Навіны на тэму: свабода мірных сходаў
22.05.2013 Баранавіцкі райвыканкам другі раз забараніў Мілавідскі фэст
Баранавіцкі райвыканкам другі раз забараніў Мілавідскі фэст, прысвечаны 150-м угодкам Мілавідскай бітвы 1863 года. Раней мы паведамлялі, што культурна-асветніцкае мерапрыемства было запланавана грамадскасцю горада і раёна першапачаткова на 2 чэрвеня, але райвыканкам забараніў яго правядзенне.
20.05.2013 Салігорск: Забарону пікету да Дня Волі абскарджваюць у абласным судзе
На пачатку траўня суд Салігорскага раёна не задаволіў скаргу актывіста на рашэнне мясцовых чыноўнікаў аб забароне пікета. Некалькі дзён назад Уладзімір Шыла атрымаў матывацыйную частку да гэтага рашэння ды адразу ўзяўся за падрыхтоўку касацыйнай скаргі.
16.05.2013 Суд за "чарнобыльскі пікет" у Віцебску – 17 траўня
Так супала, што ў той самы дзень і час, у 15.00 у Кастрычніцкім райсудзе распачнецца працэс над яшчэ двума віцебскімі актывістамі. Выкліканых да суддзі Алены Простас сябраў Партыі БНФ Леаніда Аўтухова і Кастуся Смолікава будуць судзіць паводле абвінавачання ў парушэнні Закону аб СМІ.
08.05.2013 Салігорскі суд не задаволіў скаргу на забарону пікету да Дня Волі
Суд Салігорскага раёна не задаволіў скаргу грамадскага актывіста Уладзіміра Шылы на забарону пікета да Дня Волі. Справу разгладала намесніца старшыні суда Ала Трафімчук.
06.05.2013 Баранавіцкі райвыканкам забараніў Мілавідскі фэст, прысвечаны 150-м угодкам Мілавідскай бітвы
Баранавіцкі райвыканкам забараніў Мілавідскі фэст, запланаваны грамадскасцю горада і раёна на 2 чэрвеня 2013 года і прысвечаны 150-м угодкам Мілавідскай бітвы 1863 года.
03.05.2013 Брэст: забаронены пікеты, прысвечаныя Юрыю Захаранку
Мясцовыя актывісты Аб’яднанай грамадзянскай партыі перадалі ў гарвыканкам 12 заявак, каб правесці 7 мая на розных пляцоўках Брэста пікетаванне і ўзгадаць пра лёс былога міністра ўнутраных спраў і палітыка Юрыя Захаранкі, які знік пры загадкавых абставінах 7 мая 1999 года.
01.05.2013 Брэст: першамайская дэманстрацыя дазволена ўпершыню за апошнія 11 гадоў (фота)
Упершыню ад 2002-га году ў Брэсце адбылася дазволеная ўладамі першамайская дэманстрацыя, якую ладзілі прадстаўнікі дэмакратычных сіл. Арганізатарамі акцыі былі напярэдадні заключаны дамовы з органамі унутраных спраў, установай аховы здароўя і камунальнымі службамі, што з’яўлялася патрабаваннем гарвыканкаму для дазволу мерапрыемства.
01.05.2013 Віцебская міліцыя перадае пратакол за “чарнобыльскі” пікет у Кастрычніцкі райсуд
На сябра КХП БНФ Яна Дзяржаўцава 30 красавіка складзены пратакол пра парушэнне заканадаўства аб масавых мерапрыемствах. Міліцыянты выклікалі яго ў Кастрычніцкі РАУС, каб зафіксаваць правапарушэнне, якога яны на свае вочы не бачылі – пратакол складзены на падставе здымкаў, выкладзеных у інтэрнэце.
30.04.2013 Брэст: шэсце на Першамай дазволена ўладамі
Сацыял-дэмакраты Брэста атрымалі дазвол ад мясцовых уладаў на правядзенне Першамайскага шэсця. Арганізатары заключылі дамовы з міліцыяй, камунальшчыкамі, медработнікамі і данеслі гэтыя дамовы ў Брэсцкі гарвыканкам.
30.04.2013 FIDH і “Вясна” патрабуюць зняцця абвінавачванняў супраць актывістаў і журналістаў, асуджаных пасля “Чарнобыльскага шляху”
FIDH і ПЦ “Вясна” патрабуюць зняцця абвінавачванняў супраць шасці чалавек, у тым ліку двух журналістаў, аднаго праваабаронцы і аднаго актывіста, у сувязі з штогадовай мемарыяльнай акцыяй да ўгодкаў аварыі на Чарнобыльскай АЭС.
30.04.2013 Менскія ўлады не дазволілі мітынг на 1 мая
Мінгарвыканкам не дазволіў Беларускаму кангрэсу дэмакратычных прафсаюзаў (БКДП) правесці 1 мая мітынг у абарону правоў працоўных.
29.04.2013 Салігорск: Прызанчана дата судовага паседжання па забароне пікету да Дня Волі
Суд Салігорскага раёна прызначыў дату паседжання па скарзе мясцовага грамадскага актывіста Уладзіміра Шылы на забарону Салігорскім выканкамам пікету да Дня Волі. Разглядаць справу будзе намесніца старшыні суда Салігорскага раёна суддзя Ала Трафімчкук.
26.04.2013 Магілёўскіх студэнтаў папярэдзілі аб недапушчальнасці ўдзелу ў “Чарнобыльскім шляху”
Сёння, 26 красавіка, студэнтаў Беларуска-Расійскага ўніверсітэта старасты груп папярэдзілі аб недапушчальнасці ўдзелу ў несанкцыяваных масавых мерапрыемствах. Калі студэнты будуць прымаць удзел у рознага кшталту шэсцях, мітынгах ці дэманстрацыях, то ў іх будуць вялікія праблемы з вучобай.
25.04.2013 Магілёўскім актывістам АГП адмоўлена ў правядзенні пікета памяці генерала Захаранкі
Афіцыйна магілёўскі гарвыканкам патлумачыў адмову ў правядзенні масавага мерапрыемства тым, што заяўка пададзена на нявызначанае ўладамі месца. Актывісты АГП хацелі правесці пікет у цэнтры горада каля будынка Магілёўскага абласнога дыягнастычнага цэнтра 7-га траўня.
22.04.2013 У Віцебску забаранілі дзве акцыі да ўгодкаў аварыі ў Чарнобылі
Усяго падаваліся 3 заяўкі. Актывісты атрымалі 2 адмовы, а па трэцяй заяве няма нават адказу, хаця яго мусілі даць не пазней як за 5 дзён да меркаванай акцыі. Афіцыйная прычына – адсутнасць дамоваў з медыкамі і міліцыяй на абслугоўванне акцыі. Дамову ўдалося заключыць толькі з камунальнікамі.
