Праваабарончая праграма "Вясна" на Беларускім Радыё Рацыя
Кожны аўторак у 21:05 (паўтор у суботу ў 8:05) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'ера анлайн — на сайце па любых са спасылак тут, альбо тут.
Анонс праграмы на 25 жніўня:
Падзея: на Каардынацыйную раду, створаную для трансферу ўлады, заведзеная крымінальная справа па артыкуле 361 (Заклікі да дзеянняў, накіраваных на прычыненне шкоды нацыянальнай бяспецы). Ці слушна выкарыстоўваць такі артыкул у дадзенай сітуацыі?
Каментар эксперта: На дзясяткі ўдзельнікаў у акцыях пратэсту заведзеныя крымінальныя справы за “масавыя беспарадкі”. Ці правільна кваліфікаваць тое, што адбывалася 9-13 жніўня, у якасці масавых беспарадкаў, пракаментуе юрыст ПЦ “Вясна” Валянцін Стэфановіч.
Каментар: “Адміністрацыйна затрыманыя не могуць па законе ўтрымлівацца ў пенітэнцыярных установах”, — адзначае кіраўнік правабарончай арганізацыі Тайм-Акт Васіль Завадскі. Тым не менш, калі месцаў у ІЧУ і ЦІПе стала не хапаць, люзей пачалі адпраўляць у ЛПП і нават Івацэвічскую калонію.
Якія парады можна даць пры затрыманнях і пасля іх у часе мірных пратэстных акцыяў? Распавядзе валанцёрка берасцейскай Вясны Ганна.
Асоба: гісторыя мінчука Стаса Дзядова, якога затрымалі 11 жніўня і змясцілі на Акрэсціна. Сілавікі паставілі на ім метку — белую фарбу на валасах. З-за гэтага білі яго мацней.
У музычных паўзах — S°unduk.
