Навіны на тэму: свабода мірных сходаў
12.03.2013 Віцебскія актывісты судзяцца з медыкамі за Дзень Волі
Галоўурач цэнтральнай гарадской паліклінікі адмовіўся заключыць дамовы з заяўнікамі мітынгаў, якія плануецца правесці 25 сакавіка. Кіраўнік абласной структуры руху "За свабоду" Хрыстафор Жаляпаў вырашыў звярнуцца ў суд, каб медыкаў абавязалі падпісаць дамову. 12 сакавіка адбыліся папярэднія слуханні ў Кастрычніцкім райсудзе Віцебску.
11.03.2013 Магілёўцы падалі ў гарвыканкам заяўку на святкаванне 95-х угодкаў абвяшчэння БНР
“Гэтым разам мы выбралі іншы фармат правядзення мерапрыемства. Мы хочам зладзіць у цэнтры горада сапраўдныя гулянні з песнямі, пляскамі і чытаннямі вершаў. Хочам, каб мясцовыя чыноўнікі пайшлі нам насустрач і далучыліся да нашай ініцыятывы”.
11.03.2013 Віцебск: чарговая забарона масавага мерапрыемства
Адмову ў правядзенні вулічнага шэсця ў гонар 150-х угодкаў паўстання К.Каліноўскага атрымаў ініцыятар мерапрыемства, сябар КХП БНФ Ян Дзяржаўцаў. "У лісце з гарвыканкаму фактычна пацверджана тое, у чым віцебскія актывісты пераконваюцца раз за разам: правядзенне нашых акцый будзе забаронена любым коштам".
08.03.2013 Баранавічы: пададзена заяўка на правядзенне пікета з нагоды 95-х угодкаў БНР
Мэта пікета – праінфармаваць грамадзян горада Баранавічы, што 25 сакавіка 1918 года беларусы самі стварылі і абвясцілі незалежнасць сваёй дзяржавы, а таксама нагадаць жыхарам горада, што БНР – гэта той дзяржаўны падмурак, на якім выраслі БССР і цяперашняя Беларусь.
07.03.2013 Дзень Волі ў Віцебску пад пагрозай з-за “сезонных захворванняў”
Управа МУС і паліклініка адмовілі абодвум арганізатарам, назваўшы аднолькавыя аргументы. Медыкі спаслаліся на тое, што ўсе брыгады "хуткай дапамогі" занятыя ў сувязі з пікам сезонных захворванняў. І з міліцыі прыйшоў адказ, што дамова будзе заключана толькі ў тым выпадку, калі мерапрыемства дазволіць раённая адміністрацыя.
06.03.2013 Кіраўнік руху "За Свабоду" у Віцебскай вобласці патрабуе, каб міліцыя выконвала заканадаўства
Хрыстафор Жаляпаў атрымаў з Віцебскай абласной управы МУС адмову ад заключэння дамовы на ахову правапарадку падчас акцыі на Дзень Волі. Ен лічыць гэтую адмову незаконнай, а таму звярнуўся са скаргай у Міністэрства ўнутраных спраў.
06.03.2013 У Віцебску пададзеная заяўка на акцыю ў гонар Кастуся Каліноўскага. Адказу ўладаў няма
Сябар Кансэрватыўна-хрысціянскай партыі БНФ Ян Дзяржаўцаў падаў у Віцебскі гарвыканкам заяўку на правядзенне 10 сакавіка вулічнага шэсця, каб публічна адзначыць 150-я ўгодкі паўстання пад кіраўніцтвам Кастуся Каліноўскага.
05.03.2013 Віцебскія актывісты праз суд дамагаюцца выканання ўмовы атрымання дазволу на мітынг
Заява ў Кастрычніцкі суд была напісана з тае нагоды, што Віцебская гарадская паліклініка адмовілася заключыць дамову на абслугоўванне масавага мерапрыемства – мітынгу да дня Волі.
04.03.2013 Салігорск: Пададзеная заяўка на правядзенне пікету з нагоды Дня Волі
Грамадскія актывісты Салігорску падалі ў мясцовы выканкам заяўку на правядзенне пікету, прымеркаванага да чарговых угодкаў Дня Волі.
28.02.2013 У Слуцку футбольных фанатаў збіраюцца прыцягнуць да адміністрацыйнай адказнасці за шэсце з плакатам «23 февраля – не повод бухать»
Як паведамляе сайт рэгіянальнай газеты «Інфа-Кур'ер» (kurjer.info), чытачы выдання 23 лютага каля 14 гадзін у цэнтры горада, каля аптэкі № 80 бачылі, як міліцыя «шчыміла» групу маладых хлопцаў з плакатам.
27.02.2013 Камітэт па правах чалавека ААН зарэгістраваў скаргу жлобінскіх сябраў “Справядлівага света”
Камітэт па правах чалавека ААН зарэгістраваў адну са скаргаў сябраў партыі левых “Справядлівы свет” са Жлобіна на забарону правядлення пікетаў у 2012 годзе мясцовым райвыканкамам. Пра гэта паведаміў кіраўнік раённай партыі “Справядлівы свет” Валеры Рыбчанка.
27.02.2013 Салігорскія ўлады забаранілі пікет па збору подпісаў за новую паліклініку
Галоўны ідэолаг Салігорскага райвыканкаму Мікалай Маскевіч забараніў правядзенне пікету у падтрымку будаўніцтва новай гарадской паліклінікі. Адпаведную заяву 8-га лютага накіравалі мясцовым уладам грамадскія актывісты Салігорска.
26.02.2013 Гэнік Лойка пасьля арышту: буду далей бараніць мову
Зь менскай турмы на Акрэсьціна пасьля 5-сутачнага арышту выйшаў скульптар Гэнік Лойка. Яго пакаралі за акцыю ў дзень роднай мовы каля гімназіі нумар 4.
25.02.2013 Дзень Волі пад знакам вызвалення палітычных вязняў
Дзень Волі, які сёлета плануецца адзначыць 24 сакавіка, пройдзе пад знакам 95-ці гадовага юбілею ўтварэння Беларускай Народнай Рэспублікі, 150 год год паўстання Катуся Калінлўскага і безумоўнага вызвалення ўсіх палітвязняў.
25.02.2013 Ян Дзяржаўцаў – супраць невыканальнага рашэння Віцебскага гарвыканкаму
Ян Дзяржаўцаў мяркуе, што рашэнне гарвыканкаму № 881 павінны выконваць не толькі грамадзяне, якія хочуць зладзіць масавае мерапрыемства, але і ўстановы, пералічаныя ў гэтым рашэнні. Таму неабходна ці то абавязаць іх да заключэння дамоваў, ці то ўдасканаліць само рашэнне гарвыканкаму, змест якога выклікае супярэчнасці.
