Навіны на тэму: свабода мірных сходаў
16.04.2014 Мінскі абласны суд не задаволіў касацыйную скаргу на забарону пікета да Дня правоў чалавека ў Салігорску
Касацыйная скарга салігорскага грамадскага актывіста Уладзіміра Шыла на забарону мясцовымі ўладамі пікета да Дня правоў чалавека засталася не задаволенай. Калегія Мінскага абласнога суда пакінула ранейшае рашэнне суда Салігорскага раёна па дадзенай справе бяз зменаў.
16.04.2014 Гомель: маладафронтаўцаў будуць судзіць за салідарнасць з загінулымі ва Украіне
17 красавіка ў судзе Цэнтральнага раёна Гомеля адбудзецца суд над сябрамі «Маладога Фронта» Андрусём Цянютай, Наталляй Крывашэй і Стасам Була. Іх абвінавачваюць у парушэнні парадку правядзення масавага мерапрыемства.
16.04.2014 Гродзенскі абласны суд не задаволіў касацыйную скаргу Віталя Гуляка
Гродзенскі абласны суд не задаволіў касацыйную скаргу ваўкавыскага грамадскага актывіста Віталя Гуляка. Суддзя Мікалай Рачынскі пакінуў рашэнне Ваўкавыскага раённага суда без зменаў.
15.04.2014 На Віцебшчыне падалі заяўкі на чарнобыльскія акцыі
Да ўгодкаў аварыі на Чарнобыльскай АЭС актывісты з Наваполацку і Віцебску запланавалі правядзенне пікетаў. Арганізатары хочуць нагадаць землякам пра трагічныя наступствы аварыі на Чарнобыльскай АЭС і ўшанаваць подзьвіг герояў-ліквідатараў.
15.04.2014 Віцебскую актывістку аштрафавалі за пікет за байкот выбараў
Алена Каваленка пакарана штрафам у памеры 20 базавых велічынь, што складае 3 мільёны рублёў. Раней арыштам на 7 сутак быў пакараны другі ўдзельнік той самай акцыі, сябар КХП БНФ Ян Дзяржаўцаў. Судзіла абодвух актывістаў адна і тая самая суддзя Першамайскага райсуду Наталля Карабліна.
15.04.2014 Актывіст кампаніі «Гавары праўду» Сяргей Вазняк абскарджвае прысуд
Менскі гарадскі суд разгледзіць сёння касацыйную скаргу актывіста кампаніі «Гавары праўду» Сяргея Вазняка. 7 сакавіка кандыдата ў дэпутаты Менскага гарадзкога савета па Кальварыйскай выбарчай акрузе № 38 Вазьняка суд аштрафаваў на 40 базавых велічынь нібыта за арганізацыю несанкцыянаванага мерапрыемства.
10.04.2014 Баранавічы: скарга па справе Мілавідскага фэсту накіравана ў Генеральную пракуратуру
Адзін з арганізатараў Мілавідскага фэсту Віктар Сырыца 10 красавіка накіраваў наглядную скаргу Генеральнаму пракурору на рашэнні Баранавіцкага гарадскога суда, Брэсцкага абласнога і Вярхоўнага суда па справе Мідавідскага фэсту.
09.04.2014 Жыхара Брэста хочуць пакараць за пікет супраць хуткага выканання смяротных прысудаў
Акцыя, у якой браў удзел Дзмітрый Рабцэвіч, адбылася 28 сакавіка, калі ён выйшаў у цэнтр горада з плакатам, на якім было напісана “Не - хуткім расстрэлам” і “Жыццё альбо смерць”. Актывіст хацеў прыцягнуць увагу грамадскасці да праблемы хуткага выканання смяротных прысудаў у Беларусі пасля ўступлення іх у законную сілу.
09.04.2014 Бярозаўскі райвыканкам абавяжуць змяніць сваё рашэнне аб масавых мерапрыемствах
Мінюст і Брэсцкае абласное ўпраўленне ўнутраных спраў звернуцца ў Бярозаўскі райвыканкам, каб на афіцыйным узроўні ўпарадкаваць пытанне заключэння дамоў з міліцыяй пры падрыхтоўцы да масавых мерапрыемстваў. Гэта вынікае з адказаў гэтых устаноў праваабаронцам Сяргею Русецкаму і Тамары Шчапёткінай.
09.04.2014 У Мінгарвыканкам пададзена заяўка на правядзенне "Чарнобыльскага шляху"
9 красавіка арганізатары "Чарнобыльскага шляху" падалі сёння ў Мінгарвыканкам заяўку на правядзенне 26 красавіка вулічнай акцыі "Чарнобыльскі шлях" у сувязі з чарговымі ўгодкамі катастрофы на ЧАЭС. Аб гэтым БелаПАН паведаміў старшыня Партыі БНФ Аляксей Янукевіч.
01.04.2014 Брэст: міліцыя спыніла справу па факце распаўсюду рашэння Камітэта па правах чалавека ААН
Гэта рашэнне датычыцца справы Уладзіслава Кавалёва - аднаго з расстраляных два гады таму па абвінавачанні ў здзяйсненні тэракту ў мінскім метро.
01.04.2014 Вярхоўны суд падтрымаў рашэнне баранавіцкага гарадскога і брэсцкага абласнога судоў у справе Мілавідскага фэсту
Грамадскі актывіст катэгарычна не згодны з рашэннем Вярхоўнага суда і мае намер скардзіцца Генеральнаму пракурору Беларусі на паспешнае і несправядлівае высвятленне акалічнасцяў яго адміністрацыйнай справы.
26.03.2014 Справаздача па маніторынгу масавага мерапрыемства (дэманстрацыі і мітынга), прысвечанага 96-й гадавіне абвяшчэння БНР
Маніторынг масавага мерапрыемства 25 сакавіка ажыцяўляўся назіральнікамі-валанцёрамі РПГА “Беларускі Хельсінскі Камітэт” і Праваабарончага цэнтру “Вясна”.
25.03.2014 Бабруйск: Сябры СПБ распачалі папераджальную галадоўку
Раніцай 25 сакавіка на бабруйскім заводзе ТДіА (трактарных дэталяў і агрэгатаў) пачалася трохдзённая папераджальная галадоўка. У ёй бяруць удзел пяць сябраў Свабоднага прафсаюза Беларускага, у тым ліку старшыня завадской пярвічкі Міхаіл Кавалькоў.
22.03.2014 Бяроза: пікет 25 сакавіка забаранілі за распальванне нацыянальнай варожасці (дакументы)
20 сакавіка пасля званка з райвыканкаму арганізатары пачалі рыхтавацца да пікета, а 21 сакавіка атрымалі дазвол за подпісам выконваючага абавязкі старшыні райвыканкама Міхаіла Крэйдзіча простым лістом. Але нечакана раніцай 22 сакавіка зраніцы было дастаўлена іншае рашэнне, якое адмяняла папярэдняе.
