Навіны на тэму: свабода мірных сходаў
29.06.2014 Магілёў: запланаваны экалагічны пікет
У Магілёве актывісты аргкамітэта БХД плануюць правесці пікет “За чысціню паветра”. Адпаведную заяўку яны накіравалі ў Магілёўскі гарвыканкам. Лідэр Магілёўскіх хрысціян-дэмакратаў Алег Аксёнаў кажа, што нагодай для правядзення пікета стала неабходнасць звярнуць чыноўнікам увагу на экалагічны стан горада.
26.06.2014 Гомельскія ўлады не дазволілі пікет у падтрымку дзеянняў прэзідэнта па барацьбе з карупцыяй
Гомельскія ўлады не дазволілі абласной арганізацыі партыі левых «Справядлівы свет» правесці пікеты, запланаваныя на 15 і 17 чэрвеня. Першы пікет, заяўку на які апазіцыянеры падалі яшчэ ў канцы траўня, планавалася правесці з мэтай «падтрымкі дзеянняў Прэзідэнта Рэспублікі Беларусь па барацьбе са злоўжываннямі і карупцыяй сярод чыноўнікаў».
25.06.2014 У Віцебску плануюць пікет за будаўніцтва новай паліклінікі
У адміністрацыю Першамайскага раёна пададзена заяўка на правядзенне пікета ў падтрымку будаўніцтва паліклінічнага комплексу ў мікрараёнах Білева. Заяўленая мэта пікета – прыцягненне ўвагі да праблемы мясцовых насельнікаў - адсутнасці паліклінікі па месцы жыхарства.
22.06.2014 Віцебскія актывісты падалі заяўку на шэсце ад помніка, якога яшчэ няма
Гарадскія ўлады ўжо чацьвёрты год абяцаюць ўсталяваць у абласным цэнтры помнік князю Альгерду – славутаму дзеячу ВКЛ, падчас кіравання якога сярэднявечны Віцебск дасягнуў найвышэйшага росквіту. Апошняе абяцанне гарвыканкаму – усталяваць помнік 27 чэрвеня, а праз месяц, 27 ліпеня, актывісты хочуць правесці каля яго масавую акцыю.
20.06.2014 Брэст: актывісты АГП плануюць 5 пікетаў у падтрымку незалежнасці
Мэтай масавых мерапрыемстваў ёсць актуалізацыя ў грамадстве каштоўнасцяў незалежнасці і суверэнітэту дзяржавы, а таксама выказванне салідарнасці з украінскім народам у яго імкненні захаваць цэласнасць і незалежнасць сваёй краіны. Пікеты плануецца ладзіць 27 ліпеня.
19.06.2014 Салігорск: Уладзімір Шыла накіраваў ячшэ адну скаргу ў Камітэт па правах чалавека ААН
Салігорскі грамадскі актывіст Уладзімір Шыла накіраваў зварот у Камітэт па правах чалавека ААН. Падставай для скаргі стала забарона мясцовым выканкамам пікета да Дня правоў чалавека ў снежні 2013 года.
13.06.2014 У Глыбокім змагаюцца за вяртанне права на правядзенне мітынгаў і пікетаў
Чатыры дзясяткі жыхароў райцэнтру падпісаліся пад калектыўным лістом у Савет Міністраў, дзе выкладзена просьба аб ініцыяванні звароту ў Канстытуцыйны суд з мэтай ацэнкі рашэння Глыбоцкага райвыканкаму №167 "Аб вызначэнні месцаў для правядзення мітынгаў і пікетавання" на адпаведнасць Асноўнаму закону.
12.06.2014 Васілю Хадзькову ў пяты раз адмовілі ў правядзенні пікета
Пенсіянеру Васілю Хадзькову чыноўнікі Мінскага гарвыканкама ў пяты раз за апошнія паўгода адмовілі ў пікетаванні.
10.06.2014 Канстытуцыйны суд адмовіўся разглядаць зварот мазырскага праваабаронцы па сутнасці
Тыповай адпіскай назваў такі адказ Уладзімір Целяпун. «На сустрэчы старшыні Канстытуцыйнага суду з працаўнікамі прадпрыемства «Мазырскія малочныя прадукты» гаварылася, што адна з галоўных задач КС – абарона канстытуцыйных правоў грамадзян. А на практыцы грамадзян накіроўваюць да структур і органаў, якія маюць права звяртацца ў КС".
09.06.2014 У Магілёве адбылася антыалкагольная акцыя (фота)
Трэба адзначыць, што ў Магілёве апошнім часам з’явілася шэраг графіці “Хопіць бухаць” і іншыя, якія заклікаюць спыніць ужыванне алкаголю. Падобныя графіці раней былі заўважаны і ў Горках. Тады міліцыянты затрымалі і аштрафавалі за іх нанясенне на сцены некалькі студэнтаў Горацкай акадэміі.
08.06.2014 Віцебскі актывіст заклікае старшыню гарвыканкама змяніць рашэнне наконт масавых мерапрыемстваў
Хрыстафор Жаляпаў даслаў ліст старшыні гарвыканкаму Віктару Нікалайкіну. У лісце – просьба змяніць рашэнне гарвыканкаму №881, прынятае ў 2009 годзе, падчас кіравання папярэдніка спадара Нікалайкіна на гэтай пасадзе.
05.06.2014 Жыхары Віцебска патрабуюць вярнуць ім права на правядзенне пікетаў і мітынгаў
Некалькі дзесяткаў жыхароў абласнога цэнтру падпісаліся пад калектыўным лістом у Савет Міністраў з просьбай паспрыяць змяненню рашэння Віцебскага гарвыканкама №881 ад 10.07.2009 г., якое рэгламентуе правілы звароту да ўладаў з заяўкамі на вулічныя акцыі.
02.06.2014 У Брэсце адбыўся пікет, прымеркаваны да Міжнароднага дня абароны дзяцей
Акцыя была дазволена ўладамі і адбылася на пляцоўцы каля сцэны ў парку воінаў-інтэрнацыяналістаў, які рашэннем мясцовага гарвыканкама вызначаны як месца правядзення масавых мерапрыемстваў.
02.06.2014 Бяроза: хто выклікаў праваабаронцаў у міліцыю?
Пры знаёмстве з матэрыяламі судовай справы па адозве дазволу райвыканкамам на пікет на 25 сакавіка праваабаронца Сяржук Русецкі не знайшоў там запыту суддзі Алены Нямковай ў міліцыю на прадмет апытання яго і Тамары Шчапёткінай па гэтай справе. Не знайшоў і тлумачэнняў, якія яны давалі ў міліцыі ў суботу 26 красавіка.
01.06.2014 Баранавічы: суд адмовіўся вярнуць украінскі сцяг з-за “прапорцый” (дакумент)
Суд Баранавіцкага раёна і г. Баранавічы адмовіўся вярнуць украінскі сцяг Уладзіміру Гундару. Суд не знайшоў дастатковых падстаў для вяртання сцяга, бо “палотнішча, падобнае на сцяг Украіны, не адпавядае ўстаноўленым прапорцыям”.
