Кампанія салідарнасці працягваецца. “Хросныя” з’явіліся ў Статкевіча, Севярынца і Ушака
У межах кампаніі салідарнасці #WeStandBYyou, арганізаванай швейцарска-нямецкай правабарончай арганізацыяй Libereco, яшчэ тры дэпутаты сталі “хроснымі” беларускіх палітвязняў. Пра гэта паведамляецца на сайце арганізацыі.
- Маргарэтэ Баўзэ і Мікалай Статкевіч
Маргарэтэ Баўзэ (дэпутатка Бундэстага, фракцыя “Бюндніс 90/Зялёныя”), Міхаэль Галер (дэпутат Еўрапейскага парламента, ХДС) і Віёла фон Краман (дэпутатка Еўрапейскага парламента, фракцыя “Бюндніс 90/Зялёныя”) патрабуюць неадкладнага і безумоўнага іх вызвалення.
Маргарэтэ Баўзэ, якая з’яўляецца прадстаўніцай па пытаннях правоў чалавека парлямэнцкай групы “Зялёныя” ў нямецкім Бундэстагу, узяла “шэфства” над Мікалаем Статкевічам.
“Свабоду Мікалаю Статкевічу і ўсім іншым палітвязням!” — заявіла яна.
- Міхаэль Галер патрабуе вызваліць Паўла Севярынца
Міхаэль Галер, прадстаўнік па пытаннях знешней палітыкі групы ЕНП у Еўрапарламенце, заявіў:
“Павел Севярынец — палітвязень, ахвяра шматгадовага пераследу з боку рэжыму. Зараз ён без віны сядзіць у зняволенні ў нечалавечых умовах. Я яго асабіста ведаю і патрабую яго неадкладнага вызвалення”.
Еўрадэпутатка ад Партыі Зялёных Віёла фон Краман падкрэслівае ў сваёй відэазаяве:
“Вяргілій Ушак не ўчыніў нічога незаконнага, але яго абвінавачваюць ў злачынстве і ён можа атрымаць да трох гадоў турмы. Мы заклікаем прэзідэнта краіны Аляксандра Лукашэнку нарэшце спыніць гэтыя цалкам адвольныя, палітычныя арышты, некаторыя з якіх звязаныя з катаваннямі. У Беларусі таксама павінны выконвацца правы чалавека”.
????????Ich habe die Patenschaft von einem belorussischen Fotografen und Polit.Gefangenen Vergil #Ushak übernommen der von #Lukashenko in Grodno verhaftet wurde. Vergil soll freigesprochen werden und die Menschenrechte müssen auch in #Belarus respektiert werden. #freevergil pic.twitter.com/5g3fjQezaj
— Viola von Cramon (@ViolavonCramon) July 17, 2020
Libereco заклікае беларускага прэзідэнта вызваліць усіх палітвязняў неадкладна і безумоўна. Праваабаронцы нагадваюць, што ў краіне-суседцы ЕС на дадзены момант існуе больш за 20 палітычных зняволеных.
Дэпутаты парламентаў краін ЕС стануць “хроснымі” беларускіх палітвязняў
