Навіны на тэму: свабода мірных сходаў
03.02.2014 У Глыбокім збіраюцца адзначыць Дзень Канстытуцыі правядзеннем пікета
Заяўнікі – мясцовыя актывісты Яраслаў Берніковіч і Зміцер Лупач, якія вырашылі балатавацца ў абласны і раённы саветы на сёлетніх выбарах – звярнуліся ў Глыбоцкі райвыканкам, каб правесці акцыю 15 сакавіка. Адначасова даслалі лісты да медыкаў, міліцыі і службы ЖКГ, каб заключыць дамовы на абслугоўванне масавага мерапрыемства.
02.02.2014 Гомель: Уладзімір Сякерка дабіваецца адказу на пытанне: ці быў санкцыянаваны мітынг праўладных камуністаў і БРСМ
2 лютага старшыня Гомельскай абласной арганізацыі партыі левых «Справядлівы свет» Уладзімір Сякерка накіраваў электронны зварот старшыні Гомельскага гарвыканкаму Пятру Кірычэнка. Лідара мясцовых лідараў абурыла, што ён не атрымаў з гарвыканкаму адказу на свой зварот.
30.01.2014 У Баранавічах прапануюць змены па дэмакратызацыі рашэння аб масавых мерапрыемствах
Праваабаронцы і грамадскія актывісты Сяргей Гоўша, Віктар Сырыца, Вячаслаў Болбат, Віктар Мезяк, Мікалай Чарнавус, Рыгор Грык і Анжаліка Камбалава звярнуліся да новага старшыні Баранавіцкага гарвыканкама Юрыя Грамакоўскага з прапановамі аб дэмакратызацыі рашэння аб масавых мерапрыемствах.
29.01.2014 У Віцебску забаранілі пікет да Дня Канстытуцыі
Імпрэзу замаўлялі Аляксей Гаўруцікаў і Хрыстафор Жаляпаў. Абодва актывісты 15 сакавіка хацелі прыцягнуць увагу землякоў да абароны правоў, зафіксаваных у Канстытуцыі Рэспублікі Беларусь. Адказам на заяўку ў Першамайскую раённую адміністрацыю стала адмова.
29.01.2014 Баранавічы: прафсаюзны актывіст скардзіцца пракурору на незаконныя дзеянні гарвыканкама
Прафсаюзны актывіст Рыгор Грык 28 студзеня падаў скаргу ў Баранавіцкую міжраённую пракуратуру на незаконныя дзеянні гарвыканкама па забароне запланаванага пікету пад лозунгам “Дзеянні ўлады і законы РБ – пад грамадзянскі кантроль”.
28.01.2014 Магілёвец Юрый Новікаў абскардзіў штраф за збор подпісаў супраць расійскіх авіябаз
Намеснік старшыні Свабоднага прафсаюза Беларускага падаў наглядную скаргу на імя старшыні Магілёўскага абласнога суда. Ён просіць адмяніць рашэнне суда Ленінскага раёна Магілёва, які 29 кастрычніка 2013 года вынес яму штраф у памеры 5 850 000 рублёў за парушэнне Закона “Аб СМІ”.
28.01.2014 Баранавічы: мясцовая ўлада хоча жыць без грамадскага кантролю
Баранавіцкі гарвыканкам забараніў прафсаюзнаму актывісту Рыгору Грыку правесці 26 студзеня пікет пад лозунгамі “Дзеянні ўлады і законы РБ – пад грамадзянскі кантроль”, нягледзячы на тое, што ён не толькі заключыў дамовы з паліклінікай, ЖКГ і міліцыяй, але і выканаў усе патрабаванні закону аб масавых мерапрыемствах.
24.01.2014 Ваўкавыск: пікет салідарнасці з украінскім Майданам забаронены
Ваўкавыскі грамадскі актывіст Віталь Гуляк атрымаў адмову ў правядзенні пікету на знак салідарнасці з украінскім Майданам. 9 студзеня ён падаў заяўку на правядзенне ў гарадскім парку Ваўкавыску 25 студзеня інфармацыйнага пікету на знак салідарнасці з украінскім народам.
24.01.2014 Камітэт па правах чалавека прыняў да разгляду скаргу аб забароне акцыі ў падтрымку Алеся Бяляцкага
Камітэт па правах чалавека ААН паведамляе аб рэгістрацыі скаргі, якую Святлана Гальдадэ разам з гомельскімі праваабаронцамі Анатолем Паплаўным і Леанідам Судаленкам падала ў сувязі з забаронай у абласным цэнтры 4 жніўня 2012 года пікету ў падтрымку палітычнага зняволенага праваабаронцы Алеся Бяляцкага.
23.01.2014 Ігар Пастноў падаў заяву ў суд за абразу гонару і годнасці
Ён лічыць, што Кастрычніцкая раённая адміністрацыя абразіла яго, забараніўшы праводзіць пікет супраць міліцэйскага гвалту. Віцебскі "ўрач-праўдаруб" абвясціў, што хоча спагнаць з чыноўнікаў тры тысячы еўра за маральную шкоду, і ў выпадку перамогі ў судзе абяцае перадаць гэтыя грошы дзіцячаму дому.
21.01.2014 Салігорск: прызначана дата суда па справе аб забароне пікету да Дня правоў чалавека
Суд Салігорскага раёна прызначыў разгляд скаргі мясцовага актывіста Уладзіміра Шылы на забарону мясцовымі ўладамі пікету да Дня правоў чалавека на 14 гадзін 4 лютага. Справу будзе весці намесніца старшыні суда Ала Трафімчук.
21.01.2014 У Магілёве забаронены пікет з-за недахопу прыбіральшчыкаў
Прычына адмовы ў правядзенні пікета супраць увядзення новых падаткаў палягае ў тым, што камунальнікі адмовіліся прыбіраць тэрыторыю. У сувязі з гэтым Магілёўскі гарвыканкам прыняў рашэнне адмовіць магілёўскім дэмакратам у пікеце.
20.01.2014 Гродзенскі абласны суд прызнаў забарону пікета законнай
20 студзеня ў Гродзенскім абласным судзе прайшоў разгляд касацыйнай скаргі праваабаронцаў Віктара Сазонава, Уладзіміра Хільмановіча і Рамана Юргеля на рашэнне суда Ленінскага раёну гораду, якім была прызнаная законнасць адмовы гарвыканкамам праводзіць ім інфармацыйны пікет пра сітуацыю з смяротным пакараннем у Беларусі.
20.01.2014 Сетка дамоў правоў чалавека заклікае прэзідэнта Януковіча накласці вета на закон, які парушае правы НДА
У сумесным лісце да прэзідэнта Украіны Віктара Януковіча, распаўсюджаным 17 студзеня, сябры Сеткі Дамоў правоў чалавека (HRHN) заклікаюць яго накласці вета на закон, прыняты парламентам 16 студзеня 2014 года, які парушае фундаментальныя правы на свабоду выказвання меркаванняў і сходаў.
17.01.2014 Астравец: раённы суд прадказальна ўзяў бок чыноўнікаў
16 студзеня ў Астравецкім раённым судзе быў працягнуты разгляд скаргі па скарзе грамадскага актывіста Мікалая Уласевіча на дзеянні Астравецкага райвыканкаму, які адмовіў яму праводзіць пікет 7 снежня мінулага года па тэме “Карупцыянераў да адказнасці!”.
