Праваабарончы цэнтр «ВЯСНА»

Алесь Бяляцкі – “Грамадзскі лідэр году-2011”

Tue, 07 Feb 2012 20:30:34 +0300

Старшыня Праваабарончага цэнтру “Вясна” Алесь Бяляцкі быў прызнаны лаўрэатам узнагароды “Чэмпіёны грамадзянскай супольнасьці-2011” у намінацыі “Грамадзкі лідэр году”. Пра гэта стала вядома падчас штогадовай цырымоніі ўзнагароджаньня прэміі, заснаванай Асамблеяй няўрадавых дэмакратычных арганізацый.

Крымінальная справа аб “знявазе дзяржсімвалаў” развалілася

Tue, 07 Feb 2012 16:31:33 +0300

Спынена крымінальная справа ў дачыненні да барысаўчан Аляксандра Малчанава і Андрэя Мікалаеўскага, якіх падазравалі ў абразе дзяржаўнага сцягу, што мела месца ў кастрычніку 2011 года ў цэнтры Барысава.

З МДЛУ адлічылі трох удзельнікаў акцый салідарнасьці

Tue, 07 Feb 2012 14:14:26 +0300

6 лютага з Мінскага дзяржаўнага лінгвістычнага ўніверсітэта (МДЛУ) адлічылі актывістаў “Еўрапейскай Беларусі” Аляксандра Салдаценку, Аляксандра Вялітчанку і Мікіту Каваленку, якія раней былі асуджаныя да адміністратыўных арыштаў за ўдзел у акцыях салідарнасьці з палітычнымі зняволенымі ў Беларусі.

У Баранавіцкай гарадской бальніцы ў некаторых палатах +10

Tue, 07 Feb 2012 13:43:16 +0300

Такая тэмпература, напрыклад, у неўралогіі ў палаце нумар 311. Хворыя, сярод якіх ёсць і спаралізаваны, ляжаць у палаце, нацягнуўшы на сябе па 2-3 коўдры, у цёплых шкарпэтках, швэдрах і вязаных шапачках. Знутры на вокнах відаць кускі лёду, які прымёрз да шыбаў.

Раман Кісляк: “Довады беларускага ўраду не вытрымліваюць крытыкі”

Tue, 07 Feb 2012 13:34:00 +0300

Раман Кісляк лічыць аргументы ўраду аб нявычарпальнасці ўнутраных сродкаў абароны неабгрунтаванымі. Па ягоных словах, зварот са скаргай у парадку нагляду не прызнаецца міжнароднымі органамі ў сферы правоў чалавека ў якасці прававога сродку ўнутрыдзяржаўнай абароны, паколькі ў гэтым выпадку не ўзбуджаецца прававая працэдура.

Праваабарончая праграма “Людзьмі звацца!” на Радыё Рацыя

Tue, 07 Feb 2012 12:21:34 +0300

- Гісторыя Юліі Гарачанковай як паказальны прыклад для тых, хто дбае пра свае правы, – у рубрыцы “Асоба. Дзяржава. Грамадства”.

- У “Праваабарончым календары” – гістарычна значныя факты: у лютым 1980-га году Камісія па правах чалавека ААН прыступіла да распрацоўкі пытання пра абарону праваабаронцаў.

Бабруйск: “Калі вызваляць палітвязняў?” (фота)

Tue, 07 Feb 2012 11:47:03 +0300

6 лютага на гарадскіх вуліцах з’явіліся ўлёткі кампаніі “Гавары праўду” з важнымі пытаннямі, якія б людзі хацелі задаць уладам наўпрост. На аркушах паперы былі такія пытанні: “Калі вызваляць палітвязняў?”, “Калі выбары стануць празрыстымі?”, “Чаму парламент нічога не вырашае?”, “Хто спыніць рост коштаў?” і гэтак далей.

У Бялыніцкім раёне на спецыялістаў ускладаюць функцыі наглядчыкаў

Tue, 07 Feb 2012 11:39:24 +0300

Дырэктар ААТ “Новая Друць” Уладзімір Канавалаў выдаў загад, згодна якому за кожнай абавязанай асобай замацаваны галоўны спецыяліст гэтай гаспадаркі. Саміх спецыялістаў абурае той факт, што замест выканання сваёй непасрэднай працы яны павінны выступаць наглядчыкамі.

Журналістку газеты "Витебский курьер" міліцыянеры прасілі "проста так" паказаць багажнік машыны

Tue, 07 Feb 2012 10:55:04 +0300

Юлія Канаплёва, якую затрымалі 6 лютага ўвечары, "проста так" нічога паказваць не стала – запатрабавала, каб супрацоўнікі міліцыі прывезлі пастанову на агляд і складалі пратакол у прысутнасці незалежных панятых. На ўсё гэта сышло больш за тры гадзіны.

У Салігорску ўжо за гэты год забаронена 18 акцый пратэсту

Tue, 07 Feb 2012 10:52:03 +0300

Правядзенне яшчэ шасці масавых мерапрыемстваў забаронена ў Салігорску. Агулам ад пачатку году мясцовыя ўлады не далі правесьці 18 акцый пратэсту. Гэтым разам арганізатары абскардзяць выканкамаўскія забароны ў пракуратуры ды аблвыканкаме.