Навіны на тэму: свабода мірных сходаў
15.06.2012 Уладзімір Вялічкін працягвае судзіцца за забарону пікету ў падтрымку Алеся Бяляцкага
Праваабаронца звярнуўся да старшыні Берасцейскага абласнога суда з просьбай апратэставаць судовыя пастановы па яго грамадзянскай справе: раённы і абласны суды не задаволілі яго пазовы да гарвыканкама, які адмовіў ў правядзенні пікету супраць асуджэння кіраўніка Праваабарончага цэнтра “Вясна” і віцэ-прэзідэнта Міжнароднай федэрацыі за правы чалавека Алеся Бяляцкага.
13.06.2012 Гародня: як звычайна суд на баку гарвыканкаму
Суддзя Ленінскага раённага суду Гародні Ала Баўсук за паўгадзіны разгледзела скаргу актывіста АГП на забарону пікету і не задаволіла яе. Падчас працэсу суддзя таксама не задаволіла хадайніцтва актывіста, які спрабаваў заявіць сваёй прадстаўніцай на судзе Аляксандру Васілевіч.
11.06.2012 Гародня: чарговыя суды супраць гарвыканкаму
Заўтра, 12 чэрвеня, у судзе Ленінскага раёну Гародні ў 15:30 пачнецца разгляд позвы актывіста Аб’яднанай Грамадзянскай Партыі Сяргея Ліса да гарвыканкаму на прадмет забароны пікету. Справу будзе разглядаць суддзя Ала Баўсук.
08.06.2012 Гомельскаму актывісту не ўдалося дамагчыся кампенсацыі маральнай шкоды (відэа)
Гомельскі пенсіянер МУС, сябра АГП і Руху «За свабоду» Уладзімір Няпомняшчых упэўнены, што калі б ён змог адсудзіць хоць невялікую суму за нанесеную яму маральную шкоду, то ўся наша карная сістэма развалілася б, як картачны домік.
08.06.2012 Барысаў: 6 ліпеня адбудзецца суд па пазове актывіста АГП супраць райвыканкама
Паседжанне па пазове аб неправамернасці забароны на правядзенне пікету «За сумленныя выбары супраць Лукашэнкі» пройдзе 6 ліпеня у 16.00 пад старшынствам суддзі Барысаўскага раённага суду Наталлі Селавец. Пазоў падаваў старшыня Барысаўскай гарадской арганізацыі АГП Міхаіл Васільеў.
07.06.2012 Эдвард Дмухоўскі – штраф 45 базавых велічынь
Сама вялікі штраф з затрыманых на пікеце 1 чэрвеня прысудзілі журналістцы Гражыне Шалкевіч – 50 базавых велічынь. Сёння павінны судзіць яшчэ віцэ-старшыню Саюзу палякаў Рэнату Дземянчук і актывіста СПБ Марака Занеўскага.
07.06.2012 Баранавіцкі актывіст – за паслядоўнасць у выкананні законаў
Рыгор Грык накіраваў пісьмовыя заявы ў Следчы камітэт, Міністэрства ўнутраных спраў і Генеральнаму пракурору краіны, дзе паведамляе, што 22 мая суд Савецкага раёна Мінска падчас разгляду іска Марыны Цыбліенкі да апазыцыйнага палітыка Віктара Івашкевіча пікетавалі 25 прадстаўнікоў афіцыйнай Фэдэрацыі прафсаюзаў Беларускай, а таксама актывісты БРСМ.
06.06.2012 У Гародні зноў запрацаваў судовы канвеер
Першай была асуджана журналістка Гражына Шалкевіч – сумнавядомая суддзя Наталля Козел аштрафавала яе на 50 базавых велічынь (на сёння гэта 5 мільёнаў рублеў) за нібыта ўдзел у несанкцыянаванай акцыі. Сёння разглядаюцца справы яшчэ 7 чалавек, у тым ліку грамадскага актывіста Эдварда Дмухоўскага і журналісткі-аператаркі Юліі Каляды.
06.06.2012 Барысаў: актывіст АГП падаў у суд на Барысаўскі райвыканкам
Старшыня Барысаўскай гарадской арганізацыі Аб'яднанай грамадзянскай партыі Міхаіл Васільеў падаў пазоў у суд на Барысаўскі райвыканкам у сувязі з забаронай на правядзенне пікетаў “За сумленныя выбары без Лукашэнкі”. У Барысаве падавалася 4 заяўкі на правядзенне 15 мая пікетаў, і на ўсе атрыманыя адмовы.
06.06.2012 У Маларыце ўлады забаранілі пікет і пацікавіліся крыніцамі яго фінансавання (дакумент)
Праваабаронца Уладзімір Малей, які падаваў у Маларыцкі райвыканкам заяву на правядзенне на гэтым тыдні пікета “За сумленныя выбары без Лукашэнкі”, атрымаў адмоўны адказ ад уладаў. У лісце за подпісам намесніка старшыні райвыканкаму Вадзіма Шпетнага гаворыцца, што “у заяве неабходна указаць крыніцу фінансавання масавага мерапрыемства”.
05.06.2012 Гомельскі абласны суд не задаволіў скаргу Уладзіміра Няпомняшчых
Гомельскі абласны суд 5 чэрвеня разгледзеў скаргу сябра АГП і Руху «За свабоду!», пенсіянера МУС Уладзіміра Няпомняшчых на рашэнне суда Цэнтральнага раёна Гомеля. Пастанову раённага суда абласная інстанцыя пакінула без зменаў, а скаргу – без задавальнення.
04.06.2012 У Гомелі збор подпісаў прыраўнялі да масавага мерапрыемства?
«Да мяне падышоў невядомы мужчына ў цывільным, прыстойна апрануты і па выглядзе нейкі чыноўнік. Ён пачаў мне пагражаць – маўляў, тут нельга збіраць подпісы, бо зараз, па яго словах, збор подпісаў прыраўнялі да пікету. Ён дадаў, што я павінна была атрымаць дазвол на збор подпісаў у ідэалагічным аддзеле гарвыканкаму».
04.06.2012 Скаргу наконт забароненага пікета ў Брэсце не задаволілі
4 чэрвеня Брэсцкі абласны суд разгледзеў касацыйную скаргу актывіста Беларускай партыі левых “Справядлівы свет” і сябра прафсаюза работнікаў радыёэлектроннай прамысловасці Аляксандра Дзенісенкі на рашэнне суда Ленінскага раёна абласнога цэнтра.
04.06.2012 Баранавіцкая міліцыя не ведае рашэння выканкаму аб масавых мерапрыемствах
Рыгор Грык не можа заключыць дамову з гарадскім аддзелам міліцыі па ахове грамадскага парадку падчас правядзення масавага мерапрыемства. Намеснік начальніка аддзела ГАУС падпалкоўнік Трафімаў А.А. паведаміў грамадскаму актывісту, што калі гарвыканкам дазволіць правядзенне пікета, тады і, маўляў, заключым дамову па ахове грамадскага парадку.
01.06.2012 У Гародні пачаліся суды над удзельнікамі пікету
У Гародні сёння, у дзень адкрыцця фестывалю нацыянальных культур, міліцыя затрымала 21 чалавека – удзельнікаў пікету ў абарону польскамоўнага навучання ў сярэдняй школе №36. Пры разгоне акцыі і затрыманні міліцыянты паводзілі сябе досыць брутальна. На большасць затрыманых склалі пратаколы пра адміністрацыйныя правапарушэнні. На некаторых складзена нават па два.
