьве спадарыні з пастановай суду не згодныя і збіраюцца абскардзіць яе ў Віцебскім абласным судзе.
06.12.2011 Брэст: суддзя патлумачыў, чаму справы разглядаюцца ў закрытым рэжыме
“Судовае паседжанне можа быць настолькі адкрытым, наколькі ў памяшканні хапае крэслаў” – такі адказ на сваю скаргу, накіраваную ў суд Ленінскага раёна Брэста, атрымалі мясцовыя праваабаронцы і актывісты грамадскіх арганіцый.
06.12.2011 Барысаў: Пікет у Дзень правоў чалавека забаронены
У Барысаве праваабаронцы Алег Мацкевіч і Марына Статкевіч 5 снежня атрымалі ад райвыканкама адмову ў правядзенні пікету, прымеркаванага да 63-яй гадавіны прыняцця Усеагульнай дэкларацыі правоў чалавека ААН. Прычына адмовы чыноўнікаў – фармальная адпіска.
06.12.2011 Магілёўскі абласны суд не апраўдаў удзельніка Народнага сходу
6 снежня Магілёўскі абласны суд разгледзеў скаргу кіраўніка абласной арганізацыі АГП Уладзіміра Шанцава. Палітык абскарджваў рашэнне Ленінскага раённага суду аб вынясенні яму штрафу ў памеры 1,4 мільёны рублёў за арганізацыю Народнага сходу ў Магілёве 8 кастрычніка.
06.12.2011 У Брэсце зноў абскарждваюць рашэнне пра забарону пікетаў
У Брэсцкі абласны суд накіравана скарга грамадскіх актывістаў, якія спрабуюць аспрэчыць адмову ўладаў абласнога цэнтру, якія не далі дазвол на правядзенне пікетаў у падтрымку патізняволеных.
06.12.2011 У Маладэчне забаранілі пікет да Дня правоў чалавека
Райвыканкам думаў 10 дзён і, напэўна, не прыдумаў істотнай прычыны для адмовы, таму абмежаваўся шматсэнсоўнай фармулёўкай аб невыкананні закону. Што гэта значыць і якія менавіта патрабаванні закону праваабаронцы Эдуард Баланчук і Алесь Капуцкі не выканалі ўжо на этапе падачы заявы – застаецца толькі здагадвацца.
05.12.2011 Пратакол на Уладзіміра Няпомняшчых суд накіраваў на дапрацоўку
5 снежня суддзя Цэнтральнага раёна Гомеля Алена Цалкова разгледзела паўторна адміністратыўны пратакол па арт. 17.1 КаАП (дробнае хуліганства), складзены ў дачыненні актывіста АГП Уладзіміра Няпомняшчых.
05.12.2011 Першая адмова новага кіраўніка раённай адміністрацыі
Юры Панфілаў, старшыня Чыгуначнай раённай адміністрацыі Віцебска, забараніў праводзіць пікет да ўгодкаў Усеагульнай Дэкларацыі правоў чалавека 10 снежня. Гэта быў перашы зварот да чыноўніка, нядаўна прызначанага на гэтую пасаду, з боку віцебскіх дэмакратычных актывістаў.
