Навіны на тэму: свабода мірных сходаў
25.11.2014 Павел Левінаў: "Я паведаміў у раённую адміністрацыю, што хачу сфатаграфавацца з сябрамі. Няўжо не дазволяць?"
Падставай для звароту ў адміністрацыю стаў інцыдэнт з віцебскімі журналістамі і актывістамі, якіх вінавацяць у правядзенні несанкцыянаванай акцыі "на падставе" здымкаў з фотасесіі.
24.11.2014 Віцебскія актывісткі скардзяцца на супрацоўніка міліцыі, які распачаў супраць іх адміністрацыйныя справы
Тацяна Севярынец і Алена Шабуня напісалі заявы ў міліцыю і ў пракуратуру з нагоды распачынання РАУС Чыгуначнага раёна адміністрацыйных спраў нібыта за ўдзел у несанкцыянаванай акцыі. Абедзьве спадарыні настойваюць на тым, што ўсяго толькі фатаграфаваліся на фоне аднаго з гарадскіх будынкаў.
24.11.2014 Бярозаўскія праваабаронцы рыхтуюць пікет да Міжнароднага дня правоў чалавека
Яны падалі заявы на заключэнне дамоваў з медыкамі, камунальнымі службамі і міліцыяй. З міліцыяй таму, што так і не дачакаліся публікацыі ў СМІ адносна змены рашэння райвыканкама аб правядзенні масавых мерапрыемстваў № 138 ад 2010 г. згодна з Пастановай Савета міністраў № 207 ад 2012 г.
21.11.2014 Праваабаронцу Уладзіміра Хільмановіча будуць судзіць за ўшанаванне памяці паўстанцаў у Свіслачы
21 лістапада праваабаронцу і публіцысту Уладзіміру Хільмановічу патэлефанаваў супрацоўнік Ленінскага РАУС Аляксей Вайцешка і паведаміў, што ў дачыненні да яго складзены пратакол пра адміністрацыйнае правапарушэнне.
21.11.2014 Дазвол на пікет салідарнасці з Украінай пастаўлены ў залежнасць ад… надвор’я
У судзе Маскоўскага раёна Мінска разглядалася скарга Уладзіміра Андрыенкі на рашэнне Мінгарвыканкама, які па відавочна надуманых прычынах не даў дазволу на правядзенне адзіночнага пікета салідарнасці з Украінай каля амбасады РФ.
21.11.2014 У Светлагорску забаранілі пікет па тэме правоў інвалідаў
Інваліду першай групы Юрыю Ляшэнка Светлагорскі гарвыканкам адмовіў у дазволе на правядзенне пікету, які планаваўся на 22 лістапада на цэнтральнай плошчы горада. Актывіст меў намер прыцягнуць увагу грамадскасці і выказаць пратэст супраць невыканання правоў інвалідаў пры капітальным рамонце жылога двухпавярховага дома па вуліцы Леніна.
21.11.2014 Бабруйск: Пляцоўка для пікетаванняў "занятая" на няпэўны час
Сябры бабруйскай суполкі АГП звярнуліся ў гарвыканкам па дазвол на правядзенне з 20 па 24 лістапада пікетаванняў супраць размяшчэння ў горадзе расійскай ваеннай базы. Актывісты лічаць, што з'яўленне базы супярэчыць артыкулу 18 Канстытуцыі.
21.11.2014 Аляксандра Меха чакае суд за ўскладанне кветак у Свіслачы
Пра гэта актывіста Партыі БНФ папярэдзілі ў Кобрынскім РАУС пад час выкліку па справе ўдзелу ў несанкцыянаваным мерапрыемстве ў Свіслачы 26 кастрычніка. Менавіта так расцанілі традыцыйны Дзень памяці паўстанцаў 1863-1864 гадоў, якая штогод ладзіцца ў Свіслачы Гродзенскай вобласці.
20.11.2014 У Гомелі на Дзень правоў чалавека заяўлена вулічнае шэсце
Гомельскія праваабаронцы Анатоль Паплаўны і Леанід Судаленка, а таксама грамадзянская актывістка Галіна Бялова накіравалі ў гарвыканкам заяўку на правядзенне 10 снежня масавага мерапрыемства ў выглядзе вулічнага шэсця. Мэтай мірнага сходу заяўлена прыцягненне ўвагі жыхароў горада да наяўнасці ў краіне палітычных зняволеных.
20.11.2014 Камітэт па правах чалавека прызнаў ААН прызнаў парушэнне правоў Уладзіміра Няпомняшчых
Камітэт па правах чалавека ААН прызнаў неаднаразовае парушэнне права на распаўсюд інфармацыі актывіста АГП з Гомеля Уладзіміра Няпомняшчых. Камітэт рэкамендуе беларускім уладам аднавіць актывіста ў правах, кампенсаваць усе панесеныя выдаткі, а таксама змяніць нацыянальны закон «Аб масавых мерапрыемствах».
20.11.2014 Яшчэ тры суды прызначаны за фота на фоне віцебскага графіці
Суд над Аленай Шабуняй прызначаны на 28 лістапада. У той самы дзень будуць судзіць і журналістку Алену Сцяпанаву. Віцебская каардынатарка аргкамітэту па стварэнні партыі БХД Тацяна Севярынец мусіць з'явіцца ў суд 1 снежня. Днём раней пра даты судоў даведаліся журналісты Зміцер Казакевіч і Кастусь Мардвінцаў (28 лістапада і 1 снежня адпаведна).
19.11.2014 Камітэт па правах чалавека ААН прызнаў парушэнне правоў Сяргея Лазенкі
Сяргей Лазенка быў затрыманы ў жніўні 2007 года і прыцягнуты да адміністрацыйнай адказнасці за несанкцыянаванае масавае мерапрыемства – сход гарадской арганізацыі Партыі БНФ у офісе партыі ў Брэсце.
19.11.2014 Кобрын: Антон Мех таксама праходзіць па справе “несанкцыянаванага мітынгу” ў Свіслачы
18 лістапада 17-гадоваму Антону Меху, сыну грамадскага актывіста Алеся Меха з Кобрына, на дом супрацоўнік міліцыі прынёс позву, дзе было сказана, што ён выклікаецца па справе аб несанкцыянаваным мітынгу ў Свіслачы.
19.11.2014 На віцебскіх журналістаў і актывістаў заводзяць адміністрацыйныя справы за фотаздымкі на фоне графіці
Журналісты сфатаграфаваліся на фоне малюнка на сцяне будынка – выявы трох жалезных клетак, з якіх вырываецца зробленая з газеты птушка. Цяпер удзельнікаў фотасесіі выклікаюць у Чыгуначны РАУС і складаюць адміністрацыйныя пратаколы.
18.11.2014 Салігорскія праваабаронцы падалі заяву на пікет да Дня правоў чалавека
Салігорскія прадстаўнікі Беларускага Хельсінскага Камітэту рыхтуюць пікет да Дня правоў чалавека. Арганізатарам мерапрыемства выступіў мясцовы парваабаронца Леанід Мархотка.
