Менская гарадзкая выбарчая камісія апублікавала афіцыйныя вынікі галасаваньня. За Ціханоўскую — 15%
Фота з сацыяльных сетак.
Менская гарадзкая камісія па выбарах прэзыдэнта Рэспублікі Беларусь прыняла рашэньне «Пра ўстанаўленьне вынікаў галасаваньня», паведамляе Радыё Свабода.
Афіцыйныя вынікі выбараў у Менску такія (у пераліку на працэнты з акругленьнем да дзясятых) :
Андрэй Дзьмітрыеў — 1,9% галасоў,
Ганна Канапацкая — 3,2%,
Аляксандар Лукашэнка — 64,5%,
Сьвятлана Ціханоўская — 14,9%,
Сяргей Чэрачань — 2%,
супраць усіх — 10%,
несапраўдных бюлетэняў — 3,4%.
Афіцыйная лічба яўкі — 67,5%
10 жніўня старшыня ЦВК Лідзія Ярмошына абʼявіла, што ў цэлым па краіне паводле папярэдніх дадзеных Аляксандар Лукашэнка атрымаў 80,23% галасоў, а Сьвятлана Ціханоўская — 9,9%.
Андрэй Дзьмітрыеў, паводле папярэдніх афіцыйных лічбаў, атрымаў 1.04%, Ганна Канапацкая — 1.68%, а Сяргей Чэрачань — 1.13%. Супраць усіх — 6,02. Яўка — 84,23%.
10 жніўня на прэс-канфэрэнцыі штабу Сьвятланы Ціханоўскай назвалі шэсьць участкаў у розных раёнах Менску, дзе, паводле афіцыйных пратаколаў, кандыдатка перамагла Лукашэнку зь вялікім адрывам. Пазьней фатаграфіі пратаколаў, дзе Ціханоўская пераважае па колькасьці галасоў, працягвалі зьяўляцца ў сацыяльных сетках.
