viasna on patreon

Фігурант "справы Ціханоўскага", палітвязень Вяргілій Ушак выйшаў на волю Дапоўнена

2020 2020-07-29T22:18:00+0300 2020-07-29T21:18:12+0300 be https://spring96.org/files/images/sources/ushak_vergilii.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пасля двух месяцаў зняволення ўвечары 29 ліпеня з СІЗА-1 на вул. Валадарскага ў Мінску выпусцілі фігуранта справы па ч. 1 арт. 342 КК РБ, палітвязня Вяргілія Ушака. Пра гэта паведаміла яго нявеста, якая сустрэла яго ў 8 вечара каля СІЗА. 

Вяргілій Ушак  пасля вызвалення. Фота прадаставіла spring96.org яго нявеста Надзея
Вяргілій Ушак пасля вызвалення. Фота прадаставіла spring96.org яго нявеста Надзея

Ушак застаецца падазраваным па крымінальнай справе. Яму абраная мера стрымання ў выглядзе падпіскі аб нявыездзе.

Вяргілій Ушак быў затрыманы 29 траўня ў Гродне падчас выбарчага пікета па зборы подпісаў грамадзян у падтрымку вылучэння ў якасці кандыдата ў Прэзідэнты Рэспублікі Беларусь Святланы Ціханоўскай. Тады супрацоўнікамі міліцыі быў затрыманы кіраўнік ініцыятыўнай групы, блогер папулярнага YouTube канала “Страна для жизни” Сяргей Ціханоўскі і яшчэ, як мінімум 15 грамадзян, якія прымалі ўдзел у дадзеным пікеце.

8 чэрвеня семярым удзельнікам мерапрыемства, у тым ліку Вяргілію Ушаку, было прад'яўленае абвінавачванне ў арганізацыі групавых дзеянняў, якія груба парушаюць грамадскі парадак і звязаныя з яўным непадпарадкаваннем законным патрабаванням прадстаўнікоў улады, і ў актыўным удзеле ў такіх дзеяннях (частка 1 артыкула 342 КК Рэспублікі Беларусь). 9 чэрвеня праваабарончая супольнасць Беларусі прызнала яго палітычным зняволеным і запатрабавала неадкладнага вызвалення ўсіх абвінавачаных па артыкуле 342 Крымінальнага кодэксу Рэспублікі Беларусь. Пазней міжнародная праваабарончая арганізацыя Amnesty International прызнала беларускіх палітвязняў вязнямі сумлення.

Апошнія навіны

Партнёрства

Сяброўства